विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

शुभा कांस्योपदोहना ॥ १८ ॥ दोग्ध्री सवत्सा शीलढ्या वस्त्ररत्नोपशोभिता ॥ रुक्मशृङ्गीः खुरै रौप्यैर्मुक्तालाङ्गूलभूषिता ॥ १९ ॥ ततो विप्र- र्जनं कार्यं पूर्वोक्तविधिना नृप ॥ दधिक्षीरघृतम्भाधं तथा त्रिमधुरान्वितम् ॥ २० ॥ भोजयेद्ब्राह्मणान्भक्त्या प्रत्यर्कस्य नराधिप ॥ यथाशक्त्या महाराज तेषां दद्याच्च दक्षिणाम् ॥ प्रयत्नस्तैंश्च याचेत पूजितांस्त्रीणतं बुधः ॥ २१ ॥ एतावदुक्तं तव शान्तिकर्म समस्तपापप्रशमाय राजन् ॥ कर्त्तव्यमेतत्प्रयतेन शक्त्या न वित्तशाठ्येन न मायया च ॥ २२ ॥ इति श्रीविष्णुधर्मोत्तरे प्रथमखण्डे मार्कण्डेयवज्रसंवादे दक्षिणाध्यायो नाम त्र्यधिकशततमोऽध्यायः ॥ १०३ ॥ ॥ छ ॥ ॥ मार्कण्डेय उवाच ॥ ॥ एवं शान्त्यवसाने तु यजमानस्य याजकः ॥ हृदि विन्यस्य दर्भायांस्त्वन्तान्स्वे दक्षिणे करे ॥ १ ॥ कुर्यात्प्रतिसराबन्धं तन्मे निगदतः शृणु ॥ बद्धप्रतिसरस्यास्य सर्वे नश्यन्तु राक्षसाः ॥ २ ॥ ध्रुवस्त्वा मूर्ध्वतः पातु पूर्वतः पातु भास्करः ॥ भौमो दक्षिणतः पातु पश्चात्पातु शनैश्वरः ॥ ३ ॥ उत्तरेण बुधः पातु पातु तथा हयः ॥ पूर्वदक्षिणतः शुक्रो दक्षिणापरतस्तमः ॥ ४ ॥ पश्चिमोत्तरतश्चन्द्रो जीवः प्रागुत्तरेण तु ॥ ऊर्ध्वसन्धिषु सर्वाणि नक्षत्राणि तथानघ ॥ ५ ॥ स्वांस्वां दिशम- धिष्ठाय तव नित्यं दिगीश्वराः ॥ रक्षन्तु सर्वदुष्टेभ्यः शत्रुकल्विषरोगमाः ॥ ६ ॥ शात्रावाणां च चोराणां व्याधीनां पातकस्य च ॥ अमङ्गलानां चोराणामारिष्टानां तथैव च ॥ ७ ॥ दुःस्वप्नानां च घोराणां चिन्तितानां तथा मृषा ॥ वज्रेण नाशनं शक्रः करोतु बलसूदनः ॥ ८ ॥ दण्डेन नाशनं नित्यं विदधातु यमोन्तकः ॥ पाशेन वरुणो देवो गदया च धनेश्वरः ॥ ९ ॥ ग्रहसन्नासहस्रदो ग्रहपञ्जरमध्यगः ॥ अदृश्यः सर्वभूतानां सर्वदुःखविवर्जितः ॥ १० ॥ सर्वव्याधिविहीनश्च कालकर्णीविवर्जितः ॥ तथा त्वं भव दीर्घायुर्गृहदोषाणां प्रसादतः ॥ ११ ॥ रक्षन्तु ते देवगणाः समग्रा धर्मे मतिं चापि सदा दिशन्तु ॥ नाशं तथा शत्रूगणस्य शीघ्रं भोगान्मनोज्ञान्विपुलाञ्च लक्ष्मीम् ॥ १२ ॥ इति श्रीविष्णुधर्मोत्तरे प्रथमखण्डे मार्कण्डेयवज्रसंवादे शान्त्यवसाने प्रतिसरबन्धाशीर्वाढो नाम चतुरधिकशततमोऽध्यायः ॥ १०४ ॥ ॥ छ ॥ ॥ मार्कण्डेय उवाच ॥ ॥ हविष्याशी ततस्तिष्ठेद्ब्रह्मचारी च तां निशाम् ॥ ग्रहशान्तिरियं प्रोक्ता मया कल्मषनाशिनी ॥ १ ॥ अनावृष्ट्यां प्रयोक्तव्या दृष्टिकामेन भूभुजा ॥ अतिवृष्ट्यां प्रयोक्तव्या वृष्टिं शमयता तथा ॥ २ ॥ यात्राकाले तथा कार्या रिपूणां क्षयमिच्छता ॥ रणकाले तथा कार्या संग्रामे जयमिच्छता ॥ ३ ॥ कर्त्तव्या चाभिचारार्थ शत्रूणां मनुजेश्वर ॥ पुष्टिकामैर्नरैः कार्या विद्याकामैस्तथैव च ॥ ४ ॥

---

१ 'शत्रव' इति क० । २ 'ग्रहसंन्यास' इति क० ।