सात्वत संहिता (पाञ्चरात्र आगम - भगवान् सङ्कर्षण-नारद संवाद सान्वय सटीक)

त्रयोदशः परिच्छेदः ३०७ वनमालाध्यानकथनम् वहन्तं कूर्ममुद्रां च मुख्यहस्तद्वयेन तु । ध्येया भगवती माला चित्ररूपा मनोहरा ॥ ८ ॥ सर्वगन्धान्विता सौम्या ईषद्विकसितानना । वनमालाध्यानमाह—ध्येयेति ॥ ८-९ ॥ वनमाला का ध्यान—अपने दोनों हाथों से अविद्या दलिनी कूर्ममुद्रा धारण किये हुए, चित्ररूपा एवं मनोहरा वनमाला का ध्यान करना चाहिये जो विग्रह सर्वगन्धान्विता एवं सौम्या है जिसका मुख ईषद् विकसित है ॥ ८ ॥ चक्रादिसप्तदशायुधानं ध्यानकथनम् स्वरश्मिमण्डलान्तःस्थं वलान्तं हेतिपं स्मरेत् ॥ ९ ॥ विभोराज्ञां प्रतीक्षन्तं ह्रस्वाङ्गं रक्तलोचनम् । कुन्दावदातकमलं सौम्यमीषत्स्मिताननम् ॥ १० ॥ रवं रवन्तं मधुरं श्रोत्रेन्द्रियसुखावहम् । गदां हेमाद्रिसंकाशां तन्वीं कुवलयेक्षणाम् ॥ ११ ॥ स्वोत्थेन रश्मिजालेन भासयन्तीं नभःस्थलम् । तुहिनाचलसंकाशं शङ्खं कमललोचनम् ॥ १२ ॥ सदागमादिसारं तमुद्गिरन्तं स्वकैर्मुखैः । सन्ध्याजलदसंकाशं लाङ्गलं भीमलोचनम् ॥ १३ ॥ क्षामाङ्गमुन्नतांसं च वज्रकायं बलोत्कटम् । कृशोदरं च मुसलं रश्मिज्वालावलीवृतम् ॥ १४ ॥ अङ्गारराशिसदृशं प्रलम्बमतिनिष्ठुरम् । नीलोत्पलदलश्याममिष्वस्त्रं बाणविग्रहम् ॥ १५ ॥ नानारूपं च निशितं दीर्घदृक्चण्डविक्रमम् । कार्मुकं हेमगौरं च किङ्किणीजालमण्डितम् ॥ १६ ॥ आस्फोटयन्तं स्वकरं महाजलदनिस्वनम् । स्वरश्मिखचितं ध्यायेन्नृत्यमानं च नन्दकम् ॥ १७ ॥ शरदाकाशसंकाशं दशन्तं दशनावलिम् । सूर्यमण्डलसंकाशं खेटकं सौम्यमूर्तिकम् ॥ १८ ॥ ग्रसन्तमस्त्रपूगानि स्ववक्त्रेणानिशं बलात् । बद्धमुष्टिं स्मरेद् दण्डं रक्ताङ्गं रक्तलोचनम् ॥ १९ ॥ क्रोधमूर्तिं स्वदशकैर्दशन्तमधरं स्वकम् ।