वेद स्वरूप विमर्श (स्वामी करपात्री जी महाराज - अपौरुषेय वेद-प्रामाण्य एवं वैदिक समन्वय)

: ३ : वेदे ऐतिहासिकघटनादि-विचारः यदुक्तम्—“पौराणिकभुवनकोशवर्णनप्रसङ्गे इतिहासादिप्रसङ्गे च पुराणटीकाकारैः औदासीन्यं प्रदर्शितम् । एवं विकासवादादीनि विज्ञानानि भूस्तरविद्यादयश्च तैरुपेक्षिता” इति । तदपि न ; श्रीधर-नील- कण्ठादिभिः यथाप्रमाणं भुवनकोशाद्युपवर्णनात् । सर्वथा आधुनिक- विज्ञानानुसारेण पुराणादिव्याख्यानन्तु उपहासास्पदमेव—केनचिद् व्याख्यात्रा तरुतारमिति वाक्येन यथा तन्त्रीविज्ञानं साधितं तद्वत् । निरुक्तकृतो विज्ञानानुसारि-वेदार्थव्याख्यानन्तु दुर्गाचार्यादिभिः स्पष्टी- कृतमेव । यदप्युक्तम्—“इतिहाससम्बन्धे ततोऽप्यधिको विप्लवः, वेदाना- मपौरुषेयत्वं समर्थयमानेन भगवता जैमिनिना 'अनित्यदर्शनाच्च' इति पौरुषेयता-पूर्वपक्षमुद्भाव्य 'परन्तु श्रुतिसामान्यमात्रम्' इति समा