ऋभु गीता (शिव रहस्य - निदिध्यासन व अद्वैत बोध)

पुरहर भव हर हरिशर शिव शिव
शंकर कुरु कुरु करुणां शशिमौले ॥ ३.१५॥

भजाम्युगसुताधवं पशुपतिं महोक्षध्वजं
वलक्षभसितोज्ज्वलं प्रकटदक्षदाहाक्षिकं ।
भगाक्षिहरणं शिवं प्रमथितोरुदक्षाध्वरं
प्रपक्षसुरतामुनिप्रमथशिक्षिताधोक्षजं ॥ ३.१६॥

श्रीनाथाक्षिसरोजराजितपदाम्भोजैकपूजोत्सवै-
र्नित्यं मानसमेतदस्तु भगवन् सद्भ्राजमौले हर ।
भूषाभूतभुजंगसंगत महाभस्मांगनेत्रोज्ज्वला-
ज्ज्वलादग्धमनंगपतंगद्युगुमाकांताव गंगाधर ॥ ३.१७॥

स्वात्मानन्दपरायणाम्बुजभवस्तुत्याऽधुना पाहि मां
(ए प्रति लोनु लेदु) ।
गिरिजामुखसख षण्मुख पञ्चमुखोद्यतदुर्मुखमुख-
हर आखुवहोन्मुख लेखगणोन्मुख शंकर भगगमपरिपूज्य ॥ ३.१८॥

कोटिजन्मविप्रकर्मशुद्धचित्तवर्त्मनां
श्रौतसिद्धशुद्धभस्मदग्धसर्ववर्मणां ।
रुद्रभक्तमेध्यभुक्तिदग्धसर्वपाप्मनां
रुद्रसूक्ति उक्तिभक्तिभुक्तिमुक्तिदायिकां ।
पुरहर इष्टतुष्टिमुक्तिलास्यवासना
भक्तिभासकैलासमीश आशु लभ्यते ॥ ३.१९॥

स्कन्दः –

तत्स्तुत्या तोषितः शम्भुस्तमाह बुभुमीश्वरः ।
प्रसन्नः करुणाम्भोधि रम्भोजसुतमोदनः ॥ ३.२०॥

ईश्वरः –

वेदान्तपारपठनेन हरादियोगैः
श्रीनीलकण्ठपदभक्तिविकुण्ठभावाः ।
ये कर्परा यतिवरा हरिसालीगेहे
सालावृकैर्वरकरोरकुराराघातैः ॥ ३.२१॥

भन्नोत्तमांगहृदयाश्च भुसुण्डिभिस्ते ।
भिक्षाशना जरठरासभवद्भ्रमन्ति ॥ ३.२२॥