विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

सूचीमुखाः शोषिणकाः कुलान्येतानि षोडश ॥ कुलेष्वेतेषु जायन्ते नानारूपारविप्रिताः ॥ १६ ॥ निष्कुटेषु प्रतोलीषु चत्वरेषु गृहेषु च ॥
तेषां प्रदात्तदा स्थानमन्तर्द्धानं प्रतापिताः ॥ १६ ॥ अणिमा लघिमा प्राप्तियंच कामावसायिता ॥ दंष्ट्रीपुत्रास्तथा लोके दंष्ट्रिणो ये
प्रकीर्तिताः ॥ १७ ॥ समायास्तथा सर्पाः कीटजात्यश्च सर्वशः ॥ श्यामश्च धवलश्चैव सारमेयौ तथा शुनौ ॥ १८ ॥ यमस्यानुचरौ तौ च
महाबलपराक्रमौ ॥ इति क्रोधादुहिॄणां प्रजातिः कीर्तिता मया ॥ १९ ॥ कश्यपस्य तु या पत्नी सुरभिर्नाम विश्रुता ॥ कनीयसं तु शूद्राणां
तस्यासीद्गाहितेष्टयम् ॥ २० ॥ रोहिणी चैव भद्रे ते गन्धर्वी च महीपते ॥ पुल्लहेयेव ते दत्ते कश्यपेन महात्मना ॥ २१ ॥ सुरूपा हेमरूपा च
सर्वकामदुघा तथा ॥ रोहिण्यां जनयामास पुलहः स महातपाः ॥ २२ ॥ ब्रह्मचर्य्यव्रतास्तास्तु धेनवो दश कीर्तिताः ॥ मानसी तु प्रजा तासां
यथासंख्येन मे शृणु ॥ २३ ॥ गावश्चैव महिष्यश्च अजाश्चैवावयस्तथा ॥ गन्धर्वी जनयामास तुरगान्वान्तरंहसः ॥ २४ ॥ गरुडी च मयूरी च द्वे
तु कन्ये मनोरमे ॥ पुलहेन तु ते दत्ते गरुडाय महात्मने ॥ २५ ॥ गरुडी जनयामास सुपर्णान्भीमविक्रमान् ॥ मयूरी जनयामास मयूराद्यान्वि
हङ्गमान् ॥ २६ ॥ गरुडान्वयसम्भूताः सर्वे पन्नगभोजिनः ॥ पक्षिणस्तु त्वया ज्ञेयाः सुपर्णान्न गरुडाञ्छृणु ॥ २७ ॥ सुवर्णचूडो नागश्च
दारुणश्चूचुटुण्डकः ॥ अनिलश्चानलश्चैव विशालाक्षोऽथ कुण्डली ॥ २८ ॥ कर्करो ध्वजविष्कम्भी विनतो वामनस्तथा ॥ वातवेगो दिशाचक्षु
र्निमिषोऽनिमिषस्तथा ॥ २९ ॥ त्रिवारः सप्तवारश्च वाल्मीकिर्विप्रुलिक्स्तथा ॥ इत्येतेऽग्रिः सर्पद्वीपः सारसः पद्मकेतनः ॥ ३० ॥ सुमुखोऽथैकदंष्ट्रश्च
चित्रबर्हस्तथानघ ॥ मेघः सत्कुमुदो दक्षः सर्वसुक्तस्तथाभोजनः ॥ ३१ ॥ गुरुभारः कपोतश्च पूर्वेनेत्रश्चिरांतकः ॥ विष्णुरन्त्याः कुमारश्च परिवर्हो
हरस्तथा ॥ ३२ ॥ अश्वाम्बरो मधुपर्कश्च हेमवर्णस्तथैव च ॥ मलयो मातरीश्वा च निशाकरदिवाकरौ ॥ ३३ ॥ एते प्रदेशमात्रेण मयोक्ता
गरुडात्मजाः ॥ कुलमेतत्सुपर्णानां धन्यानां नृपसत्तम ॥ ३४ ॥ सर्वे एते श्रिया युक्ताः सर्वे श्रीवत्सलक्षणाः ॥ कुलमेतद्धि शैलूष
श्लाघ्यं विष्णुपरिग्रहम् ॥ ३५ ॥ दैवतं विष्णुरेतेषां विष्णुरेव परायणम् ॥ हृदि येषां सदा विष्णुर्विष्णुपां परा गतिः ॥
॥ ३६ ॥ एतत्तेवां पुलहस्य वंशं पुत्रैः सुताभिश्च समन्वितं यत ॥ वंशे तु सर्वोत्तमवीर्य्युक्ता जाता खगेन्द्रा हरयश्च
वीराः ॥ ३७ ॥ इति श्रीविष्णुधर्मोत्तरे प्रथमखण्डे मार्कण्डेयवज्रसंवादे शैलूषं प्रति नाडायनवाक्येषु पुलहवंशाशुकरीर्तनं नामाष्टचत्वारिंशदु
त्तरद्विशततमोऽध्यायः ॥ २४८ ॥ ॥ वज्र उवाच ॥ कथ्यप्रसङ्गेंद्वह्निमेभवता मम कीर्तितम् ॥ सम्भवं सर्वभूतानां सर्वकल्मषनाशनम् ॥ १॥