वेद स्वरूप विमर्श (स्वामी करपात्री जी महाराज - अपौरुषेय वेद-प्रामाण्य एवं वैदिक समन्वय)

नैतद्युक्तम्; प्रदर्शितश्रुतियुक्तिविरोधात् कस्याश्चिच्छाखाया अपरेऽपि विशेषाङ्गाः । तथा हि- 'भगवान् संहितां प्राह पदपाठं तु रावणः । बाभ्रव्यर्षिः क्रमं प्राह जटां व्याडिरवोचत ॥ मालापाठं वशिष्ठश्च शिखापाठं भृगुर्व्यधात् । अष्टावक्रोऽब्रवीद्रेखां विश्वामित्रोऽपठद् ध्वजम् ॥ दण्डं पराशरोऽवोचत् कश्यपो रथमब्रवीत् । घनमत्रिमुनिः प्राह विकृतीनामयं क्रमः ॥' इति मधुशिक्षायां मधुमुनिः । श्रीसाववलेकरकृत वेदव्याख्यानम्, पृ० १६) अत्र व्याडि-रावणौ केचिन्महर्षी, प्रसिद्धावेव वा । 'यस्यां पदकृदा- त्रेयः क्रमकारस्तु कुण्डिनः' इति काण्डानुक्रमण्यादिरीत्यापि पद-क्रम- सम्प्रदायप्रवर्तकत्वमेव । न च कृञः कर्तृत्वमेवार्थः, तथात्वे 'मन्त्रकृत