ऋभु गीता (शिव रहस्य - निदिध्यासन व अद्वैत बोध)

शब्दैरब्दशतेऽपि नैव स लभेत् ज्ञानं न तर्कभ्रमैः
मीमांसा द्वयतस्तथाद्वयपदं किं सांख्यसंख्या वद ।
योगायासपरंपरादिविहितैर्वेदान्तकान्तारके
श्राम्यन् भक्तिविवर्जितेन मनसा शम्भोः पदे मुक्तये ॥ ३.३१॥

किं गंगया वा मकरे प्रयाग-
स्नानेन वा योगमखक्रियाद्यैः ।
यत्रार्चितं लिंगवरं शिवस्य
तत्रैव सर्वार्थपरंपरा स्यात् ॥ ३.३२॥

श्रीशैलो हिमभूधरोऽरुणगिरिर्वृद्धाद्रिगोपर्वतौ
श्रीमद्धेमसभाविहार भगवन् नृत्यं त्रिनेत्रो गिरिः ।
कैलासोत्तरदक्षिणौ च भगवान् यत्रार्चने शंकरो
लिंगे सन्निहितो वसत्यनुदिनं शांगस्य हृत्पंकजॆ ॥ ३.३३॥

तत्राविमुक्तं शशिचूडवासं
ओंकारकालंजर रुद्रकोटिं ।
गङ्गाबुधेः संगममंबिकापति-
प्रियं तु गोकर्णकसह्मजातटं ॥ ३.३४॥

यत्राभ्यर्चगतं महेशकरुणापूर्णं तु तूर्णं हृदा
लिंगं पूजितमप्यपास्तदुरितं तीर्थानि गंगादयः ।
पुण्याश्चाश्रमसंघका गिरिवरक्षेत्राणि शम्भोः पदं
भक्तियुक्तभजनेन महेशे शक्तिवज्जगदिदं परिभाति ॥ ३.३५॥

कर्मन्दिवृन्दा अपि वेदमौलि-
सिद्धान्तवाक्यकलनेऽपि भवन्ति मन्दाः ।
कामादिबद्धहृदयाः सितभस्मपुण्ड्र-
रुद्राक्ष शंकरसमर्चनतो विहीनाः ॥ ३.३६॥

हीना भवन्ति बहुधाप्यबुधा भवन्ति
मत्प्रेमवासभवनेषु विहीनवासाः ॥ ३.३७॥

अष्टम्यामष्टमूर्तिर्निशि शशिदिवसे सोमचूडं तु मुक्त्यै
भूतायां भूतनाथं धृतभसिततनुर्वीतदोषे प्रदोषे ।
गव्यैः पंचामृताद्यैः फलवरजरसैर्बिल्वपत्रैश्च लिंगे
तुंगे शांगेऽप्यसंगो भजति यतहृदा नक्तभुक्त्येकभक्तः ॥ ३.३८॥

ज्ञानानुत्पत्तये तद्धरिविधिसमताबुद्धिरीशानमूर्तौ
भस्माक्षाधृतिरीशलिंगभजनाशून्यं तु दुर्मानसं ।