समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

३९८ समराङ्गणसूत्रधारे तदूर्ध्वं मेखला कार्या भागद्वितयमुच्छ्रिता । ऊर्ध्वतो मञ्जरी कार्या क्रमेणैव मनोहरा ॥ नवभागायतं (रुद्धो ?)ग्रीवा भागसमुन्नता । अण्डकं द्विपदोत्सेधं चन्द्रिका भागमुच्छ्रिता ॥ द्विपदं कलशं कुर्याद् विस्तारोत्सेधनः समाः । लताः सप्त विधातव्या (रेषा ब्रूम कुलाकृति ?) ॥ मध्ये लतायाः कर्णस्य वेल्कः षड्।वच्रः क्रमः । प्रत्यङ्गे तिलका कूटाः पञ्चालार्धा द्विपक्षकः (ः) ॥ कोणे वराटका(?) कूटाः कार्या माहेन्द्रमन्दिरे । कृत्वा महेन्द्रं राजा स्याद् माहेन्द्रस्य(?) वसेद् दिवि ॥ महेन्द्रः ॥ अथो ब्रूमो वराटाख्यं प्रासादं शुभलक्षणम् । दयितं किन्नरेन्द्राणां नागानां चातिवल्लभम् ॥ चतुरश्रं समं क्षेत्रं विभजेद् दशभिः पदैः । कु(र्या)त् षड्भिः पदैर्गर्भं भित्तिं भागद्वयेन च ॥ द्विपदं कर्णविस्तारं कुर्यात् कोणचतुष्टयम् (ये) । उदकान्तरविस्तारमर्धभागप्रवेशकम् ॥ पञ्चभागायतं भद्रमन्तरं वारिमार्गयोः । विस्तारार्धेन कर्तव्यस्तस्य भद्रस्य निर्गमः ॥ कुर्यान्मध्येऽष्टभिर्भागैः सपादैर्वृत (त्त) मुत्तमम् । सहितो वारिमार्गेण तलच्छन्दोऽयमीरितः ॥ ऊर्ध्वप्रमाणमेतस्य विस्ताराद् द्विगुणं भवेत् । तुलोच्छ्रायोऽष्टभिर्भागैः पदानि द्वादशोर्ध्वतः ॥ पदत्रितयमुत्सेधात् कर्तव्यं भद्रपीठकम् । विस्ताराधार्थमुत्सेधं वेदिबन्धस्य कारयेत् ॥ चतुर्भागोच्छ्रितां जङ्घां हीरकं चार्धभागिकम् । मेखलान्तरपत्रं च कुर्याद् भागमुच्छ्रितम् ॥