गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

२७६ गन्धर्वतन्त्रे । (६)महातत्त्वार्थ इति यत्तच्च देवि ब्रवीमि ते ॥ ९८॥ निष्कले परमे सूक्ष्मे १निर्लिप्ते भाववर्जिते । व्योमातीते परे तत्त्वे प्रकाशानन्दविग्रहे ॥ ९९॥ विश्वोत्तीर्णे विश्वमये तत्त्वे स्वात्मनियोज(येत्?नम्) । तदा प्रकाशमानत्वात् तेजसां तमसामपि ॥ १००॥ अविनाभावरूपत्वं तस्माद्विश्वस्य सर्वतः । प्रकाशते महातत्त्वं दिव्यक्रीडारसो२ज्ज्वले ॥ १०१ ॥ निरस्तसर्वसंकल्पविकल्पस्थितिपूर्वकः । रहस्यार्थो मया प्रोक्तः सद्यः प्रत्ययकारकः ॥ १०२ ॥ इति श्रीगन्धर्वतन्त्रे पार्वतीश्वरसंवादे विद्यासाधननिर्णयो एकोनत्रिंशः पटलः ॥ २९ ॥ १ 'निर्लप्त्ये' ख पाठः । २ 'सोद्वले' ख. पाठ ।