समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

२१८ समराङ्गणसूत्रधारे सांवत्सरेऽर्चिते यस्मात् पूजितः स्याद् बृहस्पतिः । स्थपतिं पूजयेत् पश्चात् त्वष्टृपुष्टिचिकीर्षया ॥ ३४ ॥ तदधीनं यतः कर्म शुभं वा यदि वाशुभम् । श्वेतचन्दनदिग्धांस्ताञ् श्वेतपुष्पैश्च पूजितान् ॥ ३५ ॥ सदशैर्हतवस्त्रैश्चाङ्गुलीयैः प्रपूजयेत् । परिकर्मकरा ये च तान् यथाशक्ति पूजयेत् ॥ ३६ ॥ हेम्ना वस्त्रादिदानैश्च वाग्भिर्वा परितोषयेत् । यथा सुमनसस्ते स्युस्तथा कर्तव्यमादरात् ॥ ३७ ॥ ततः स्थपतिराचम्य बलिकर्म समाचरेत् । सूत्रपाते बलिं धीमान् सार्वभौतिकमाचरेत् ॥ ३८ ॥ तस्यालाभे बलिः कार्यों यो भवेत् सोऽभिधीयते । विदधीत चरून् श्वेतरक्तपीतासितान् पृथक् ॥ ३९ ॥ पायसं कृसरं क्षीरं निष्पावाञ् श्वेतमोदनम् । पाविकादधिरूपांश्च पललोल्लापिकाघृतम् ॥ ४० ॥ दध्योदनं च संमिश्रं देवताभ्यो निवेदयेत् । तिलैर्घृतेन सहितैर्देवमग्निं च पूजयेत् ॥ ४१ ॥ ततश्च पायसं दध्ना ब्रह्मस्थाने निवेदयेत् । ततश्चानुक्रमेणैव देवताभ्यो बलिं हरेत् ॥ ४२ ॥ बलिकर्म यथान्यायं कृत्वा च द्विजवाचनम् । स्वशाखीयान् शुचीन् प्राज्ञान् पूजयेद् दक्षिणाफलैः ॥ ४३ ॥ ओङ्कारस्वस्तिपुण्याहैर्गीतवादित्रनिस्वनैः । ततो विप्रैः सह स्वामी कुर्यात् तस्य प्रदक्षिणम् ॥ ४४ ॥ अक्षतान् प्रथमं कुम्भे दापयित्वा द्विजोत्तमैः । ततो दक्षिणपूर्वेण गत्वा पुण्याहवाचकैः ॥ ४५ ॥

१ द. वसुं; ख. वस्तुं । २ द. ख. ॰लैश्च । ३ द. ख. वाग्भिर्वा । ४ द. ख. ग. ॰र्ये । ५ द. ख. ॰तेरक्तश्वेतभक्तपी॰ । ६ द. ख. ॰त्रिं । ७ द. ख. ग. ॰दध्यरू॰ ८ द. ख. ॰ल्लो॰ । ९ क. ॰मृ॰ । १० द. ख. दैवते॰ । ११ द. ॰चतां; ख. ॰चनां । १२ द. ख. ॰ता प्र॰ । १३ द. ख. ॰मा ।