विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

तु कुर्वीत दण्डमस्याङ्कमुष्णलम् ॥ रक्षांस्यधिकृता राम प्रजेयं यैर्विलुप्यते ॥ १४१ ॥ कायिकेभ्योऽर्थमादाय हन्युः कार्याणि कार्यिणाम् ॥ तेषां सर्वस्वमादाय राजा कुर्यात्प्रवासनम् ॥ १४२ ॥ ये नियुक्ताः स्वकार्येषु हन्युः कार्याणि कार्यिणाम् ॥ निर्घृणाः क्रूरमनसः सर्वकार्योपरो- धिनः ॥ १४३ ॥ घनोष्मणा पच्यमानांस्तांस्त्रिःस्वान्कारयेन्नृपः ॥ कूटशासनकर्तृंश्च प्रकृतीनां च दूषकान् ॥ १४४ ॥ स्त्रीबालब्राह्मणांश्च वध्यां श्चासोविनस्तथा ॥ अमात्यः प्राड्विवाको वा यः कुर्यात्कार्यमन्यथा ॥ १४५ ॥ तस्य सर्वस्वमादाय तं राजा विप्रवासयेत् ॥ ब्रह्मघ्नश्च सुरापश्च स्तेयी च गुरुतल्पगः ॥ १४६ ॥ एतान्सर्वान्पृथग्विद्वान्महापातकिनो नरान् ॥ महापातिकिनो वध्या ब्राह्मणं तु विवासयेत् ॥ १४७ ॥ कृतचिह्ने स्वकाद्देशाच्छुष्मु चिह्नकर्म तथा ॥ गुरुतल्पे भगः कार्यः सुरापाने सुराध्वजः ॥ १४८ ॥ स्तेये तु श्वपदं विद्याद्ब्रह्महत्याशिराः पुमान् ॥ असं- म्भाष्या ह्यसंलाप्या असम्पाद्या विशेषातः ॥ १४९ ॥ त्यक्तव्याश्च तथा राम ! ज्ञातिसम्बन्धिबान्धवैः ॥ महापातकिनो वित्तमादाय नृपतिः स्वयम् ॥ १५० ॥ अप्सु प्रवेशयेद्दण्डं वरुणायापपादयेत् ॥ सहोढं न विना चौरं घातयेद्धार्मिको नृपः ॥ १५१ ॥ सहोढं सोपकरणं घातये- द्विचारयन् ॥ ग्रामेष्वपि च ये केचिच्चोराणां भक्तदायकाः ॥ १५२ ॥ भाण्डावकाशदाश्चैव सर्वांस्तानपि घातयेत् ॥ राष्ट्रेषु राष्ट्राधिपतेः सम- न्ताच्चैव दूषकान् ॥ १५३ ॥ अभ्याघातेषु मध्यस्थाः क्षिप्रं शास्यास्तु चौरवत् ॥ दस्युप्रपीडितानां हि पथि मोहाद्दिदृशने ॥ १५४ ॥ शक्तितो नाभिधावन्तो निर्वास्याः सपरिच्छदाः ॥ राज्ञः कोषापहर्तॄंश्च प्रतिकूलेषु च स्थितान् ॥ १५५ ॥ अरीणामुपजप्तॄंश्च घातयेद्विविधैर्वधैः ॥ सन्धिं भित्त्वा तु ये चौर्यं राज्ञः कुर्वन्ति तस्कराः ॥ १५६ ॥ तेषां छित्त्वा नृपो हस्तौ तीक्ष्णे शूले निवेशयेत् ॥ तडाकभेदकं हन्यादप्सु शुद्धवधेन तु ॥ १५७॥ वार्यस्तु पूर्व निवृत्तस्तस्य तडाकस्योदकं हरेत् ॥ आगमं वारयन्नै कुर्यात्तस्य दण्ड्यः पूर्वसाहसम् ॥ १५८॥ कोष्ठागारायुधागारदेवतागारभेदका न् ॥ पापानपासमाचारान्चातयेच्छीघ्रमेव तान् ॥ १५९ ॥ सप्तुसूत्रेज्जदन्मार्गं यस्त्वन्मेध्यमनापदि ॥ स हि कार्षापणं दण्ड्यस्तममेध्यं च शोधयेत् ॥ ॥ १६०॥ आपद्गतोऽथ वा वृद्धो गर्भिणी बाल एव वा ॥ परिभाषणमर्हन्ति तच्च शोच्यमिति स्थितिः॥ १६१॥ प्रथमं साहसं दण्ड्यः यश्च मिथ्याचि कित्सकः ॥ पुरुषे मध्यमं दण्ड्यस्तमेव च तथोत्तमम् ॥ १६२॥ संक्रमध्वजयष्टीनां प्रतिमानां च भेदकान् ॥ प्रतिकुर्याच्च तत्सर्वं दद्युः पश्चशतानि चा ॥ १६३॥ अदूषितानां द्रव्याणां दूषणे भेदने तथा ॥ मणीनामपि भेदस्य दण्डः प्रथमसाहसः ॥ १६४ ॥ समैश्च विषमं यो वै कुरुते मूल्यतोऽपि वा ॥ समानुयान्नरः पूर्व समं बाधममेव वा ॥ १६५ ॥ बन्धनानि च सर्वाणि राजमार्गं निवेशयेत् ॥ कृष्यन्तो यत्र दृश्यन्ते विकृताः पापचा-