विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

नृपतिं तत्र वस्त्रैराच्छादयेन्नृपैः ॥ कार्पासिकैस्ततः पश्चादार्द्रकैः कुम्भजैस्ततः ॥ १७ ॥ ततस्तु सर्पिषः कुम्भैः पूर्णैस्तमभिषेचयेत् ॥ कुम्भा- ष्टकं तु कर्तव्यमथाविंशतिरेव वा ॥ १८ ॥ अथ वाष्टशतं राम वृद्धिरैषा गुणोत्तरा ॥ ततोपनीय वस्त्राणि तस्यां वस्त्रां पुरोहितः ॥ १९ ॥ शुक्लेन मृन्मयं भिन्द्याच्छूने कोपसमन्वितः ॥ राज्ञस्तु कलशं दत्त्वा स्वयं सांवत्सरस्ततः ॥ २० ॥ अभिषेकनमन्त्रेण स्वार्चितं कल्पितं दृढम् ॥ ज्योतिष्मतीं त्रायमाणामभयामपराजिताम् ॥ २१ ॥ जीवां विश्वेश्वरीं पाठां समंगामभयां तथा ॥ सहां च सहदेवीं च पूर्णकोशां शतावरीम् ॥ २२ ॥ अरिष्टिकां शिवां भद्रां कलशं तत्र विन्यसेत् ॥ ब्राह्मीं क्षेमामजां चैव सर्वबीजानि काञ्चनम् ॥ २३ ॥ मङ्गल्याश्च यथालाभं सर्वोषध्यो रसस्त- था ॥ २४ ॥ रत्नानि सर्वगन्धाश्च बिल्वं च सविक्कुङ्कुतम् ॥ एवं स्नातो घृते दृष्ट्वा वदनं तर्पणं तथा ॥ मङ्गलालभनं कृत्वा धौतवासाः समाहितः ॥ २५ ॥ अभ्यर्चनं ततः कुर्याद्देवादीनां पृथक्पृथक् ॥ तेषामेव ततो वह्नौ चतुर्थ्यन्तेस्तु नामभिः ॥ २६ ॥ ओङ्कारापूतं जुहुयाद् घृतं बहु पुरोहितः ॥ २७ ॥ आयुर्धाभ्यर्चनं कार्यं वाहनाभ्यर्चनं ततः ॥ राजचिह्नाभ्यर्चनं कृत्वा ह्यलङ्कृत्य स्वकां तनुम् ॥ अनुलेपनमाद्ब्यान्दच्छादेरिति मन्त्रतः ॥ २८ ॥ शुभं वसनमादध्याद्धीसूक्तेनाभिमन्त्रितम् ॥ श्रियं धातमयि देहि मंत्रः सुमनसां भवेत् ॥ २९ ॥ रायस्पोषेति च तथा मन्त्रे लङ्करणे स्मृतः ॥ ततोवालितः सुरभिः स्रग्वी रुचिरभूषणः ॥ ३० ॥ केशवाभ्यर्चनं कृत्वा वह्निस्थानं ततो व्रजेत् ॥ वह्नेरुत्तरदिग्भागे ततः प्राङ्मुखकर्मणाम् ॥ ३१ ॥ सिंहासनं न्यसेत्पृष्ठे भव्यास्तरणसंवृतम् ॥ ततस्तु राम चर्माणि प्राग्ग्रीवाणि तु विन्यसेत् ॥ ३२ ॥ वृषस्य वृषदंशस्य करेश्र्च पृषतस्य च ॥ तेषामुपरि सिंहस्य व्याघ्रस्य च ततः परम् ॥ ३३ ॥ ध्रुवा द्यौरिति मन्त्रेण नृपं तत्रोपवेशयेत् ॥ दर्भपाणिस्ततो राजा तथैव च पुरोहितः ॥ ३४ ॥ तयोर्हस्तगतावेव दर्भौ संप्रथयेद्द्विजः ॥ ततः पुरोधा जुहुयाद्ब्राह्मणैर्मन्त्रैर्वृतं शुचिः ॥ ३५ ॥ रौद्रेणवैष्णव वायव्याश्क्राक्रसौम्यैः सवारुणैः ॥ बार्हस्पत्यैस्ततः कुर्यात्तंत्रंतुचरुसंज्ञकम् ॥ ३६ ॥ देवज्ञः प्रयततः कुर्याद्देवतानां विसर्जनम् ॥ यान्तु देवगणाः सर्वे साङ्गाः सपरिव्छदाः ॥ ३७ ॥ आदाय पार्थिवात्पूजां नगरगमनमथ च ॥ ततस्तु पूजयेद्राजा सांवत्सरपुरोहितौ ॥ ३८ ॥ धनेन ब्राह्मणानां च ततो दद्याच्च दक्षिणाम् ॥ मङ्गलार्लभनं कृत्वा खड्गपाणिर्गृहाद्व्रजेत ॥ शान्तिघोषेण महता राजा कुञ्जरगस्ततः ॥ ३९ ॥ शांतिर्मया तेऽभिहिता नृवीर धन्या यशस्या रिपुनाशनी च ॥ सुखावहा राष्ट्रविवृद्धिकर्त्री कार्या नृपैर्धर्मविविद्विदा च ॥ ४० ॥ इति श्रीवि- ष्णुधर्मोत्तरे द्वितीयखण्डे मार्कण्डेयवज्रसंवादे रामं प्रति पुष्करोपाख्याने घृतकम्बलशान्तिकथनो नामैकषष्ट्युत्तरशततमोऽध्यायः ॥ १६१ ॥