वेणीसंहारम् (भट्ट नारायण - संस्कृत मूल एवं सान्वय हिन्दी व्याख्या)

१२६ वेणीसंहारं नाटकं कृपः—वत्स, अवश्यप्रतिकर्तव्येऽस्मिन्दारुणे निकाराग्नौ सर्वेषामस्माकं कोऽन्यस्त्वामन्तरेण शक्तः प्रतिकर्तुम् । किन्तु । अश्वत्थामा—किमतः परम् । कृपः—सेनापत्येऽभिषिच्य भवन्तमिच्छामि समरभुवमवतारयितुम् । अश्वत्थामा -- मातुल, परतन्त्रमिदमकिञ्चित्करं च । कृपः—वत्स, न खलु परतन्त्रं नाकिञ्चित्करं पश्य— भवेदभीष्ममद्रोणं धार्तराष्ट्रबलं कथम् । यदि तत्तुल्यकक्षोऽत्र भवान्धुरि न युज्यते ॥ २६ ॥ अवश्यप्रतिकर्तव्ये = अवश्यं प्रतिक्रियायोग्ये, निकाराग्नौ=परिभवाग्नौ, त्वामन्त- रेण = त्वद्विना प्रतिकर्तुम् = प्रतिक्रियां कर्तुम् । अकिञ्चित्करम् = शून्यप्रयोजनम्, सेनापत्येऽभिषेचनं व्यर्थमिति भावः । अन्वयः—यदि, तत्तुल्यकक्षः भवान् अत्र, धुरि, न युज्यते ( तदा ) अभीष्मम्, अद्रोणम्, धार्तराष्ट्रबलम् कथम् ( समर्थम्, भवेत् ) ॥ २६ ॥ वीर त्वयि सति कथं वीरसेनापतिशून्यं सैन्यं स्यादित्याह भवेदिति । यदि, तत्तुल्यकक्षः = ताभ्यां भीष्मद्रोणाभ्यां तुल्या कक्षा यस्य सः, भवान्, अत्र, धुरि = सेनापत्यरूपधुरायाम् न, युज्यते = युक्तो भवति, यत्तदोनित्यसाकाङ्क्षत्वात् तदा, अभीष्मम्, अद्रोणम्, धार्तराष्ट्रबलम् = कौरवसैन्यम् समर्थम्, कथम्, भवेत् न कथमपि युद्धयोग्यं भवेदित्यर्थः । त्वं सेनापत्येऽवश्यमभिषेक्तव्य इति भावः । पथ्यावक्त्रं छन्दः ॥ २६ ॥ कृप—हे पुत्र, हम सब लोगों के इस दारुण परिभव (अपमान) रूप अग्नि का प्रतीकार करना तो अत्यावश्यक था परन्तु तुम्हारे सिवा और कौन व्यक्ति प्रतिशोध करने में समर्थ हो सकता है ? किन्तु । अश्वत्थामा—तो फिर 'किन्तु' क्या ? कृप—सेनानायक के पद पर तुम्हारा अभिषेक करके तुम्हें रणभूमि में ले जाना चाहता हूँ । अश्वत्थामा—मामा यह अपने अधिकार से बाहर है और कोई लाभ भी नहीं । कृप—पुत्र, न तो यह अपने अधिकार के बाहर है और न व्यर्थ है । देखो— भीष्म और द्रोणाचार्य के अभाव में यह कौरवीय सेना कैसे रह सकती है यदि उनके पराक्रमसदृश पराक्रमशाली तुम उस सैन्यसञ्चालन के भार में नियुक्त न किए जाओ ॥२६॥