विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

शन ॥ १६ ॥ बर्हस्तं निशीथस्य तमसोऽथ विनाशक ॥ देवमावाहयिष्यामि प्रद्युम्नमपराजितम् ॥ १७ ॥ दूर्वादलदलश्यामं शशाङ्कांशुसमप्रभ म् ॥ कामं कामप्रदं शान्तं कमनीयं सुशोभितम् ॥ १८ ॥ सर्वमानभूतं देवं मनोविषयगोचरम् ॥ प्रद्युम्नस्याङ्गि देवेश प्रद्योतितचराचर ॥ १९ ॥ तेजोमूर्तं दुराधर्षं सूर्यकोटिसमप्रभ ॥ अज्ञातमप्यपर्यन्तं देवारिगणनाशन ॥ २० ॥ चापकृष्टिविनिर्मुक्तैश्शरैराहतजगत्त्रय ॥ आवाहयाम्यहं देवं चानिरुद्धं जगद्गुरुम् ॥ २१ ॥ पद्मपत्रप्रसङ्गाशं रक्ताम्बरविभूषणम् ॥ अरुद्धमार्गं सर्वं दीप्तानलसमप्रभम् ॥ २२ ॥ कार्यं परममी शानं जगद्रक्षणकारणम् ॥ अनिरुद्ध त्वमभ्येहि त्रायतामशेषचराचर ॥ २३ ॥ आकाशातुल्यसद्भ्राजन्निवारितसुराहित ॥ चर्मसञ्छादिताशेषभुवनादित्य विक्रम ॥ २४ ॥ (सर्वैषां प्राणिनां कूर्म्म संसारपरिपालक ॥ २४ ॥) आवाहयिष्ये वरदं चानन्तं दीप्ततेजसम् ॥ फणाविलसिताशेषमण्डलाधारगोप्र ॥ २५ ॥ लाङ्गलाङ्कितहस्तं मुसलासक्तविग्रहम् ॥ महोच्छ्रितेन तालेन तथा वित्रेन राजितम् ॥ २६ ॥ अनन्त महाभाग शेषाहे धरणीधर ॥ शशाङ्क शतसङ्काश तथाम्बरसुशोभित ॥ २७ ॥ आधारः सर्वभूतानां त्वमेको भूतभावनः ॥ त्वय्येदं धार्यते विश्वं त्रैलोक्यं च जगत्पते ॥ २८ ॥ लक्ष्मीमावाहयिष्यामि विष्णोर्वक्षसि संस्थिताम् ॥ पद्माननां पद्मकरां शशांकसदृशाम्बराम् ॥ २९ ॥ हितस्थां सर्वलोकस्य वरदां कामरूपिणी म् ॥ सर्वगां सर्वजननीं देवीं त्रिभुवनेश्वरीम् ॥ ३० ॥ आगच्छ वरदे लक्ष्मि दुर्धरे भूतभावने ॥ हरिप्रिये विशालाक्षि सर्वलोकनमस्कृते ॥ ३१ ॥ पश्य त्वं तत्र सकलं त्रैलोक्यं वरवर्णिनि ॥ भुङ्क्ष्व भोगैः सकलं स्मृतिमात्रं जनं शुभम् ॥ ३२ ॥ ताक्ष्र्यमावाहयिष्यामि मनोमारुतरंहसम् ॥ पक्षवातसमुद्धूतसमस्तभुवनत्रयम् ॥ ३३ ॥ गरुडैहि समभ्येहि दीप्तानलचयोपमः ॥ महाविषतमोग्रस्तनिवारणविदारणाच्युत ॥ ३४ ॥ तालमावाह यिष्यामि केतुं संकर्षणस्य तु ॥ एहि मे भगवस्ताल समस्तभुवनेश्वर ॥ ३५ ॥ झषमावाहयिष्यामि कामकेतुं वरप्रदम् ॥ एहि मे मकराद्येह समस्तभुवनेश्वर ॥ ३६ ॥ क्रथमावाहयिष्यामि कपिराजं महाबलम् ॥ एहि क्रथ महाभाग कंससूते दुरासद ॥ ३७ ॥ देवमावाहयिष्यामि नृसिंहं ज्ञानरूपिणम् ॥ दंष्ट्राकरालवदनं ज्वालामालीमतिसितम् ॥ ३८ ॥ सहस्रनयनसङ्काशं सहस्रेन्द्रपराक्रमम् ॥ सहस्रवदनं स्फीतं मनसोऽप्यतिशीघ्रगम् ॥ ॥ ३९ ॥ विद्युज्जिह्वं व्यादितास्यं भ्रुकुटीकुटिलाननम् ॥ वह्निज्वालगलङ्गुलिपृष्ठंनिर्दह्यसुसविग्रहम् ॥ ४० ॥ आगच्छेह नृसिंह त्वं महाबलपराक्रम ॥ वज्रतीक्ष्णनखव्रातप्रमथितेन्द्रारिशोणित ॥ ४१ ॥ अज्ञानध्वान्तमार्त्तण्ड प्रदीप दिवसप्रभ ॥ महामन्त्रकपाटोद्घाटनानन्तविक्रम ॥ ४२ ॥

---

१ कोष्ठकान्तर्गतः पाठः २पुस्तके नास्ति ।