वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

३६६ वीरमित्रोदयस्य राजनीतिप्रकाशे कामदा भोगिनी दग्धा दुःखदा सुखदा तथा । भीमाव्यूहं मया प्रोक्तं भीमायणीव्यूहमुच्यते ॥ आनन्दा च सुनन्दा च महानन्दा शुभङ्करी । वीतरागा महोत्साहा जितरागा मनोरमा ॥ प्रथमावरणं प्रोक्तं द्वितीयावरणं शृणु । मनोन्मनी मनःक्षोभा मदोन्मादा मदाकुला ॥ मदोद्गर्भा मदारामा कामानन्दा सुविह्वला । महावेगा सुवेगा च महाभोगा क्षयावहा ॥ क्रमणी क्रामिणी चक्रा द्वितीयावरणे स्मृताः । कथितं तव भीमायणीव्यूहं परमशोभनम् ॥ शाकुनं कथाम्यद्य व्यूहं परमशोभनम् । योगावेगा सुवेगा च अतिवेगा सुवासिनी ॥ देवी मनोरथावेगा रुद्रावर्तवती मतिः । प्रथमावरणं प्रोक्तं द्वितीयावरणं शृणु ॥ रोधनी क्षोभणी बाला चातिघोषा सुघोषिणी । विद्युता त्रासनी देवी मनोवेगा च चापला ॥ विद्युज्जिह्वा महाजिह्वा भ्रुकुटीकुटिलानना । स्फुरज्ज्वाला महाज्वाला सुज्वाला च क्षयान्तिका । शाकुनं कथितं व्यूहं शाकुनार्थी शृणुष्व मे । ज्वालिनी चैव भस्माङ्गी तथा भस्मान्तकान्तका ॥ भाविनी च प्रजा विद्या ख्यातिश्चैवाष्टमी स्मृता । प्रथमावरणं प्रोक्तं द्वितीयावरणं शृणु ॥ उल्लेखा च पताका च भोगा भोगवती खगा । योगव्रता योगमाता योगाख्या योगपारगा । १ जलावर्ता च धीमती इत्यपि पाठः ।