मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

502 मानमेयरहस्यश्लोकवार्तिके कथं नरो निवर्तेत प्रत्यवायभयाद्विना । मा निवर्तिष्ट, विधिना तावदुक्तं निवर्तनम् ॥ प्रवृद्धतररागान्धः प्रत्यवायेऽपि कल्पिते । न निवर्तेत इत्येवं किं विधेरप्रमाणता ॥ फलं भवतु मा वा भूत् पुरुषोऽपि प्रवर्तताम् । मा प्रवर्तिष्ट वा शास्त्रं नियुङ्क्ते त्वधिकारिणम् ॥ 7 कामप्रध्वंससिद्धान्ते सर्वं नैमित्तिकं मतम् । स्वर्गादिकामनानां तु निमित्तत्वमुपाश्रितम् ॥ स्त्रीकामो निष्कृतिं कुर्यादित्यादिषु निमित्तता । प्रतीयते नतु खलु फलसाधनता क्वचित् ॥ न पारलौकिकस्स्वर्गः किन्त्वैहिकसुखं सुखम् । धनधान्यादिकाङ्क्षिश्चेत्पुंसामिच्छा सुखे भवेत् ॥ यागेन तद्व्यये जाते कामः प्रध्वंसते स्वयम् । अतएव क्षत्रियाणां विश्वजिद्यागशासनम् ॥ तत्रापि स्वर्गक्लृप्तिस्तु जैमिनेर्दैन्यलक्षणा । तथैव रात्रिसत्रेऽपि वेदो हि प्रभुसम्मितः ॥ प्रत्यवायपरीहारोऽप्यत्र कार्पण्यलक्षणः । शंय्वन्ताधिक्रियान्यायो नैतत्सिद्धान्तसम्मतः ॥ नित्यं नैमित्तिकं कर्म कर्तव्यमिति वैदिकः । पन्थाः पुराणोऽयमत्र गीता भगवता स्वयम् ॥