तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

८ प्रपाठके ८ अनुवाकः। ७४१

चाका॑मह॒तस्य॑ । ते ये श॒तं दे॑वगन्ध॒र्वाणा॑मा॒नन्दाः॑ । स एकः॑ पितॄणां॑ चिरलो॑कलो॒काना॑मा॒नन्दः॑ । श्रो॒त्रिय॑स्य चाका॑मह॒तस्य॑ । ते ये श॒तं पितॄणां॑ चिरलो॑कलो॒का- ना॑मा॒नन्दाः॑ । स एक॑ आजा॑नजानां॑ दे॒वाना॑मान॒- न्दः॑ ॥ २ ॥

श्रो॒त्रिय॑स्य चाका॑मह॒तस्य॑ । ते ये श॒तमाजा॑नजानां॑ दे॒वाना॑मा॒नन्दाः॑ । स एकः॑ कर्मदे॒वानां॑ दे॒वाना॑मान॒न्दः॑ । ये कर्म॑णा दे॒वानपि॑ य॒न्ति । श्रो॒त्रिय॑स्य चाका॑मह॒- तस्य॑ । ते ये श॒तं कर्म॑दे॒वानां॑ दे॒वाना॑मा॒नन्दाः॑ । स एको॑ दे॒वाना॑मा॒नन्दः॑ । श्रो॒त्रिय॑स्य चाका॑मह॒तस्य॑ । ते ये श॒तं दे॒वाना॑मा॒नन्दाः॑ । स एक इन्द्र॑स्यान॒- न्दः॑ ॥ ३ ॥

श्रो॒त्रिय॑स्य चाका॑मह॒तस्य॑ । ते ये श॒तमिन्द्र॑स्या- न॒न्दाः॑ । स एको॒ बृह॒स्पते॑रान॒न्दः॑ । श्रो॒त्रिय॑स्य चा- का॑मह॒तस्य॑ । ते ये श॒तं बृह॒स्पते॑रान॒न्दाः॑ । स एकः॑ प्र॒जाप॑तेरान॒न्दः॑ । श्रो॒त्रिय॑स्य चाका॑मह॒तस्य॑ । ते ये श॒तं प्र॒जाप॑तेरान॒न्दाः॑ । स एको॒ ब्रह्म॑ण आ॒नन्दः॑ । श्रो॒त्रि- य॑स्य चाका॑मह॒तस्य॑ ॥ ४ ॥

स यश्चा॑यं पु॒रुषे॑ । यश्चा॑सा॒वादित्ये॑ । स एकः॑ ।