विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

वि० ध० ॥२६०॥

द्वि० सं० अ० ११८

भर्तारमवमन्यन्ते भाषन्ते विप्रियाणि च ॥ स्वातन्त्र्येण च वर्तन्ते ज्ञातय्या निरयुङ्क्ष्माः ॥ ५॥ राजशास्त्रापदेशं ये संत्यज्य वसुधाधिपाः ॥ वर्तन्ते सर्वकार्येषु ते वै निरयगामिनः ॥ ६ ॥ वर्णाश्रमोक्तं वर्तन्ते धर्मं त्यक्त्वा तु ये नराः ॥ बहिःशास्त्रान्महाभाग ते वै निरयगामिनः ॥ ७ ॥ अयाज्ययाजिनो ये च कूटसाक्ष्यप्रदाश्च ये ॥ तथानृतगता ये च ते वै निरयगामिनः ॥ ८ ॥ व्यवहारेषु ये सक्ताः पक्षपाताभिधायिनः ॥ असम्य- ग्दर्शिनो ये च ते वै निरयगामिनः ॥ ९ ॥ प्रीयमाणे परिजने मिष्टमश्नन्ति ये नराः ॥ असंविभज्य धर्मज्ञ ते वै निरयगामिनः ॥ १० ॥ भृतकास्त महाभाग कुर्वन्ते नैव ये भृतम् ॥ अनिर्दिष्टमुपञ्चैव ते वै निरयगामिनः ॥ ११ ॥ वञ्चका भृतकानां च तथैवाश्रितवञ्चकाः ॥ वञ्चकाश्च तथाऽन्येषां ज्ञेया निरयगामिनः ॥ १२ ॥ कृतघ्ना निर्गुणा ये च परस्वादायिनश्च ये ॥ शठाचाराश्च मित्राणां ते वै निरयगामिनः ॥ १३ ॥ गवां पानप्रवृत्तानां ये तथा विघ्नकारिणः ॥ तथाऽन्येषां च भूतानां ते वै निरयगामिनः ॥ १४ ॥ धर्मकार्यप्रवृत्तस्य ये नरा विघ्नकारिणः ॥ पापप्रोत्साहकाश्चैव ते वै निरयगामिनः ॥ १५॥ त्यागिनस्त्वन्निराश्रितानां ये ऋत्विजां त्यागिनश्च ये ॥ याज्यानां च गुरूणां च ते वै निरय- गामिनः ॥ १६ ॥ त्यागिनो देवतानां च वह्नीनां त्यागिनश्च ये ॥ शास्त्राणां त्यागिनो ये च ते वै निरयगामिनः ॥ १७ ॥ बालकातिथिविप्राणां सुराणां चैव मानद ॥ ये च पूर्वभुजो नित्यं ते वै निरयगामिनः ॥ १८ ॥ रजस्वलां च ये यान्ति ये च प्रेत्यकरां स्त्रियम् ॥ वियोनिं ये च गच्छन्ति ते वै निरयगामिनः ॥ १९ ॥ शुक्लं त्यजन्त्ययोनौ ये तथाकाशे च निर्घृणाः ॥ पर्वस्वपि च धर्मज्ञ ते वै निरयगामिनः ॥ २०॥ अनध्यायेशु ये राम स्वाध्यायमिह कुर्वते ॥ निन्दन्ति च गुरून्थे वै ते वै निरयगामिनः ॥ २१॥ देवतानां च वेदानां ब्राह्मणानां च निन्दकाः ॥ पुराणचरितानां च ते वै निरयगामिनः ॥ २२ ॥ ये नास्तिका नरा राम ये च श्रद्धाविव- र्जिताः ॥ अहङ्कारगृहीताश्च ते वै निरयगामिनः ॥ २३॥ कुकर्मसक्ता मनुजाः सुकर्मपरिवर्जकाः ॥ स्वामिमित्रद्रुहो ये च ते वै निरयगामिनः ॥ २४॥ ये च द्रोहरता राज्ञां ब्राह्मणानां गवामपि ॥ सुहृदामपि धर्मज्ञ ते वै निरयगामिनः ॥ २५ ॥ ये तु पैशुन्यसंसक्ताः परधर्मस्पृशोऽपि च ॥ अशुचयश्च तथा मद्यैस्ते वै निरयगामिनः ॥ २६ ॥ सोमविक्रयिणो ये च बीजविक्रयिणस्तथा ॥ आत्मविक्रयिणो ये च ज्ञेया निरयगामिनः ॥ २७ ॥ रजः पश्यन्ति धर्मज्ञ येषां वेश्मनि कन्यकाः ॥ शुल्कं च दत्ता सा यैश्च ते वै निरयगामिनः ॥ २८ ॥ ब्रह्महाभ्रूणहावानां च ये नरा भेदवादिनः ॥ तमोऽभिभूताः पतितास्ते वै निरयगामिनः ॥ २९॥ कुलजानां सपिण्डानां ये च पिण्डविलोपकाः ॥ अश्राद्धदाश्च पूर्वषां ते वै निरयगामिनः ॥ ३०॥

॥२६०॥