पारस्कर गृह्यसूत्र (मार्गदर्शिनी टीका व हिन्दी व्याख्या सहित)

( १६८ )

अजारसः—नित्ययौवनाः अक्षीणसम्पदो वा स्याम—भूयास्म पुत्रान्— तनयान् प्रति पिता—जनक इव, त्वं नः—अस्मान्, जुषस्व—अस्मासु प्रीतो भव। कृतापराधेष्वपि अस्मासु सुप्रीतो भव इति भावः।

३- हे वास्तोष्पते—इन्द्र ! ते—तव, शग्मया—सुखरूपया "शिवं शग्ममिति सुखनामनी ! तथा रण्वया शास्त्रीयं रणनं उपन्यासं कुर्वाणया, गातुमत्या—यज्ञवत्या त्रयीप्रधानया वा संसदा—सभया, सक्षीमहि—समवेताः भवामः, त्वं च क्षेमे—अलब्धलाभे उत—पुनश्च, योगे—लब्धपरिपालने, नः—अस्मान्, वरं—यथार्थं, पाहि—रक्ष। हे इन्द्रानुचराः ! यूयं सदा—सर्वदा, स्वस्तिभिः— अभीष्टफलदानैः, पात—रक्षत।

४- हे वास्तोष्पते इन्द्र ! अमीवहा—पापरोगपीडादिनाशकः, सुशेवः—शोभनसुखहेतुः, त्वम्—इन्द्रः, विश्वा—विश्वानि सर्वाणीत्यर्थः, रूपाणि—ब्रह्मादिस्तम्बपर्यन्तानि, आविशन्— प्रविशन् सन् नः— अस्माकं, सखा—इहामुत्र बन्धुः, एधि—भव, सर्वशरीरिरूपेणास्माक- मनुकूलो भव। सर्वे प्राणिनः अस्माकं मित्राणि भवन्तु इति भावः। स्वाहा—सुहुतमस्तु।

स्थालीपाकस्य जुहोति—

१- अग्निमिन्द्रं बृहस्पतिं विश्वान् देवानुपह्वये।
सरस्वतीं च वाजीं च वास्तु मे दत्त वाजिनः स्वाहा ॥

२- सर्पदेवजनान्सर्वान् हिमवन्तं सुदर्शनम्।
वसू ंश्र्च रुद्रानादित्यानीशानं जगदैः सह ॥
एतान् सर्वान् प्रपद्येऽहं वास्तु मे दत्त वाजिनः स्वाहा ॥

३- पूर्वाह्नमपराह्नं चोभे मध्यन्दिना सह।
प्रदोषमर्धरात्रञ्च व्युष्टां देवीं महापथाम्।
एतान् सर्वान् प्रपद्येऽहं वास्तु मे दत्त वाजिनः स्वाहा ॥