सुन्दर विलास (सन्त सुन्दरदास जी - अद्वैत वेदान्त एवं ज्ञान-भक्ति काव्य सटीक)

॥ देहमलिनता व गर्वप्रहार को अंग ॥ [ ६६ इन्दव छन्द हाड कौ पिंजर चाम मढ्‌यौ सब, माहि भर्‌यौ मल मूत्र बिकारा । थूक रु लार परै मुख ते पुनि, व्याधि बहै सब और हु द्वारा ॥ मांस को जीभ सों खाइ सबै कछु, ताहि ते ताकौ है कौन बिचारा । ऐसै शरीर मैं पैसि कै सुन्दर, कैसैक कीजिये शुच्य अचारा ॥३॥ थूक रु लार भर्‌यौ मुख दीसत, आंखि मैं गीड रु नाक मैं सेंढ़ौ । औरऊ द्वार मलीन रहै नित, हाड के मांस के भीतर भेदौ ॥ ऐसै शरीर मैं बास कियौ तब, एक से दीसत बामन ढेढौ । सुन्दर गर्व कहा इतने पर, काहेकौ तूं नर चालत टेढौ ॥४॥ (३) शुच्य- शुद्ध । (४) भेदौ-चर्बी, मज्जा । बामन-ब्राह्मण ।