रूपमण्डन एवं देवमूर्त्ति-प्रकरणम् (मण्डन सूत्रधार - प्राचीन मूर्तिकला एवं देव-प्रतिमा लक्षण सटीक)

पञ्चमोऽध्यायः ८३ [ चक्रान्तराणि ] एक(पद्मान्तिका ? चक्रान्विता) या तु दक्षि(णार्त्त- ? णावर्त्त ) संस्थिता । चतुर्लाञ्छनसंयुक्ता भोगमोक्षप्रदा शुभा ॥ ४१ ॥ चक्रेण कम्बुना या च (पद्मनादि य अङ्किता ? पद्मेन गद्याऽङ्किता ) । तत्र श्रीः प्रत्यहं तिष्ठेत् (सप्त ? सर्व)सम्पदमादिशेत् । लाञ्छनेन विना (यस्य ? या स्यात् ) प्रशस्ता तु न सा स्मृता ॥ ४२ ॥ [ हरिः ] चक्रं वा केवलं यत्र पद्मं वा(प्यर्थ यद् ? प्यथ वा) गदा । लाङ्गलं वनमाला च हरिर्लक्ष्म्या (स हि ? सह) स्थितः ॥४३ [ एतत्पूजाफलम् ] तस्मिन् गृहे न दारिद्र्यं न शोको रोगजं भयम् । न चोराग्निभयं तस्य ग्रहै रोगैर्न बाध्यते । अन्ते मोक्षो भवेत्तस्य पूजनादेव नित्यशः ॥ ४४ ॥ [ नृसिंहः ] विकटास्या तु विकृता नृसिंहमुखलाञ्छना । पाशाङ्कुशगदाचक्रा(प्ये ? ष्ये)षामङ्केन लाञ्छिता ॥ ४५ ॥ नारसिंही भवेन्मुद्रा भोगमोक्षप्रदायिका । दर्शनान्नश्यते पापं ब्रह्महत्यां व्यपोहति ॥ ४६ ॥ ४१-४२ । या शिला एकचक्रान्विता, दक्षिणावर्त्तसंस्थिता चतुर्लाञ्छनसंयुक्ता च सा भोगमोक्षप्रदेत्यन्वयः । चतुर्लाञ्छनेत्यस्य विवरणं चक्रेणेत्यादि ।