तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

४ प्रपाठके ११ अनुवाकः। ४६६

(१)घ॒र्म या ते॑ऽन्त॒रि॑क्षे शु॒क्। या त्रै॒ष्टुभे॒ छन्द॑सि। या रा॒ज॒न्ये॑। याऽऽग्नी॒ध्रे। तां त॑ ए॒तेनाव॑यजे॒ स्वाहा॑॥ १॥ घ॒र्म या ते॑ पृथि॒व्याꣳ शु॒क्। या जाग॑ते॒ छन्द॑सि। या वैश्ये॑। या सद॑सि। तां त॑ ए॒तेनाव॑यजे॒ स्वाहा॑(२)॥

---

चतुर्गृहीतं गृहीत्वा घर्म या ते दिवि शुगित्येतैर्यथा लिङ्गं जुहोत्यपि वा प्रतिप्रस्थाता त्रीन् सन्नखान् शलाकान् मुष्ट्योना- दाय तेषामेकमाहवनीये प्रदीष्यास्यदघ्ने धारयति तमध्व- र्य्युरभिजुहोति घर्म या ते दिवि शुगिति। पाठस्तु। (१)"घर्म या ते दिवि शुक् ॰ तां त एतेनावयजे स्वाहा"(१) इति। हे 'घर्म' प्रवर्ग्य, 'ते' तव सम्बन्धिनी, 'शुक्' सन्तापः, 'या' 'दिवि' द्युलोके, 'गायत्रे' 'छन्दसि' 'या' 'ब्राह्मणे' पुरुषे, 'या' 'हविर्द्धाने' मण्डपे च विद्यते। 'तां' सर्व्वां, 'ते' त्वदीयां, शुचं, 'एतेन' होमेन, अहं 'अवयजे' नाशयामि॥

कल्पः। तस्मिन्नपरं प्रदीष्याहवनीये पूर्व्वं प्रहृत्य नाभि- दघ्ने धारयति तमध्वर्य्युरभिजुहोति घर्म या तेऽन्तरिक्षे शुगिति। तस्मिन्नपरं प्रदीष्याहवनीये पूर्व्वं प्रहृत्य जानुदघ्ने धारयति तमध्वर्य्युरभिजुहोति घर्म या ते पृथिव्याꣳ शुगि- ति। पाठस्तु। (२)"घर्म या तेऽन्तरिक्षे शुक् ॰ तां तएते- नावयजे स्वाहा"(१) इति। एतौ मन्त्रौ प्रथममन्त्रवद्व्याख्येयौ॥

एतन्मन्त्रसाध्यं होमं विधत्ते। "घर्म या ते दिवि शुगिति