रसेन्द्रसारसंग्रह (गोपालकृष्ण - पं. रामप्रसाद वैद्य सविस्तार सान्वय हिन्दी टीका सहित)

भाषाटीकासहित । ( ४९५ ) मण्डूकपर्णीवशिरतालमूलीरसैः पुनः । वरीभृङ्गकेशराजकालमारिषजैरथ ॥ २०॥ त्रिफलाभद्रमुस्ताभिः स्थालीपाकाद्विचूर्णितम् । रसगन्धकयोः कर्षं प्रत्येकं ग्राह्यमेकतः ॥ २१ ॥ तन्मसृणशिलाखण्डे यत्नतः कज्जलीकृतम् । वचा चव्यं यमानी च जीरके शतपुष्पिका ॥ २२ ॥ व्योषं मुस्तं विडङ्गञ्च ग्रन्थिकं खरमञ्जरी । त्रिवृता चित्रको दन्ती सूर्यावर्त्तः सितस्तथा ॥ २३॥ भृङ्गमाणककन्दाश्च खण्डकर्णक एव च । दण्डोत्पला केशराजकालावकरकोऽपि च ॥ २४ ॥ एषामर्द्धपलं ग्राह्यं पटघृष्टं सुचूर्णितम् । प्रत्येकं त्रिफलायाश्च पलार्द्धं पलमेव च ॥ २५ ॥ एतत्सर्वं समालोड्य लोहपात्रे तु भावयेत् । आतपे दण्डसंघृष्टमार्द्रकस्य रसैस्त्रिधा ॥ २६ ॥ तद्रसेन शिलापिष्टं गुटिकां कारयेद्भिषक् । बदरास्थिनिभां शुष्कां स्वनुगुप्तां निधापयेत्॥२७॥ [