तन्त्रालोक (प्रथम भाग - जयरथ विवृति सहित)

३०० श्रीतन्त्रालोकः । ग्रन्थविस्तरभयात् अग्रे च निर्णयिष्यमाणत्वात् न प्रातिपद्येन व्याख्यातम् इति स्वयमेव अवधार्यम् ॥ २८४-३२६ ॥ ननु एकीकाराह्निकादौ किमिति न अनुजोद्देशः कृतः ? इत्याशङ्क्याह द्वात्रिंशत्तत्वादीशाख्या- त्प्रभृति प्रस्फुटो यतः ॥ ३२७॥ न भेदोऽस्ति ततो नोक्त- मुद्देशान्तरमत्र तत् । द्वात्रिंशं तत्त्वं स्वरूपं यस्य तन्मुद्राह्निकं, तस्मात् द्वात्रिंशसंख्यादनन्तरं यत् ईशाख्यं त्रयस्त्रिंशमेकीका- राह्निकं तत आरभ्य भेदस्य प्राधान्याभावात् अनुज उद्देशो न कृतः इत्यर्थः ॥३२७॥ ननु यद्यतः प्रभृति भेदो नास्ति तत्किमिति आह्निकान्तरपरिगणनमेव कृतम् इत्याशङ्क्याह मुख्यत्वेन च वेद्यत्वा- दधिकारान्तरक्रमः ॥३२८॥