मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

हेतुदर्शनशून्या ये ते सन्त्येव महाजनाः ॥ न महत्ता देशतो वा कालतो वापि शक्तितः । आकारतो वा संख्यातः नान्यस्मादपि कारणात् ॥ एवं विशेषं पश्यन्तः तुष्यन्तस्सन्ति वैदिकाः । (122) युक्तिप्राबल्यम्. 1 एवं वैदिकसिद्धान्तसंप्रदायस्य संग्रहः । अथ यौक्तिकसिद्धान्तहृदयं संप्रकाशयते ॥ अभ्यासात्प्रतिभाहेतुः शब्दः सर्वैरपि स्मृतः । बालानां च तिरश्चां च यथार्थप्रतिपादने ॥ आद्यः करणविन्यासः प्राणस्योर्ध्वं समीरणम् । स्थानानामभिघातश्च न विना शब्दभावनाम् ॥ प्रमाणत्वेन तां लोकः सर्वः समुपगच्छति । व्यवहाराः प्रवर्तन्ते तिरश्चामपि तद्वशात् ॥ स्वरवृत्तिं विकुरुते मधौ पुंस्कोकिलः कथम् । जन्त्वादयः कुलायादेः करणे शिक्षिताः कथम् ॥ आहारप्रीतिविद्वेषप्लवनादिक्रियासु कः । जात्यन्वयप्रसिद्धासु प्रयोक्ता मृगपक्षिणाम् ॥ इतिहि प्रतिभावादिवार्ताक्षौदुम्बरायणाः । प्रतिभायास्तु माहात्म्यं वर्णयन्तीति विश्रुतम् ॥