मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

विचारनिरूपणम् ६२१ अन्ये तार्किकसिद्धान्तं प्रायशस्समशिश्रयन् । यस्मात्सौगतसिद्धान्तस्सोऽसत्ख्यातो प्रतिष्ठितः ॥ 7 सौगताः सर्वसिद्धान्तखण्डकाः शून्यतत्पराः । तेषां वितण्डा ब्रह्मास्त्रं तस्या गतिरुदीक्ष्यताम् ॥ वितण्डावाद्ययमसो यो माध्यमिकनामकः । स्वपक्षस्थापनाहीनः परपक्षविभेदकः ॥ सोऽनुयुक्तः फलं किंचिद्यदिच प्रतिपद्यते । सोऽस्य पक्षो भवेत्तेन वैतण्डिककथा हता ॥ अथ न प्रतिपद्येत नायं लौकिक इष्यते । नवा परीक्षकः स्यादित्यापद्येत स बुद्धिमान् ॥ प्रयोजनमनुद्दिश्य न मन्दोऽपि प्रवर्तते । न तिरश्चामपि जगत्यफला दृश्यते क्रिया ॥ परपक्षप्रतिक्षेपज्ञापनं चेत्प्रयोजनम् । ब्रवीत्यसौ तथाऽप्येतत्तादृगेव भविष्यति ॥ यो ज्ञापयति यो वेत्ति येन च ज्ञाप्यते तथा । यदपि ज्ञायते तच्चेत् प्रतिपद्येत को हतः ॥ सर्वथा सदुपायानां वादमार्गः प्रवर्तते । अधिकारोऽनुपायत्वान्न वादे शून्यवादिनः ॥ अथ शून्याद्वैतवादमानिनो हीत्थमभ्यधुः । अवलम्ब्य भरं शून्ये कृतार्थाः सुखमास्महे ॥