विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

प्रसाद्योपवसेत्कृत्वा नियतमानसः ॥ ८ ॥ पूर्वेहि चान्येद्युश्चापि गव्यं संप्राश्य वै सकृत् ॥ स्नातोतोयाचम्यैवा कृष्णस्य नाम प्रकीर्तयेत् ॥ ९ ॥
वारिधाराव्रते चैव विक्षिपेद्देवपादयोः ॥ चैत्रवैशाखयोश्चैव तद्वज्ज्येष्ठे च पूजयेत् ॥ १० ॥ मर्त्यलोके गतिं श्रेष्ठां दाल्भ्य प्राप्नोति वै नरः ॥
उत्क्रान्तिकाल कृष्णस्य स्मरणं च तथाऽश्नुते ॥ ११ ॥ आषाढे श्रावणे चैव मासि भाद्रपदे तथा ॥ तथैवाश्वयुजे मासि अनेन विधिना नरः
॥ १२ ॥ उपोष्य संपूज्य तथा केशवेति च पूजयेत् ॥ गोमूत्रप्राशनातपूतः स्वर्गलोकगतिं व्रजेत् ॥ १३ ॥ आराधितस्य जगतामीश्वरस्याव्यय
स्य च ॥ उत्क्रान्तिकाल स्मरणं केशवस्य तथाप्नुयात ॥ १४ ॥ क्षीरस्य प्राशनं यस्तु विधि चेमं यथोदितम् ॥ कार्तिकादि यथान्यायं कुर्या
न्मासचतुष्टयम् ॥ १५ ॥ तेनैव विधिना ब्रह्मन्विष्णोर्नाम प्रकीर्तयेत् ॥ स याति विष्णुसालोक्यं विष्णुं स्मरति चाक्षयम् ॥ १६ ॥ प्रतिमासं
द्विजातिभ्यो दद्याद्दानं यथाविधि ॥ चातुर्मास्ये च संपूर्णे पुण्यश्रवणकीर्तनम् ॥ १७ ॥ अथ वा वासुदेवस्य तद्गीतं चापि कारयेत् ॥ एवमेति
गतिं श्रेष्ठां देवमानुष्यकीर्तनात् ॥ १८ ॥ कथितं पारणं चैते कार्यं मासचतुष्टयम् ॥ आधिपत्यं तथा भोगांस्तेन प्राप्नोति चाक्षयान ॥ १९ ॥
द्वितीयेन तथा भोगान्नन्दिनाप्नोति मानवः ॥ विष्णुलोके तृतीयेन पारणेन तथाप्नुयात ॥ २० ॥ एवमेतन्मयाख्यातं गतिप्रापकमुत्तमम् ॥
विधानं द्विजशार्दूल कृष्णतुष्टिप्रदं नृणाम् ॥ २१ ॥ सुगतिद्वादशीमेतां श्रद्दधानस्तु यो नरः ॥ उपोषयति तथा नारी प्राप्नोति विविधां गतिम्
॥ २२ ॥ एषा तिथिः पापहरातिधन्या नाकप्रदा नाकरकी तथोक्ता ॥ आराधनार्थं त्रिदशेश्वरस्य देवस्य विष्णोर्द्विजसंघपूज्य ॥ २३ ॥ इति
श्रीविष्णुधर्मोत्तरे तृतीयखण्डे मार्कण्डेयवज्रसंवादे सुगतिद्वादशीव्रतवर्णनो नाम पञ्चदशोत्तरद्विशततमोऽध्यायः ॥ २१५ ॥ पुलस्त्य उवाच ॥
पञ्चदश्यां तु शुक्लस्य फाल्गुनस्यैव सत्तम ॥ पाषण्डान्यपतितांश्चैव तथैवान्यावसायिनः ॥ १ ॥ नास्तिकान्भिन्नवृत्तींश्च पापानन्यांश्च नालपेत् ॥
नारायणं त्वेकमनाः पुरुषो नियतेन्द्रियः ॥ २ ॥ तिष्ठन्व्रजन्स्रवल्लिते क्षुते चापि जनार्दनम् ॥ कीर्तयेत् तत्क्रियाकाले समक्तूल्वः प्रकीर्तयेत् ॥ ३ ॥
लक्ष्म्या समन्वितं देवं त्वर्चयेच्च जनार्दनम् ॥ सन्ध्याद्यापरमे चेन्दुस्वरूढं हरिमीश्वरम् ॥ ४ ॥ रात्रौ लक्ष्मीं च संचिन्त्य सम्यगर्घ्येण पूजयेत् ॥
नक्तं च भुञ्जीत नरस्तैलेक्षारविवर्जितम् ॥ ५ ॥ तथैव चैत्रवैशाखज्येष्ठेषु मुनिसत्तम ॥ अर्चयेत् तथा प्रोक्तं प्रतिप्राप्ते तु तद्दिने ॥ ६ ॥
निष्पादितं भवेदेकं पारणं दाल्भ्य भक्तिः ॥ द्वितीयं चापि वक्ष्यामि पारणं द्विजसत्तम ॥ ७ ॥ आषाढे श्रावणे चापि प्राप्ते
भाद्रपदे तथा ॥ तथैवाश्वयुजेमर्च्य श्रीधरं वै श्रिया सह ॥ सम्यक्चन्द्रमसो दत्त्वा भुञ्जीताधं यथाविधि ॥ ८ ॥ द्वितीयमेतद्दा