मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

574 मानमेयरहस्यश्लोकवार्तिके अनेकेषां मतं ब्रह्मसूत्रेषूदाहृतं ततः । ब्रह्मसूत्राण्यप्यनेकान्यासन्निति च कल्प्यते ॥ एवं प्रकल्पने प्रायः भाति सर्वं सुसंगतम् । किंकिं नसंभाव्यतेऽत्र संसारेऽनादिवाहिनि ॥ 11 अथात्रैवेश्वरे वादविकल्पोऽपि विविच्यते । निर्देववादो निस्संविदैववादः पुरोदितः ॥ निरीश्वरो निर्विशेषेश्वरो वेति विकल्पना । कालं ब्रह्म विदुः केचित् स्फोटं ब्रह्म विदुः परे । कर्म ब्रह्म विदुः केचित् परेऽथ प्रकृतिं विदुः । प्रतिबिम्बैश्वर्यवादः प्रतिभासेश्वरस्तथा ॥ निष्व्यापारेश्वरः कश्चित् तथाऽन्यो निरनुग्रहः । प्रवाहेश्वरवादोऽन्यः नानेश्वर इतीतरः ॥ मूर्तित्रयेश्वरः कश्चित् तदन्यतम इत्यपि । तदुत्तीर्णविवादोऽन्यः शाक्तसौरादिकल्पनी ॥ कल्पना काचिदन्योन्यविभिन्नास्त्रय ईश्वराः । ये सत्त्वादिगुणोन्मेषभिदुरेष्वधिकारिणः ॥ कल्पेषु ते चक्रनेमिनीत्या निम्नोन्नतश्रियः । एवं बहुविधा वादाः दृश्यन्ते खल्वपीश्वरे ॥ द्विलिङ्गो द्विविभूतिश्च विष्णुर्नारायणो हरिः । श्रीपाञ्चरात्रसिद्धान्ते ह्येष ईश्वरनिर्णयः ॥