तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

३ प्रपाठके ७ अनुवाकः । २६३

च मे॑ भू॒यात्(२) । (३)पृ॒थि॒वी त्रि॒होता॑ । स प्र॒ति॒ष्ठा ॥ १ ॥
स मे॑ ददातु प्र॒जां प॒शून् पु॒ष्टिं यशः॑। प्र॒ति॒ष्ठा च॑ मे भू-
यात्(३)। (४)अ॒न्तरि॑क्षं चतु॑र्होता । स वि॒ष्ठाः। स मे॑ ददातु
प्र॒जां प॒शून् पु॒ष्टिं यशः॑ । वि॒ष्ठाश्च॑ मे भूयात्(४) । (५)वा॒युः
प॒ञ्च॑होता । स प्रा॒णः । स मे॑ ददातु प्र॒जां प॒शून् पु॒ष्टिं
यशः॑। प्रा॒णश्च॑ मे भूयात्(५) ॥ २ ॥
(६)च॒न्द्रमाः॑ षड्ढोता । स ऋ॒तून् क॑ल्पयाति । स

---

तृतीयमाह । (३)“पृथिवी त्रिहोता ॰ प्रतिष्ठा च मे भूयात्” (१) इति । त्रिभिरग्न्यन्वयागैह्रुपकरोतीति त्रिहोतृत्वं सर्वं प्राण्याधारत्वेन प्रतिष्ठात्वं ॥

अथ चतुर्थमाह । (४)“अन्तरिक्षं चतुर्होता ॰ विष्ठाश्च मे भूयात्”(२) इति । चतुर्भिर्वा वृत्त्याकाशस्थानैः* उपकाराच्चतुर्होतृत्वं । यक्षगन्धर्वादीनां आश्रयत्वाद्विविधं स्थितिहेतुत्वञ्च ॥

अथ पञ्चममाह । (५)“वायुः पञ्चहोता ॰ प्राणश्च मे भूयात्”(५) इति । पञ्चभिः प्राणवृत्तिभिरुपकरोतीति पञ्चहोतृत्वं । वायोः प्राणरूपत्वं प्रसिद्धं ॥

अथ षष्ठमाह । (६)“चन्द्रमाः ॰ कल्पन्तां”(६) इति । षण्णामृतूनां निष्पादकत्वेन षड्ढोतृत्वं । ‘चन्द्रमाः’, अपि वृद्ध्यपचयक-

---

* वृक्षावकाशस्थानैः इति F' पुस्तकपाठः ।