अगस्त्य संहिता (महर्षि अगस्त्य - पञ्चरात्र राम-उपासना एवं मन्त्र-विधान सटीक)

(266) अगस्त्य-संहिता तेऽप्याप्यवतरिष्यन्ति भगवन्मतकोविदाः। स्वयम्भूप्रमुखाः सर्वे महान्तो नित्यसूरयः॥२७॥ इङ्गितज्ञा हरेराज्ञां वहन्तः शिरसा मुदा। नानादेशेषु वर्णेषु तत्तत्कालेऽर्कसन्निभाः॥२८॥ आयुष्मन्! कृत्तिकायुक्तपूर्णिमायां धनौ शनौ। स्वयंभूः कार्तिकस्याद्धाऽनन्तानन्दो भविष्यति॥२९॥ योगनिष्ठः सदा धीमान् सदाचारपरायणः। शिष्य आचार्यवर्यस्य रामानन्दस्य धीमतः॥३०॥ जातः सुरसुरानन्दो नारदो मुनिसत्तमः। वैशाखसितपक्षस्य नवम्यां स वृषे गुरौ॥३१॥ शुक्रे वरुणभे योगे शीलरत्नाकरो महान्। मन्त्रमन्त्रार्थसन्निष्ठो गुरुभक्तिपरायणः॥३२॥ तस्यामेव तुलालग्ने तादृशीन्दुरिवोग्रधीः। शम्भुरेव सुखानन्दः पूर्वाचार्यार्थनिष्ठकः॥३३॥ व्यतिपातेऽनुराधाभे शुक्रे मेषे गुणाकरे। वैशाखशुक्लपक्षस्य तृतीयायां महामतिः॥३४॥ कुमारो नरहरियान्दो जात उदारधीः। वर्णाश्रमकर्मनिष्ठः शुभकर्मरतः सदा॥३५॥ वैशाखकृष्णसप्तम्यां मूले परिघसंयुते। बुधे कर्केऽथ कपिलो योगानन्दो जनिष्यति॥३६॥ योगनिष्ठो महायोगी सत्सेवितपदाम्बुजः। सदा वैष्णवधर्माणामुपदेशपरायणः ॥३७॥ मनुः पीपाभिधो जात उत्तराफाल्गुनीयुजि। पूर्णिमायां ध्रुवे चैत्र्यां धनवारे बुधस्य च॥३८॥ निष्ठा तदीयकैङ्कर्ये सततस्य महात्मनः। नक्षत्रे शशिदैवत्ये चैत्रकृष्णाष्टमीतिथौ॥३९॥ प्रह्लादोऽपि कवीरस्तु कुजे सिंहे च शोभने। जातो वेदान्तसन्निष्ठः क्षेत्रवासरतः सदा॥४०॥ भवानन्दोऽथ जनको मूले परिघसंयुते। वैशाखकृष्णषष्ठ्यान्तु कर्के चन्द्रे जनिष्यति॥४१॥