समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

रुचकादिचतुष्षष्टिप्रसादकः षट्पञ्चाशोऽध्यायः । ३४९ महामर्माणि चत्वारि कुर्याद् यैत्ताद्यतोत्तरे (?)। क्षणमध्येषु सर्वेषु द्रव्यमेकं न दापयेत् ॥ ३०१ ॥ तदा युग्म + + + + वेधमर्म विवर्जयेत् । क्षणमध्ये यदा द्रव्यमेकं मोहात् प्रदीयते ॥ ३०२ ॥ कर्तृकारकयोः पीडा भवेत् पूजा न तादृशी । तस्मात् सर्वप्रयत्नेन स्थपतिः कारकोऽपि च ॥ ३०३ ॥ मर्माणि वर्जयेद् यत्नात् प्रासादस्य समीपतः । अथ मर्मवियुक्तो(क्तं) यः प्रासादं कर्तुमिच्छति ॥ ३०४ ॥ प्रासादतः सदा तेन विधेयं महदन्तरम् । (प्रासादां तूत्तरं क्वः) कार्यं फलपुष्पैर्विभूषितम् ॥ ३०५ ॥ य एतैर्लक्षणैर्युक्तं कारयेद् देवतालयम् । धनधान्यमवाप्नोति मोदते सुखमेव च ॥ ३०६ ॥ हरो हिरण्यगर्भश्च हरिर्दिनकरोऽपि च । एते देवाः समाख्याता देवनामपि पूजिताः ॥ ३०७ ॥ पृथक्त्वेन च कर्तव्या एकरूपसमन्विताः । अष्टबाहुश्चतुर्वक्त्रः कुण्डली मुकुटोज्ज्वलः ॥ ३०८ ॥ हारकेयूरसंयुक्तो रत्नमालोपशोभितः । ऋष्यागतपुरः कार्यः पद्महस्तो दिवाकरः ॥ ३०९ ॥ शङ्खचक्रधरो देवो वामे च मधुसूदनः । कण्ठाभरणसंयुक्तो मूर्धा च मुकुटोज्ज्वलः ॥ ३१० ॥ ब्रह्मा पश्चिमत्तः कार्यो बृहज्जठरमण्डलः । कुण्डिकामक्षसूत्रं च दधत् कूर्चविभूषितः ॥ ३११ ॥ प्रासादा रुचकादयोऽत्र ललिताः प्राग् विंशतिः पञ्चयुक् तावन्तश्च ततोऽनु केसरिमुखाः( स )न्धारकाः कीर्तिताः । १ 'यत्नाद्यथोत्तरम्' इति स्यात् ।