[रा. सं. म.]
आ.
95

---

(पुस्तक के मुखपृष्ठ पर स्वर्णाक्षरों में मुद्रित मुख्य शीर्षक अत्यधिक घिस जाने के कारण पठनीय नहीं है)

CC-0. In Public Domain. Digitization by eGangotri. Funding: MIDF

---

364 व

---

Nepal Sanskrit University, Balmeeki Campus, Kathmandu

३६४ वह

३६२

CC-0. In Public Domain. Digitization by eGangotri. Funding: MIDF

862

Nepal Sanskrit University, Balmeeki Campus, Kathmandu

श्री सदाशिवकेन्द्रीयसंस्कृतविद्यापीठप्रकाशनस्य प्रथमपुष्पम्

पारस्करगृह्यसूत्रम्

“मार्गदर्शिनी”सहितम्

धर्मशास्त्रसाहित्याचार्यवेदशास्त्रिणा श्रीसदाशिवकेन्द्रीयसंस्कृत-
विद्यापीठस्य लब्धावसरधर्मशास्त्राध्यापकेन
पण्डितश्रीकुलमणिमिश्रशर्मणा विरचितया
मार्गदर्शिन्या
सहितम्

प्रकाशकः
डॉ० हरिहर झा
साहित्याचार्यः व्याकरणाचार्यः M. A. Ph. D. D. Litt.
प्राचार्यः, श्रीसदाशिवकेन्द्रीयसंस्कृतविद्यापीठम्
पुरी, उत्कलः

प्रकाशकः—
श्रीसदाशिवकेन्द्रीयसंस्कृतविद्यापीठम्
पुरी, उत्कलः

विद्यापीठेन सर्वस्वत्वं स्वायत्तीकृतम्

प्रथमसंस्करणम्—५००
१९८१

मूल्यम्—रु० २५/- ३५.००

मुद्रकः— श्रीनारायणप्रेस, पुरी—७५२००१

CC-0. In Public Domain. Digitization by eGangotri. Funding: MIDF

Publication No.—1
Shree Sadashiva Kendriya Samskrit Vidyapeetham

PARASKARA GRIHYASUTRAM

WITH

MARGADARSHINI

BY
Pt. KULAMANI MISHRA SHARMA
Dharmashastra & Sahitya Acharya. Vedashastri.
Retd. Lecturer in Dharmashastra
Shree Sadashiva Kendriya Samskrit Vidyapeetham
PURI, ORISSA.

---

┌─────────────────────────┐
│   योऽनूचानः स नो महान्   │
│          [LOGO]         │
│   राष्ट्रियसंस्कृतसंस्थानम्  │
└─────────────────────────┘

---

Published by
Dr. HARIHAR JHA
Sahitya & Vyakaranacharya, M. A. Ph. D. D. Litt.
Principal
Shree Sadashiva Kendriya Samskrit Vidyapeetham
Puri, Orissa.

Nepal Sanskrit University, Balmeeki Campus, Kathmandu

CC-0. In Public Domain. Digitization by eGangotri.Funding: MIDF

Publisher—
Shree Sadashiva Kendriya Sanskrit Vidyapeetham
Puri, Orissa.

Copy right reserved by the Vidyapeetha

First Edition—500
1981

Price-Rs 26/- 35.00

Principal
Sadashiva Kendriya Sanskrit
Vidyapitha, Puri

93066

Printed by—
Sri Narayan Press, Puri—752001

Nepal Sanskrit University, Balmeeki Campus, Kathmandu

CC-0. In Public Domain. Digitization by eGangotri.Funding: MIDF

PARASKARA GRIHYASUTRAM

WITH

“Margadarshini”

RELEASED

BY

C. M. POONNACHA

Honourable Governor of ORISSA

on

SAMSKRIT DAY CELEBRATION

17-8 81

[... विद्यापीठ ...]

Nepal Sanskrit University, Balmeeki Campus, Kathmandu

विद्य दुल्ल तदनु पुस्त मुद्रि

मुनि अि एत सर्व वि

न वि श प्र पा स्व

क वि मु पु

सं त

CC-0. In Public Domain. Digitization by eGangotri.Funding: MIDF

प्रस्तावना

संस्कृतभाषायाः शास्त्रपरम्परायाश्च सम्यक्तया रक्षार्थं हि विद्यापीठानामाविर्भावो जातः । अत उपादेयग्रन्थानां सम्पादनं दुर्ल्लभग्रन्थानां प्रकाशनं च विद्यापीठकर्मणामेकं विशिष्टमङ्गं भवति । तदनुसृत्यास्माकं श्रीसदाशिवकेन्द्रीयसंस्कृतविद्यापीठद्वारा प्रकाश्यमानेषु पुस्तकेषु मार्गदर्शिनीसहितं पारस्करगृह्यसूत्रमिदं सम्प्रति सर्वप्रथमं मुद्रितं सत् लोकलोचनगोचरतामागच्छति ।

पारस्करगृह्यसूत्रमिदमतिप्राचीनं सूत्रात्मकं कर्मकाण्डविषयकं मुनिकृतं ग्रन्थरत्नम् । भारतदेशस्य सर्वेष्वपि कोणेषु अद्याप्यस्य उपयोगिता अस्ति । सर्वत्र हि कन्यादानादौ "अमुकगृह्यसूत्रविधिने"त्युल्लेखनावसरे एतस्य ग्रन्थस्य नाम धार्मिकरीत्या आपतति । पाठ्यपुस्तकत्वेनापि सर्वेषु संस्कृतपाठ्यक्रमेषु वेदकर्मकाण्डधर्मशास्त्रविभागेषु अस्य समावेशो विद्यते ।

अस्य पारस्करगृह्यसूत्रस्य प्राचीनानि भाष्याणि वर्त्तमानान्यपि न सुलभाणि तथा कक्षासु नियतपठनकालयोग्यानि न भवन्ति । अतएव विद्यापीठस्यास्य लब्धावसरधर्मशास्त्राध्यापकैः पण्डितश्रीकुलमणिमिश्र-शर्म्ममहोदयैः रचितया सुखबोध्याया नातिविस्तृतया सूत्रमन्त्रोभयार्थ-प्रकाशिकया सर्वोपरि छात्रजनानुग्राहिकया मार्गदर्शिन्या समलङ्कृतोऽयं पारस्करगृह्यसूत्रग्रन्थः विद्यापीठेन प्रकाशितः । स चायं संस्कृतसंसारे स्वगुणेन अवश्यं समादरं लप्स्यते इत्याशासे ।

अत्र देवनागरलिप्या मुद्रणाय मुद्रणालयानामभावात् प्रकाशन-कर्मणि महत् काठिन्यमनुभूयते । प्रकाशनार्थमर्पितमपि पुस्तकं महता विलम्बेनापि नोपलभ्यते । गतेष्वपि संवत्सरेषु "प्रायश्चित्तविवेकः" मुद्रायन्त्रादद्यापि नास्माभिरुपलब्धः । भगवतः श्रीजगन्नाथदेवस्य कृपया पुस्तकमेतत् कथञ्चित् मुद्रितमित्यस्माकं सौभाग्यम् ।

अस्मिन् प्रकाशने अक्षरसंयोजकानां देवनागरलिप्यनभ्यस्ततया संस्कृतभाषानभिज्ञतया च अनेके प्रमादाः सम्भवन्त्येव । कृपया सहृदयैः तत्सर्वं क्षन्तव्यमिति सप्रश्रयमर्थयते ।

पुरी	विदुषां विधेयः
ता १५-८-८१	डॉ० हरिहरझा
	प्राचार्यः

Nepal Sanskrit University, Balmeeki Campus, Kathmandu

(पृष्ठस्य मूलपाठः अत्यन्तं मन्दः/अस्पष्टः (faded/ghost print) अस्ति, यस्य स्पष्टतया पठनं प्रतिलेखनं च अशक्यम् अस्ति।)

---

[पृष्ठे दृश्यमानानि पार्श्वचिह्नानि / शीर्षकाणि]

CC-0. In Public Domain. Digitization by eGangotri. Funding: MIDF

(दक्षिणभागे अवशिष्टाः केचन अंशाः) मु
त्र
सु
म

Nepal Sanskrit University, Balmeeki Campus, Kathmandu

प्राग्व्याहृतिः

विदन्त्येव सर्वे विद्वांसो यद् वेदा एव भारतवर्षस्य भारतीयसंस्कृतेश्च मुख्यमवलम्बनमिति । ते च भगवता कृष्णद्वैपायनेन शिष्याणां ग्रहणकसौर्याय ऋग्यजुःसामाथर्वभेदेन चतुर्धा विभज्य यथाक्रमं पैलवैशम्पायनजैमिनिसुमन्तुभ्यः प्रदत्ताः । कालक्रमेण शिष्योपशिष्यैर्गृहीतास्ते बहुशाखत्त्वमापन्नाः । तदुक्तं व्याकरणमहाभाष्ये पस्पशाह्निके भगवता पतञ्जलिना—

‘एकशतमध्वर्युशाखाः, सहस्रवर्त्मा सामवेदः ।
एकविंशतिधा वाह्वृचम् । नवधा आथर्वणो वेद’ । इति ।

तत्रायं यजुर्वेदः शुक्लकृष्णभेदेन द्विधा । तत्रेयं पौराणिकी वार्त्ता— गुरुणा वैशम्पायनेन कारणविशेषवशात् “मदधीतं परित्यजे”ति क्रोधादभिशप्तो याज्ञवल्क्यो रक्ताक्तानि यजूंष्यवमत् । तानि गुरोराज्ञया तित्तिरिपक्षिरूपधारिभिरितरैर्वैशम्पायनशिष्यैरास्वादितानि । ततो याज्ञवल्क्यवान्तत्वेन म्लानिमापन्नानि तानि कृष्णयजुर्वेद इति संज्ञामावहन् । तित्तिरिभिर्गृहीतत्वेन तैत्तिरीय इति संज्ञान्तरं च । तद्ग्राहकाश्च शाखाप्रवर्त्तका गुरोर्व्रताचरणेन चरकाः, चरकाध्वर्यवश्चेति ख्यातिमापन्नाः ।

वान्तवेदो याज्ञवल्क्यो महता तपसा भगवन्तमादित्यमाराध्य तस्मादयातयामानि यजूंष्याजहार । सृष्ट्यारम्भे ब्रह्मा तस्मात् सामवेदमदूदुहत् । याज्ञवल्क्यश्चेदानीं यजुर्वेदमित्यादित्यमण्डलस्य त्रयीमयत्वं

( II )

सुसिद्धमेव । सम्भवति च तद् यथाद्यत्वे वैज्ञानिका वायोः सकाशात् शब्दं सञ्चिन्वन्तः प्रसारयन्ति, तथा चायं याज्ञवल्क्यः सूर्यमण्डलाद् यजूंषि संजग्राहेति ।

एतान्येव अयातयामानि यजूंषि स्वच्छानीति नाम्ना शुक्लयजुर्वेदो जातः । श्रीमद्भागवत (१२-६-७३)—विष्णुपुराण (३-५-२८) प्रभृतिमतेन वाजिरूपधरेण सूर्येण प्रदत्त इति स वाजसनेयसंज्ञामपि लेभे । वायुपुराण-मतेन तु वाजिरूपिणा याज्ञवल्क्येन वेदो लब्ध इति तदध्येतारो वाजिन उच्यन्ते ।

“अश्वरूपाय मार्त्तण्डो याज्ञवल्कयाय धीमते । ६१-२१
यजूंष्यजातयामानि ब्राह्मणा येन केन च ।
अश्वरूपाय दत्तानि ततस्ते वाजिनोऽभवन्” । ६१-२२ इति

युज्यते चैतत् सजातीय एव सजातीयभाषामवगन्तुमर्हति । नहि अनश्वः अश्वभाषां गृह्णीयादिति अनयोर्द्वयोरपि वाजित्वं संगच्छते नत्वेकस्य ।

यजुर्वेदस्य एकशत १०१ शाखासु कृष्णयजुर्वेदस्य षडशीतिः ८६ शाखाः । तदुक्तं वायुपुराणे—

“वैशम्पायनगोत्रोऽसौ यजुर्वेदं व्यकल्पयत् ।
षडशीतिस्तु येनोक्ताः संहिता यजुषां शुभाः ।” ६१-५ इति

ब्रह्माण्डे—(अ ३५)

“वैशम्पायनशिष्योऽसौ यजुर्वेदमकल्पयत् ।
षडशीतिस्तु तेनोक्ताः संहिता यजुषां शुभाः ।।

तथा—

“षडशीतिस्तथा शिष्याः संहितानां विकल्पकाः ।
सर्वेषामेव तेषां वै त्रिधा भेदाः प्रकीर्त्तिताः” ।। इति

शुक्लयजुर्वेदस्य पञ्चदश १५ शाखा उक्ता विष्णुपुराणे—३-५-२६

“शाखाभेदास्तु तेषां वै दश पञ्च च वाजिनाम् ।
काण्वाद्यास्तु महाभागा याज्ञवल्क्याः प्रकीर्त्तिताः ।। इति

( III )

तथैव वायुपुराणेऽपि— (६१-२६) "इत्येते वाजिनः प्रोक्ता दशपञ्च च संस्मृताः । इति

एतेन शुक्लकृष्णयोर्द्वयोः संहृत्य एकशतम् १०१ अध्वर्युशाखा भवन्ति । इयं च संख्या पतञ्जलिना परिकीर्तिता । वायुपुराणमपि तां संख्यां दृढीकरोति ।

"शतमेकाधिकं कृत्स्नं यजुषां वै विकल्पकाः” (६१-२६) इति ।

कूर्मपुराणमते यजुर्वेदस्य शतं शाखा उक्ताः । तत्र (१-२ अध्याये)

एकविंशतिभेदेन ऋग्वेदं कृतवान् पुरा ।
शाखानां तु शतेनैव यजुर्वेदमथाकरोत् । इति ।

शौनकीयचरणव्यूहे तु साकल्येन यजुर्वेदस्य शाखाः षडशीति८६ रेव दर्शिताः । "यजुर्वेदस्य षडशीतिर्भेदा भवन्ति इति २-१

देवीपुराणमपि तथैव वक्ति—

"संख्या यजुर्वेदस्य श्रूयताम् ।
षडशीतिविभेदेन मया भिन्नं शिवाज्ञया” । १०७-१८ इति ।

विष्णुपुराणे तु यजुषां वैशम्पायनप्रवर्तिताः सप्तविंशतिः २७, याज्ञवल्क्यप्रवर्तिताः पञ्चदश १५ इति साकल्येन द्विचत्वारिंशत् ४२ शाखा भणिताः ।

उक्तं चात्र—

"यजुर्वेदतरोः शाखाः सप्तविंशन्महामुनिः ।
वैशम्पायननामाऽसौ व्यासशिष्यश्चकार वै । ३-५-१

तथा—

'शाखाभेदास्तु तेषां वै दश पञ्च च वाजिनाम् । ३-५-२६ इति

प्रदर्शिताः सर्वे मतभेदाः शाखानां मुख्यामुख्यभेदापेक्षया उक्ता इति व्यवस्थापनेन तेषामविरोधः साधयितुं शक्यते ।

उक्तेषु एकशत-(१०१) शाखासु कासांचन नामान्यप्युपलभ्यन्ते । तत्रादौ कृष्णयजुःशाखा दर्शिताश्चरणव्यूहे ।

( IV )

"तत्र चरकाणां द्वादश भेदा भवन्ति । (१) चरकाः (२) आह्वरकाः (३) कठाः (४) प्राच्यकठाः (५) कपिष्ठलकठाः (६) चारायणीयाः (७) वारायणीयाः (८) वार्त्तान्तवेयाः (६) श्वेताश्वतराः (१०) औपमन्यवः (११) पाताण्डनीयाः (१२) मैत्रायणीयाश्चेति ।

मैत्रायणीया नाम षड्भेदाः भवन्ति— (१) मानवाः (२) वाराहाः (३) दुन्दुभाः (४) छागलेयाः (५) हारिद्रवेयाः (६) श्यामायनीयाश्चेति ।

तत्र तैत्तिरीयका नाम द्विभेदा भवन्ति । (१) औखेयाः (२) खाण्डिकेयाश्चेति ।

तत्र खाण्डिकेया नाम पञ्चभेदा भवन्ति । (१) कालेता (२) शाठ्यायनी (३) हैरण्यकेशी (४) भारद्वाजी (५) आपस्तम्बी चेति ।

तथा शुक्लयजुःशाखाश्चोक्तास्तत्रैव— प्राच्योदीच्यनेऋ त्यवाजसनेया नाम पञ्चदशभेदा भवन्ति ।

(१) जावालाः (२) बौधायनाः (३) काण्वाः (४) माध्यन्दिनेयाः (५) शाफेयाः (६) तापनीयाः (७) कपोलाः (८) पौण्डरवत्साः (६) आवटिकाः (१०) परमावटिकाः (११) पाराशराः (१२) वैणेयाः (१३) वैधेयाः (१४) अद्धाः (१५) बौधेयाश्चेति ।

वायुपुराणेऽपि वाजसनेयशाखास्तत्प्रवर्त्तकनाम्ना प्रदर्शिता यथा—

'याज्ञवल्क्यस्य शिष्यास्ते कण्व-वैधेय-शालिनः । ६१-२४ मध्यन्दिनश्च शापेयो विदग्धश्चाप्य उद्दलः । ताम्रायणश्च वात्स्यश्च तथा गालव—शैशिरी ।। आटवी च तथा पर्णी वीरणी सपरायणः ६१-२५ इत्येते वाजिनः प्रोक्ता दश पञ्च च संस्मृताः । ६१-२६ इति

अत्र वाजसनेयशाखानामाख्यायां वायुपुराण—चरणव्यूहयोर्महान् भेदः सम्प्रदृश्यते ।

( V )

आभिर्वेदशाखाभिः सह गृह्यसूत्राणामस्ति सुमहान् सम्बन्धः । गृह्यसूत्राणि हि स्मार्त्तकर्माण्येव प्रदर्शयन्त्यपि शाखाविशेषमाश्रित्य व्यवतिष्ठन्ते ।

तत्र गृह्यो नाम वैवाहोऽग्निः । तदुक्तं खादिरगृह्यसूत्रे— “यस्मिन्नग्नौ पाणिं गृह्णीयात् स गृह्यः” ( १-१-१ ) इति । अत्र पाणिग्रहणमुपलक्षणम्, 'दायाद्यकाल एकेषाम्'(१-२-२)इति पारस्कराचार्यैः कालान्तराहितस्यापि अग्नेरुपदिष्टत्वात्” । सर्वथा गृह्योऽयमग्निः स्मार्त्त एव न श्रौतः । कृतविवाहस्य गृहस्थस्य चतुर्विधपाकयज्ञसम्पादनार्थम् अस्याग्नेर्नितरामावश्यकतास्ति । तेन गृहस्य—गृहस्थाश्रमस्य, हितसाधकत्वेन 'तस्मै हित-(५-१-५)मिति यति गृह्यशब्दो निष्पद्यते । तेन गृहपर्यायैः उपासनावसथशालाशब्दैरपि अयमाख्यायते औपासनाग्निः, आवसथ्याग्निः शालाग्निरिति । विवाहकालाऽऽधेयत्वेन वैवाहिकाग्निरित्यप्यस्य संज्ञान्तरम् । गृह्यशब्दः अग्निपरोऽपि तदग्निसाध्यकर्मसु रूढः । तेन गृह्याणां—गृह्याग्निसाध्यकर्मणां सूत्रं गृह्यसूत्रमिति विग्रहः सम्पद्यते । अत्र सूत्रं नाम संक्षिप्ता भाषा । तल्लक्षणं चोक्तम्—

“अल्पाक्षरमसन्दिग्धं सारवद् विश्वतोमुखम् । अस्तोभमनवद्यं च सूत्रं सूत्रविदो विदुः । इति ।

(अस्तोभं-निरर्थपूरणाक्षरवर्जितम्) । अनया वै सूत्रभाषया सर्वाण्येव गृह्याणि आचार्यैरुपनिबद्धानि । तानि च गृह्यसूत्राणि प्रतिवेदं भिद्यन्ते । यथा वाह्वचानाम् आश्वलायनगृह्यसूत्रं शाङ्खायनगृह्यसूत्रं चेत्यादि । छन्दोगानां गोभिलखादिरादीनि गृह्यसूत्राणि । आथर्वणानां कौशिकगृह्यसूत्रम् । तैत्तिरीयाणाम् आपस्तम्बगृह्यसूत्रं, बौधायनगृह्यसूत्रं, सत्याषाढगृह्यसूत्रं, मानवगृह्यसूत्रं, भारद्वाजगृह्यसूत्रं, वाधूलगृह्यसूत्रं, काठकगृह्यसूत्रं, वाराहगृह्यसूत्रं, लौगाक्षिगृह्यसूत्रं चेत्यादीनि गृह्यसूत्राणि भवन्ति । तथा शुक्लयजुर्वेदस्य पञ्चदशानामपि शाखानां

( VI )

पारस्करगृह्यसूत्रमेकमेव गृह्यसूत्रमित्यस्य ग्रन्थरत्नस्य सुमहती प्रतिष्ठा व्यापकता च।

अस्य ग्रन्थस्य प्रणेता पारस्कर इति कात्यायन इति चाख्याद्वयेन प्रख्यायते । अनयोः कात्यायन इति गोत्रजा संज्ञा । पारस्कर इति देशवाचिका च । पारस्करशब्दस्य हि देशवचनत्वं "पारस्करप्रभृतीनि च संज्ञायाम् (६-१-१५७) इत्यस्य पाणिनीयसूत्रस्य विवृत्तौ वार्त्तिक-भाष्यकाराभ्यां वररुचिपतञ्जलिभ्यां "पारस्करो देश" इति अविस्वादं प्रदर्शितम् । स च पारस्करदेशः साम्प्रतिक पारस्यदेशः भवितुमर्हतीत्यनुमीयते शब्दसादृश्यात् ।

एतेनास्य ग्रन्थकर्त्तुः कालोऽप्यनुमातुं शक्यते यदा पारस्यदेशे वैदिकधर्मः ब्राह्मणक्षत्रियादिवर्णविभागश्च समुज्ज्वल आसीत् यदा च बुद्धस्याविर्भावो नाभूत् तदानीमेवास्य ग्रन्थस्य निर्मितिरभूदिति । यदि नाम बुद्धस्य आविर्भावानन्तरमस्य ग्रन्थस्य सृष्टिः स्यात् तर्हि करुणात्मनो बुद्धस्य प्रभावादत्र ग्रन्थे मधुपर्कशूलगवादिकर्मणि पशुवधः स्थानं न लभेत । यदिवा पाणिनिना पारस्कराचार्यसंज्ञायां पारस्करशब्द उदाहृतः स्यात् तर्हि एतस्य पाणिनिप्राग्भावित्वं सुदृढमेव ।

अनेनाचार्येण प्रथमं श्रौतसूत्रं सम्पाद्य परतो गृह्यसूत्रं निरमायि । तच्चास्य "न पूर्वचोदितत्वात् सन्देह" इति ३-१७-४ सूत्रेण कात्यायन-श्रौतसूत्रस्य 'व्रीहीन् यवान् वा हविषि' (१-६-१) इति सूत्रस्य परामर्शात् तथा "प्रोष्येत्य गृहानुपतिष्ठते पूर्ववत् ( १-१८-१ )" इतिसूत्रेण आहिताग्निप्रवासप्रकरणाक्षेपाच्चानुमीयते ।

सकलदेशप्रसिद्धश्चायं ग्रन्थः सूत्रात्मकः । छन्दोवत् सूत्राणि भवन्तीतिवचनात् सूत्रपाठेषु वैदिकी मर्यादाप्याधीयते । वेदे च सर्वे विधयश्छन्दसि विकल्प्यन्ते । तथैवात्र 'अन्नपर्याय वा' (१-१६-११), 'आचार्य्याय भैक्षं निवेदयित्वा' (२-५-८) प्रभृतिस्थलेषु व्याकरणनियमा

( VII )

नापेक्षिताः। सूत्राण्यपि अत्र मन्त्रगर्भितानि। आवश्यकस्थलेषु शाखान्तर- मन्त्राश्चात्र साकल्येनोद्धृताः, स्वशाखामन्त्राश्च प्रतीकमात्रेण । परिशिष्टभागवर्जितोऽयं काण्डत्रयात्मको ग्रन्थः द्विपञ्चाशत् (५२) काण्डिकासम्मलितो मया व्याख्यातः । यमलजननमूलजननशान्त्यादि हरिहरादिभिरप्युपेक्षितमिति मयापि न समाहृतम् । सूत्रविभागश्चात्र पूर्वाचार्याणां सरणिमनुसृत्य मया प्रकल्पितः । क्वचिदतिदीर्घे सूत्रे अर्थग्रहणाय कोमलमतीनां क्लेश आपद्येत इति भिया सूत्रस्य अंशकल्प- नापि कृता (यथा १-१-२ सूत्रे) । साकल्येनात्र दशाधिकानि सप्तशतानि सूत्राणि सन्ति । मन्त्राश्च शाखान्तरीयाः २२६ षड्विंशत्यधिकशतद्वय- परिमिता अत्र उद्धृताः । आकृत्या अदीर्घोऽप्ययं ग्रन्थः अर्थग्रहणावसरे सुदीर्घ इव प्रतीयते ।

पारस्करगृह्यसूत्रग्रन्थस्यास्य कर्क-जयराम-हरिहर-गदाधर- विश्वनाथकृतानि भाष्याण्युपलभ्यन्ते । वासुदेवरेणुदीक्षितयोः व्याख्ये नाममात्रावशेषे । उपलब्धेषु कर्कभाष्यं परमप्रामाणिकमतिप्राचीनं गूढाभिप्रायकं मन्त्रार्थप्रकाशनविधुरं संक्षिप्ततमं च । हरिहरभाष्यं विशदमपि प्रयोगसंवलितमपि मन्त्रार्थशून्यम् । गदाधरभाष्यमसम्पूर्णं विस्तृततममत्युपादेयमपि परीक्षार्थिनामत्तुपयोगि । अन्यद्भाष्यद्वयमपि विस्तृतं दुर्लभं च ! इत्थं भाष्याणां कोमलमतिपरीक्षार्थिछात्राणां पक्षे दुर्ग्राह्यत्वं दुर्लभत्वं चाकलय्य सारल्येन साकल्येन मन्त्रगर्भितानां सूत्राणामाशुग्रहणाय मयायं प्रयत्नः कृतो न पुनः पाण्डित्यप्रकटनाय ।

प्रथमं मया काण्डद्वयस्य व्याख्या कृता । तस्य प्रकाशनाय भारतसर्वकारस्यानुदानमपि प्रार्थितम् । समायाते ततः स्वीकृतिपत्रे पुरीविद्यापीठस्य तात्कालिकप्राचार्यैः डॉ० श्रीजयदेव-(गांगुली) गङ्गोपाध्यायैः एतत् पुस्तकं विद्यापीठप्रकाशनाय दीयतां, पुनश्च सम्पूर्णस्य ग्रन्थस्य व्याख्या अवश्यं करणीयेति अहमनुरुद्धः। तदनुसार- मात्मसम्मतिं प्रदाय अवसरग्रहणानन्तरं तृतीयकाण्डस्य व्याख्याऽपि

( VIII )

कृता यस्याः २१-१२-७६ ख्रीष्टीयदिवसे समाप्तिरभूत् । इयं मदीया व्याख्या मूलसूत्राणां तथा प्राचीनभाष्याणामपि ग्रहणाय मार्गं दर्शयिष्यतीति नाम्ना मार्गदर्शनोति कृता ।

यदि नाम परीक्षार्थिनां छात्राणामन्येषां वा पाठकानामियं मार्गदर्शिनी उपकारलेशं साधयिष्यति, तर्हि आत्मानमहं कृतार्थं मंस्ये । पुरीविद्यापीठस्य साम्प्रतिकप्राचार्यैः डॉ० श्रीहरिहरझामहोदयैर्बहुकार्याकुलैरपि एतस्य प्रकाशनं सादरमारब्धं समापितं चेति तेषु, पूर्वोक्तगङ्गोपाध्यायमहोदयेषु च कृतज्ञतां समर्प्य नरसुलभा दोषा मे स्वोदारतया कृपया मार्जनीया इति भूयो भूयः प्रार्थ्यन्ते सदाशया अन्तर्वाणय इति शम् ॥

विदुषां विधेयः
श्रीकुलमणिमिश्रशर्मा
श्रीसदाशिवकेन्द्रीयसंस्कृतविद्यापीठस्य
लब्धावसरधर्मशास्त्राध्यापकः

पुरी
१२-८-१९८१