मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

मोक्षविकल्पः ५३ उपाध्युच्छित्तिपक्षेऽपि विभागो मुख्यतस्त्वसौ । स्वसंवेदनराहित्यसाहित्याभ्यां द्विधा मतः ॥ स्वस्वरूपोच्छित्तिपक्षसंविद्रहितपक्षयोः । विशेषः फलतो नैव वक्तुं शक्यमितीतरे ॥ सुखसंवित्त्यभिव्यक्तिं कैवल्येऽप्यनुजानते । श्रुतिन्यायानुरोधेन तात्पर्ये पर्यवस्यति ॥ अतस्स्वतन्त्रः श्रौतोऽन्यः पक्षो नास्तीति यौक्तिका तस्मान्मध्यस्थचिन्तायां सम्प्रदायः परा गतिः ॥ संस्कारः सुदृढस्सोऽयं पारंपर्यव्यवस्थितः । संप्रदायः यतः श्रद्धाविद्याकर्ममयः पुमान् ॥ 5 येयं सुषुप्त्यवस्थैषा सर्वचेतनसाक्षिता । तामुदाहरणं मुक्तेस्सर्वे दार्शनिका विदुः ॥ बृहदारण्यके याज्ञवल्क्यो जनकभूपतेः । मोक्षोपलक्षणामेतामाह षष्ठप्रपाठके ॥ भाष्येऽपि पाक्षिले सैषा दशैवानूदिता तथा । यथा सुप्तस्य च स्वप्नादर्शने क्लेशसंक्षयः ॥ तथाऽपवर्गे रागानुबन्धो विच्छिद्यते तराम् । तस्यामपिं दशायां ये विकल्पास्तान्निबोधत ॥ आत्मप्रध्वंसवादा ये तेषां निर्वाणलक्षणा । मुक्तिरात्यन्तिकी सैषा या महासुप्तिरुच्यते ॥ M.R. 68