ऋभु गीता (शिव रहस्य - निदिध्यासन व अद्वैत बोध)

सद्य एव परं ब्रह्म पदं प्राप्नोति निश्चयः । सकृच्छ्रवणमात्रेण सद्यो मुक्तिं प्रयच्छति ॥ 17.44॥

एतत्तु दुर्लभं लोके त्रैलोक्येऽपि च दुर्लभं । अहं ब्रह्म न संदेह इत्येवं भावयेत् दृढं । ततः सर्वं परित्यज्य तूष्णीं तिष्ठ यथा सुखं ॥ 17.45॥

सूतः –

भुवनगगनमध्यध्यानयोगांगसंगे यमनियमविशेषैर्वस्युरागांगसंगैः । सुखमुखभरिताशाः कोशपाशाद्विहीना हृदि मुदितपराशाः शांभवाः शंभुवच्च ॥ 17.46॥

॥ इति श्रीशिवरहस्ये शंकराख्ये षष्ठांशे ऋभुनिदाघसंवादे सर्वसिद्धांतसंग्रहप्रकरणं नाम सप्तदशोऽध्यायः ॥