तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

६०२	तैत्तिरीये आरण्यके

दिशो॒ भूति॑: । इ॒माने॒वास्मै॑ लो॒कान् क॑ल्पयति । अथो॒ प्रति॑ष्ठित्यै॑⁽२५⁾ । ⁽२६⁾इ॒दम॒हम॒मुमा॑मुष्याय॒णं वि॒शा प॒शुभि॒र्ब्रह्म॑वर्च॒सेन॒ पर्य्यू॑हामीत्या॑ह । वि॒शैवैनं॑ प॒शुभि॒र्ब्रह्म॑वर्च॒सेन॒ पर्य्यू॑हति⁽२६⁾ । ⁽२७⁾वि॒शेति॑ रा॒जन्य॑स्य ब्रूयात् । वि॒शैवैनं॒ पर्य्यू॑हति । प॒शुभि॒रिति॒ वैश्य॑स्य । प॒शुभि॑रे॒वैनं॒ पर्य्यू॑हति⁽२७⁾ । ⁽२८⁾अ॒स्र्यं॑ पा॑चम॒नाच्छृ॑णं ॥ ८ ॥

आच्छृ॑णत्ति । दे॒व॒चाक॑:⁽२८⁾ । ⁽२९⁾अ॒ज॒क्षी॒रे॒णाच्छृ॑णत्ति । पर॒मं वा ए॒तत्पय॑: । यद॑ज॒क्षीरं॑ । पर॒मेणै॒वैनं॑ पय॑सा॒च्छृ॑णत्ति⁽२९⁾ । ⁽३०⁾यजु॑षा॒ व्यावृ॑त्त्यै⁽३०⁾ । ⁽३१⁾छन्दो॑भि॒राच्छृ॑णत्ति । छन्दो॑भि॒र्वा ए॒ष क्रि॑यते । छन्दो॑भिरेव छन्दाँ॑स्या॒च्छृ॑णत्ति⁽३१⁾॥ ⁽३२⁾छृ॒न्धि वाच॑मित्या॑ह । वाच॑मे॒वाव॑रुन्धे । छृ॒न्ध्यूर्ज॑मित्या॑ह । ऊर्ज॑मे॒वाव॑रुन्धे । छृ॒न्धि ह॒विरित्या॑ह । ह॒विरे॒वाक॑:⁽३२⁾ । ⁽३३⁾दे॒व॒पु॒रश्च॑रसघ्यासं॒ त्वेत्या॑ह । यथा॒ यजु॑रे॒वैतत्⁽३३⁾ ॥ ९ ॥

---

२६ एतन्मन्त्रस्य भाष्यं ४०७ पृष्ठे द्रष्टव्यं ।
२७ ,, ४०७ ,,
२८ ,, ४०८ ,,
२९ ,, ४०८ ,,
३० ,, ४०८ ,,
३१ ,, ४०८ ,,
३२ ,, ४०९ ,,
३३ ,, ४०९ ,,