विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

तस्मिन्नहनि पूजयेत्॥ १३॥ शङ्खेभ्यः सौख्यमाप्नोति स्वास्थ्यमग्र्यं तथैव च। अत्रापि हि ब्रह्मणा सृष्टं त्रैलोक्यं प्रथमं द्विज॥ १४॥ इदं प्रजापतिं नित्यं द्विती यायामार्चयेत्त तु फलमाप्नोति धर्मज्ञ गोसवस्य न संशयः ॥ १५॥ तथा नासत्ययोः कृत्वा तस्मिन्नहनि पूजनम् ॥ नित्यमारोग्यमाप्नोति तथा रूपं च भार्गव॥ १६॥ शुक्लपक्षद्वितीयायां बालचन्द्रस्य पूजनम्॥ कृत्वा दत्त्वा च लवणं प्राश्नात्रौ सुभगो भवेत्॥ १७॥ साध्या द्वादश ये प्रोक्ता स्तेषां कृत्वा तु पूजनम्॥ तृतीयास्यां महाभाग द्वादशाहफलं लभेत्॥ १८॥ तृतीयायां तथाभ्यर्च्य ब्रह्मविष्णुमहेश्वरान्॥ पृथक्पृथङ् महाभाग त्रिवर्गफलभाग्भवेत् ॥ ॥ १९॥ व्रीहीन्कांश्च तदा राम सम्यक्संपूजयेन्नरः ॥ ऐश्वर्यं महदाप्नोति गतिमग्र्यां च विन्दति ॥ २०॥ तृतीया श्रावणे कृष्णा या स्याच्छ्रवणसंयु ता ॥ तस्यां संपूज्य गोविन्दं पृष्टिमभ्याभवाप्नुयात् ॥२१॥ वैशाखशुक्लपक्षे तु तृतीयायामथोपोषितः॥ अक्षयं फलमाप्नोति सर्वस्य सुकृतस्य तु ॥ २२॥ सा तथा कृत्तिकोपेता विशेषेण च पूजिता ॥ तत्र दत्तं हुतं ततं सर्व सफ़लमुच्यते ॥ २३ ॥ अक्षया सा तिथिर्यस्मात्तस्मात्सुकृतमक्षयम् ॥ अक्षतैः पूज्यते विष्णुस्तेन साऽक्षता स्मृता ॥ २४॥ अक्षतैस्तु नरः स्नातो विष्णोर्दत्त्वा तथाक्षतान् ॥ सक्तून्सुसंस्कृतैश्चैव हुत्वा चैव तथाक्षतान् ॥ २५॥ विप्रेषु दत्त्वा तानेव तथा सक्तुं सुसंस्कृतम् ॥ यवान्प्रसृङ् महाराज फलमक्षय्यमश्नुते ॥२६॥ एकाग्रमप्युकृत्वा तृतीयां भृगुनन्दन ॥ एषामब्दतृतीयानां सर्वासां तत्फलं भवेत् ॥२७॥ प्रोक्तास्तु भृगवो नाम देवा द्वादश ये पुरा ॥ चतुर्थ्यां पूजनं तेषां कृत्वा दिवमवाप्नुयात् ॥ २८ ॥ यमस्य पूजनं कृत्वा चतुर्थ्यामेव धार्मिकः ॥ नाप्नोति नारकं दुःखं तुष्टे रविसुते नरः ॥ २९ ॥ विनायकमथाभ्यर्च्य चतुर्थ्यां यदु नन्दन ॥ सर्वविघ्नविनिर्मुक्तः कार्यसिद्धिमवाप्नुयात् ॥ ३० ॥ निद्रां रतिं तथा श्रद्धां कीर्ति मेधां सरस्वतीम् ॥ प्रज्ञां तुष्टिं तथा कान्तिं तस्मि न्नहनि पूजयेत् ॥ ३१ ॥ तत्प्रसादामवाप्नोति यथेष्टं मनुजोत्तम ॥ विद्याकामो विशेषेण पूजयेत्तु सरस्वतीम् ॥ ३२ ॥ देवानां मातरः सर्वास्तथा तत्रापि पूजिताः ॥ सर्वकामप्रदा ज्ञेयाः पुरुषस्य विपश्चितः ॥ ३३ ॥ पञ्चम्यां पूजनं कृत्वा तथा चन्द्रमसो नरः ॥ सौभाग्यं महदाप्नोति यशश्चाग्र्यं च विन्दति ॥ ३४ ॥ पञ्चम्यां पृथिवीं देवीं तथा सम्पूजयेन्नरः ॥ तामेवाप्नोत्ययत्नेन नात्र कार्या विचारणा ॥ ३५ ॥ विश्वेदेवास्तु ये प्रोक्ताः पूर्वमेव मया दश ॥ तेषां सम्पूजनं कृत्वा पञ्चम्यां दिवमाप्नुयात् ॥ ३६ ॥ इष्टगन्धैरभ्यर्च्य पञ्चम्यां सुभगो भवेत् ॥ तथा चित्ररथं तेषां राजानं च विशेषतः ॥ ३७॥ देवभार्या तथा भार्यां सम्पूज्य सुभगो भवेत् ॥ इष्टमप्सरसं चैव तथा रूपमवाप्नुयात् ॥ ३८ ॥ इष्टं नागं तथाभ्यर्च्य श्रियमाप्नोत्यनुत्तमाम ॥ वारुणैः पुष्करस्थार्चां पञ्चम्यां यः समाचरेत् ॥ ३९ ॥ सर्वकामसमृद्धस्य सोमयज्ञफलं भवेत् ॥ तथा च