कबीर सागर (11 भाग संपूर्ण)

बोधसागर

(१७)

वो प्रभु अविगत अविनाशी । दास कहाय प्रगट भे काशी ॥
भाषिन निरगुण ज्ञान निनारा । वेद कितेब कोइ पाव न पारा ॥
तीन लोक महाँ महतो काला । जीवन कहैं यम करै जँजाला ॥
वे यमके सिर मर्दन हारे । जनहि गहै सो उत्तै पारे ॥
जहाँ वो रहहि काल तहाँ नाही । हंसन सुखद एक यह आहीं ॥

धर्मदास बचन

अहो साहब बलि बलि जाऊँ । मोहिं उनके सँदेश सुनाऊँ ॥
मोरे तुम उनहीं सम भाई । तुम वै एक नाहिं विगराई ॥
नाम तुम्हार काह है स्वामी । सो भाषहु प्रभु अन्तर्यामी ॥

सतगुरु बचन

धर्मनि नाम साधु मम आही । सन्तन माँह हम सदा रहाही ॥
साधूसंगति निशिदिन मन भावै । सतगुरु ज्ञान साधु मिलि गावै ॥
जो जिव करै साधु सेवकाई । सो जिव अति प्रिय लागै भाई ॥
हमरे साहिबकी ऐसन रीती । सदा करहिं साधुन सो प्रीती ॥
जो जिव उन्हकर दिशा लेहीं । साधू सेव सिखावन देहीं ॥
जीव दया पर आतम पूजा । सद्गुरु भक्ति देव नहिं दूजा ॥
सद्गुरु सङ्कट मोचक आहीं । निरगुण भक्ति छुवैं यम नाहीं ॥

छन्द-है आपु सत्यकबीर सद्गुरु प्रकट कहु तुम सना ॥
सत्यनाम भक्ति हठावहिं दया क्षेम निश्चल मना ॥
मन कर्म भर्म अबाट परिहरि बाट घरको देत हैं ॥
जो शीश अरपे भव तरे सार जेहि यह लेत हैं ॥

साखी-सुनहु संत मति धीर, हृदया करहु विवेख ॥
हो ज्ञाता परखहु हिये, संत असंतको रेख ॥

सोरठा-जीवन यम धरिखाय, सत्यनाम जाने बिना ॥
वाचै एक उपाय, सत्यकबीर कहि भव तरे ॥

(१८)

ज्ञानप्रकाश

धर्मदास वचन-चोपाई

अहो साहब तुम्ह अविगत अहहू । अमृत वचन तुम निश्चय कहहू ॥
हे प्रभु पूछेउ बात दुइ चारा । अब मैं परिचय भेद विचारी ॥
सो तो हम नहि जानहि स्वामी । तुम कहहु प्रभु अंतरयामी ॥

सतगुरु वचन

अहो धर्मदास तुम्ह भलयह भाखो । कहो सो जो प्रतीति तुम राखो ॥
अहहु निगुरा कि गुरु किहुँ भाई । तौन बात मोहि कहहु बुझाई ॥

धर्मदास वचन

हे सामर्थ्य गुरु हमतौ कीन्हा । यह परिचे गुरु मोहि न दीन्हा ॥
रूपदास विठलेश्वर रहहीं । तिनकर शिष्य सुनहुँ हम अहहीं ॥
उन मोहि इहे भेद समुझावा । पूजहु शालिग्राम मन भावा ॥
गया गोमती काशि परागा । होइ पुण्य शुद्ध जनम अनुरागा ॥
लक्ष्मीनारायण शिलाकै दीन्हा । विष्णुपंजर पुनि गीता चीन्हा ॥
जगन्नाथ बलभद्र सहोद्रा । पञ्चदेव औरो योगीन्द्रा ॥
बहुतैं कही प्रमोध दढाई । विष्णुहिं सुमिरि सुक्ति होइ भाई ॥
गुरुके वचन शीश पर राखा । बहुतक दिन पूजा अभिलाखा ॥
तुम्हरी भेष मिले प्रभु जबते । तुम बानी प्रिय लागी तबते ॥
वे गुरु तुम्हहीं सतगुरु अहहू । सारभेह मोहिं प्रभु कहहू ॥
तौहैर दास कहाउब स्वामी । यमते छोडावहु अन्तरयामी ॥
उनहुँ कर नाहीं निन्द करावै । अस विश्वास मोरे मन आवै ॥
वह गुरु सर्गुण त्रिगुण पसारा । तुमहौ यमते छोडावनहारा ॥

सतगुरु वचन

सुनु धर्मनि जो तव मन इच्छा । तौ तोहिं देउँ सार पद दिच्छा ॥
तुम अब निज भवन चलि जाऊ । गुरु परीक्षा जाइ कराऊ ॥
जो गुरु तुम्हैं न कहैं सँदेशा । तब हम तुम्ह कहैं देव उपदेशा ॥
हमहुँ जाहिं सतगुरु पहुँ भाई । तुम्हरी प्रीति अब उनहिं सुनाई ॥

बोधसागर

(११)

धर्मदास बचन

हे साहेब एक आज्ञा पावों । दया करो कछु प्रसाद लै आवों ॥

सतगुरु बचन

हे धर्मदास मोहि इच्छा नाहीं । क्षुधा न व्यापै सहज रहाहीं ॥
सत्यनाम है मोर अंधारा । भक्ति भजन सतसंग सहारा ॥

धर्मदास बचन

अहो साहब जो अन्न न खाहू । तो मोरे चितकर मिटै न दाहू ॥

सतगुरु बचन

तुम्है इच्छा तो ल्यावहु भाई । अन्तै लेइ पाइव हम जाई ॥
धर्मदास उठि हाट सिधाये । बतासा पेडा रुचि लै आये ॥
आनि धरेउ आगे प्रभुकेरा । विनय भाव कीन्ह बहुतेरा ॥
अहो साहु अब अज्ञा देहू । गुरु पहाँ जाब आशिष लेहू ॥

धर्मदास बचन

करि दण्डवत धर्मनि कर जोरी । अबधौ सुदिन होइ कब मोरी ॥
तेहि दिन सुदिन लेखब प्रभुराई । जेहि दिन तुव पगु दरशन पाई ॥
हम कहैं निज चेरा करि जानो । सत्य कहौं निश्चयकरि मानो ॥
आशिष दे प्रभु चले तुरन्ता । अबिगति लीला लखेको अन्ता ॥
धर्मदास चितवहि मगु ठाढो । उपजा प्रेम हृदय अति गाढो ॥
छंद-विलखि लोचन जब प्रभु अन्तर भये तबहीं चित अति खरभरे ॥
चक्षुवारिध प्रबल प्रवाह भव हिय धीरज तनिको ना धरे ॥
धरि स्वास आस विश्वास मिलन बहुरि जो भवन सिधायऊ ॥
गिरहि सेज विथा विकल होइ उर विरह अति दुख छायऊ ॥
साखी-भोजन क्षेम मलीन तन, बसन विभेष बनाइ ॥
रेनि दिवस छिन कल नहीं, जहाँ तहाँ बैठे जाइ ॥

(२०)

ज्ञानप्रकाश

सोरठा-मिलहिं जो भेष अनेक, पूछहिं तेहि संदेश पुनि ॥
होय न चित महाँ एक, यक सम बचन न भावई ॥

धर्मदासका गुरुरूपदासजीके निकट जाकर ज्ञान पूछना
धर्मदासवचन-चौपाई

धर्मदास चलि भो गुरु पाहाँ । रूपदास कर आश्रम जाहाँ ॥
पहुँचे जाइ गुरुके धामा । होइ आधीन तब कीन्ह प्रणामा ॥
तुम गुरुदेव शिष्य हम आहीं । परचे ज्ञान कहहु मोहि पाहीं ॥
जीव मुक्त कौन विधि होई । तन छूटे कहैं जाय समोई ॥
(जिवकर मुक्ति कैसे होइ भाई । पारब्रह्म सो कहाँ रहाई ? ॥)
आदि ब्रह्म सो कहँवा रहाई । घट महाँ बोले कौन सो आही ॥
ताकर नाम कहो हम पाही । घट में बोले सो कस आही ॥
हम को हैं घट को होई । जग करता प्रभु कहाँ समोई ॥

गुरु रूपदास वचन

धर्मदास तुम भयो अजाना । को सिखयो तोहि अस ज्ञाना ॥
सुमिरहु रामकृष्ण भगवाना । ठाकुर सेवा कर बुधिवाना ॥
विष्णुपंजर ओ लक्ष्मिनरायन । प्रतिमा पूजन मुक्ति परायन ॥
मन वच सुमिरहु कुञ्जविहारी । रहै वैकुंठ सोह बनवारी ॥
पुरुषोत्तम पुरि वेगि सिधाओ । जगन्नाथ परसो घर आओ ॥
गया गोमती काशीथाना । तीरथ नहाय पुण्य परधाना ॥
निराकार निर्गुण अविनाशी । ज्योति स्वरूप शून्यका वासी ॥
ताहि पुरुषकर सुमिरहु नामा । तन छूटै पहुँचहु हरिधामा ॥

धर्मदास वचन

हो गुरुदेव पूँछो यक बाता । कोघ करि कहहु जनि ताता ॥
जीव रक्षक सो कहाँ रहाही । निराकार जिव भक्षक आही ॥
लक्ष जीव नित खाय निरंजन । तिया सुत ताहि करै बहु गञ्जन ॥
तीनो देव पड़े मुख काला । सुर नर मुनि सब करै विहाला ॥

बोधसागर

(२१)

नर बपुराकी कौन चलावै । कौनी ठोर जीव सचुपावै ॥
तीन लोक वैकुण्ठ नशायी । अस्थिर घर मोहिं देहु बतायी ॥
पाप पुण्य भ्रम जाल पसारा । कर्मबन्ध भरमे संसारा ॥
किरतम भजि जोइन नहिं छूटै । सत्यनाम विनु यम धरि लूटै ॥

रूपदास वचन

अहो धर्मदास हम चक्रित होही । यह कछु समुझि परै नहिं मोही ॥
तीनि लोकके कर्ता जोहै । तेहि भाषत हो जमरा सोहे ॥
ब्रह्मा विष्णु महेश गोसाई । तुम्ह तेहि कहहु काल धरि खाई ॥
तीनि लोकमें वैकुण्ठहिं श्रेष्ठा । सो सब तुम्ह मानहु निकुष्ठा ॥
तीरथ व्रत अरु पुण्य कमाई । तुम यमजाल ताहि ठहराई ॥
और अधिक मैं कहा बताऊँ । जो जानों सो नहीं दुराऊँ ॥
जिन्ह तोहि अस बुझि दिया भाई । तिनहीं कहैं तुम सेवहु जाई ॥

धर्मदास वचन

धर्मदास विनवैं कर जोरी । चूक ढिठाई बक्सहु मोरी ॥
हम तेही पद अब सेवैं जायी । जिन्ह यह अगम मोहि बतायी ॥
तुम हो गुरु उन सतगुरु मोरा । उन हमरे मन मैगल तोरा ॥
तुम्हहुँ गुरु वो सतगुरु मोरा । उन हमार यमफन्दा तोरा ॥
तुम्है गुण कीन्ह अभक्ष्य छुटावा । उन मोहि अलख अगम्य लखावा ॥
धर्मदास तब करी प्रणामा । मथुरा नगर पहुँचे निज धामा ॥
कैतिक दिन यहि भाँती गयऊँ । धर्मदास मन चिन्ता भयऊँ ॥
कैतिक दिवस यहि विधि बीता । धर्मदास चित बाढी प्रीता ॥
बहुत दिवस भो प्रभु नहिं आये । कीधौं केहि सेवक विलमाये ॥
एक दिवस प्रभु ध्यान लगाय । क्षोभित चित प्रसाद बनाय ॥
बढी प्रीति मन बहु बिरहावा । सुरति सनेह प्रसाद बनावा ॥
जिन्दा रूप धरी प्रभु आये । वृक्ष एक तर आसन लाये ॥
आसन अधर देह नहिं छाया । अविगति लीला गुप्त रहाया ॥

(२२)

ज्ञानप्रकाश

इत चौका महाँ अस भो भाई । बहु चिउँटी चूलहे झरकाई ॥
हरि हरि करि धर्मनि अकुलाने । महापाप लखि मनहिं भुलाने ॥
ततक्षण धर्मनि जिन्दहि हेरा । आये प्रसाद लेहु यहि बेरा ॥
जिन्दा आय ठाढ पुनि भयऊ । कर प्रसाद लै चिन्तवन कियऊ ॥
धर्मदास दीन्हेउ परसादा । तब जिन्दा पुनि कीन्ह समादा ॥

जिन्दा वचन

घात कियउ तुम जीव अनेका । सो प्रसाद ले मम शिर टेका ॥

धर्मदास वचन

जीव घात सुनि अचरज माना । हो जिन्दा तुम्ह कैसे जाना ॥
कवन जाव हम कीन्ही घाता । सो समुझाइ कहो मोहिं बाता ॥

जिन्दा वचन

अहो साहु कस धरहु छिपायी । चिउँटी चूलहा बहुत जरायी ॥
सुनि धर्मनि चित संशय आने । यह को आहि हृदय अनुमाने ॥
अगुन सगुन चित करे बढाई । मनही मन बहु अचरज पाई ॥
भात सबै चिउँटी तब भयऊ । बहु संशय धर्मनि मन ठयऊ ॥
सबै भात चिउँटी होइ बीता । बहुत संदेश धर्मनि हिय कीता ॥

धर्मदास वचन

हो जिन्दा में अचरज भयऊँ । लीला देखि थकित होय गयऊँ ॥
हो जिन्दा मैं पुछत सकाऊँ । दया करि तृष्णा मोरि बुझाऊँ ॥
चिउँटी सही जरी प्रभु हमते । सो अहछिट बहु अन्तर तुमते ॥
सो कैसे जानेहु तुम ताता । औ प्रसाद चिउँटी होइ जाता ॥
कौतुक देखि अचरजमुहि आवा । यह लीला तै जानि न पावा ॥

जिन्दा वचन

धर्मनि यह सतगुरुकी लीला । धन्यसतगुरुजिन्हरुयालकरीला ॥
जानहु सतगुरु नाम प्रतापा । भयो पपील सर जिवगत पापा ॥
सतगुरु नाम सुनत सुख माना । धर्मदास हिय हरष समाना ॥

बोधसागर

(२३)

धर्मदास वचन

जोरि पानि मैं पूछौं स्वामी । कहो कृपा करि अन्तर्यामी ॥
अहो साहेब नाम क आही । परचै नाम कहो मोहिं पाहीं ॥
अरु सतगुरु तुमका कहैं कहहुँ । हे प्रभु कौन देश तुम रहहु ॥

जिन्दा वचन

हो धर्मनि जो पूछेहु मोहीं । सुनहुँ सुरति धरि कहों मैं तोहीं ॥
जिन्दा नाम अहैं सुनु मोरा । जिन्दा भेष खोज किहैं तोरा ॥
हम सतगुरु कर सेवक आहीं । सतगुरु संग हम सदा रहाहीं ॥
सत्य पुरुष वह सत्यगुरु आहीं । सत्य लोक वह सदा रहाहीं ॥
सकल जीवके रक्षक सोई । सतगुरु भक्ति काज जिव होई ॥
सतगुरु सत्यकवीर सो आहीं । गुप्त प्रगट कोइ चीन्है नाहीं ॥
सतगुरु आ जगत तन धारी । दासातन धरि शब्द पुकारी ॥
काशी रहहिं परखि हम पावा । सत्यनाम उन मोहिं दढावा ॥
जम राजा कर सब छल चीन्हा । निरखि परखिभै यम सो भीना ॥
तीन लोक जो काल सितावे । ताको सब जग ध्यान लगावे ॥
निराकार जेहि वेद बखानै । सोई काल कोइ मरम न जानै ॥
तिन्ह कर सुत आहि त्रिदेवा । सब जग करै जो उनकी सेवा ॥
त्रिगुण जाल यह जग फन्दाना । गहै न अविचल पुरुष पुराना ॥
जाकर ई जग भक्ति कराई । अन्तकाल जिव सो धरि खाई ॥
सबै जीव सतपुरुषके आहीं । यम दै धोख फन्दाइस ताहीं ॥
प्रथमहि भये असुर यमराई । बहुत कष्ट जीवन कहैं लाई ॥
दूसरि कला काल पुनि धारा । धरि अवतार असुर सँधारा ॥
जीवन बहु विधि कीन्ह पुकारा । रक्षा करन बहु करै पुकारा ॥
जिव जानै यह धनी हमारा । दे विश्वास पुनि धरै अवतारा ॥
प्रभुता देखि कीन्ह विश्वासा । अन्तकाल पुनि करै निरासा ॥

(२४)

ज्ञानप्रकाश

कालै भेष दयाल बनावा । दया हृदाय पुनि घात करावा ॥
द्वापर देखहु कृष्णकी रीती । धर्मनि परिखहु नीति अनिती ॥
अर्जुन कहै तिन्ह दया हठावा । दया हृदाय पुनि घात करावा ॥
गीता पाठकै अर्थ बतलावा । पुनि पाछे बहु पाप लगावा ॥
बन्धु घातकर दोष लगावा । पाण्डो कहै बहु काल सतावा ॥
भेजि हिमालय तेहि गलाये । छल अनेक कीन्ह यमराये ॥
बहु गंजन जीवन कहै कीन्हा । ताको कहे मुक्ति हरि दीन्हा ॥
पतिव्रता वृन्दा व्रत टारा । ताके पाप पहन औतारा ॥
बलिते सो छल कीन्ह बहुता । पुण्य नसाय कीन्ह अजगूता ॥
छल बुद्धि दीन्है ताहिं पताला । कोई न लखै प्रपंची काला ॥
लघु सुरूप होय प्रथम देखाये । पृथिवीलीन्ह पुनि स्वस्तिकराये ॥
स्वस्तिकराइ तबै प्रगटना । दीर्घरूप देखि बलि भय माना ॥
तीनि परग तीनो पुर भयऊ । आधा पाँव नृप दान न दियऊ ॥
देहु पुराय नृप आधा पाऊँ । तो नहिं तव पुण्य प्रभाव नसाऊँ ॥
तेहि कारण पतालहिं दीन्हा । अन्धा जीव जल प्रगटन चीन्हा ॥
तब ले पीठ नपाय तेहि दीन्हा । हरि ले ताहि पतालै कीन्हा ॥
यहि चर जीव देखि नहिं चीन्हा । कहै मुक्त हरि हमको कीन्हा ॥
जाकर वचन थिर होवे नाहीं । औ पुनि जीव दया नहिं ताहीं ॥
तासो कहहु लाभ किमि होई । तेहि सेवै सो जाय विगोई ॥
औ हरिचन्द्र केर कस लेखा । धर्मदास चित करो विवेखा ॥
यती सती त्यागी भयऊ । सब कहै काल विगुरुचन लयऊ ॥
काहूकै व्रत हट नहिं राखा । ताकहै मुक्तिदाता जग भाखा ॥
स्वर्गहिं धोखा नरकहिं जाहीं । जीव अचेत छल चीन्है नाहीं ॥
पण्डो सम जग को व्रतधारी । नरक बास ताकहै ले डारी ॥
करण मोरध्वज सत्यव्रत धारी । ले कसनी ताहि दीन्ह विडारी ॥
भक्त अनेक जगत महीं भयेऊ । काहू कहै वैकुण्ठ न दयऊ ॥

बोधसागर

(२५)

नरक वास नहिं छूटै भाई । महा नरक भग जठर कहाई ॥
नरकते विष्णु छुटे नहिं पाये । जनम जनम जठरै भग आये ॥
जग अंधा हिय गम्य न कीन्हा । सबै आस ताही कर लीन्हा ॥
जिव अचेत हिय गम्य न करई । सबै आस वैकुण्ठहिं धरई ॥
विष्णु सरीखे को जग आही । बहु भगता किमि वरणो ताही ॥
तिन्ह वैकुण्ठ वास नहिं पाया । कर्महिं वसि पुनि नर्क भोगाया ॥
सो वैकुंठ चाहत नर प्रानी । यह यम छल विरले पहिचानी ॥
जस जो कर्म करै संसारा । तस भुगतै चौरासी धारा ॥
मानुष जन्म बडे तप होई । सो मानुष तन जात विगोई ॥
नाम विना नहिं छूटे कालू । बार बार यम नर्कहिं घालू ॥
नरक निवारण नाम जो आही । सुर नर मुनि लखन कोइ नाहीं ॥
ताते यम फिर फिर भटकावै । नाना जोइनि काल सतावै ॥
विरलै सार शब्द पहिचाने । सतगुरु मिलै सतनाम समाने ॥
छंद-सुनु धर्मदास सुजाना शब्द प्रमान सतगुरु जानहुँ ॥
सुरति निरति गहि ठाम चीन्हो अनूप अलच्छन मानहुँ ॥
सत्यनाम अराधहु मनहीं साधहु चतुर चोर जो मन अहैं ॥
मने अहैं निरञ्जन कोइ न चीन्है सुत्रवासी सब कहैं ॥
साखी-सुन्य सरूपी मन सोई, धर्मदास लेहु जानि ॥
रेख रूप वाको नहीं, जिन्दा शब्द प्रमान ॥
सोरठा-निरंकार निःरूप, परिचय वेद प्रकास इमि ॥
तिहुँपुरके सोइ भूप, नेति निगम यश गावहीं ॥

धर्मदास वचन

हे साहेब तुमको शिर नावा । तुमतो मोहि अलख लखावा ॥
समरथ नव चरनन बलि जावै । तुम्ह ते बहु परचै हम पावै ॥
उन साहेब सम तुमहू अहहू । वैसिहि बात तुमहु प्रभु कहहू ॥

(२६)

ज्ञानप्रकाश

मेव तीन दिव्य दरशन मोहीं । तीनों भेष मैं जानौं तोहीं ॥
सतगुरुप्रथम दरस मोहिदीन्हा । हम कहँ आय कृतारथ कीन्हा ॥
भेष छिपाय बहुरि ओहि आये । सार बात बहु मोहिं सुनाये ॥
तिसरे तुम्ह आयउ तन धारी । हम हैं तोहरे दरश भिखारी ॥
तुम्ह मोहिआय परमसुखदीन्हा । हम कहँ आय कृतारथ कीन्हा ॥
तुमतो प्रभु बहु सुख दीन्हा । तुमते प्रभु परिचय हम चीन्हा ॥
एक बात प्रभु कहहु बिलोई । कहहु दया करि धरहु न गोई ॥
चिउँटी बहुत जरी मम पाहीं । तुम प्रताप अघ पायो नाहीं ॥
औरौ कबहिं होइ जो ऐसी । हे प्रभु कहहु बने तब कैसी ॥
चेत अचेत पावैं तर परई । हे प्रभु दास कौने विधि तरई ॥

जिन्दा वचन

धर्मदास निःसंशय रहहु । सद्गुरुध्यान अस्थिरचित्त गहहु ॥
जानिके जीव कबहिं नहिं मारो । भरोंसा और दया उर धारो ॥
भरसक चूको नाहीं कबहु । सब जीवनकी रक्षा करहु ॥
साधू सेवा पर सरवस वारी । सेवा सन्त प्रीति चित धारो ॥
सन्त चरण कर अस परतापा । मेटै दोष दुख करमज दापा ॥
साधू सेवा जीव जन धारो । नाम ध्यान धरि काज सँवारो ॥
साधू सेवा चित देइ करई । जीवन मुक्तिसो भव जल तरई ॥
तीर्थ व्रत बहु कम्म कगहीं । सत्यभक्ति विनु तरे जिव नाहीं ॥
कोटि तीर्थ सन्तन्हपद वासा । अंधा जीवहि नहिं विश्वासा ॥
सन्त जाहि घर चरण पखारा । भूत पिशाच होये सब न्यारा ॥
नौग्रह कर वसि नहिं चलई । सब विघ्न सदा सो टलई ॥
जेहि घर संत चरण परछालैं । सन्त उछिष्ट जाहि घर डालैं ॥
ताकर फल कछु वरणि न जाई । जाहि गहि विश्वास करै सेवकाई ॥
गुरु चरणोदक नित प्रीतिसे लेई । निहचै लोक पयान देई ॥
गुरुमुख कणिक प्रीतिसे पावै । ऊँच नीचकै भरम मिटावै ॥

बोधसागर

(२७)

गुरुमुख सती महा परसादा । पावत मेटे करमकर फाँदा ॥
गुरु हैं ब्रह्म अखण्ड अमाने । गुरु कहैं नहिं मानुष कर जाने ॥
गुरुते द्रोह तजे विष बादा । गुरु निन्दा नहिं पावै स्वादा ॥
नाम पान चरणोदक सीते । कहैं कबीर भक्ति दृढ रीते ॥
गुरु सेवा संतन सनमाना । दया धर्म ले मोक्ष अमाना ॥
जग महे जीव घात बहुतेरे । जीव घात शिर पाप घनेरे ॥
दया न गुणै करै जिव घाता । खेलि शिकार मगन मदमाता ॥
मारि मारि तन करै अहारा । जीव दया नहिं करै गवँरा ॥
जिव घातिक बहुते दुख पावै । जनम जनम तेहि काल सतावै ॥
कागदेह धरि निरघिन खाहीं । जनम अमित तेहि विष्टा माहीं ॥
झूकर स्वान जनम पुनि पावै । मीन मांस मद जाकहैं भावै ॥
साधु देव भक्ष अंकुर आहीं । मीन मांस मद राक्षस खाहीं ॥
कोटिक जप तप पुण्य कमावै । दया विना नर मुक्ति न पावै ॥

छंद-जप योग दान विधान बहु विधि करै कर्म अनेक हो ॥

सत कोटि तीर्थ भूमि परिकरमा करि न पावै थेक हो ॥

जौ लौं दया नहिं जीवको तो सबहि कर्म असार हो ॥

कोई लखे सज्जन जो हरि मैं कह्यों शब्द पुकारि हो ॥

साखी-जीव दया चित्त मों धरै, तजे अभक्ष्य अहार ॥

हंस दया धरि नाम गहि, उतरे भवजल पार ॥

सोरठा-सत्यनाम गुण गाय, गही माधु सेवा करै ॥

सहज परमपद पाय, सो सतगुरुपद विश्वास धरि ॥

चौपाई

जहां फूल तहैं आवै बासा । जहां साधु तहैं प्रभुकर बासा ॥

एक तत्त्व मन गुनि नाम समावै । दया क्षेम सत्य मन भावै ॥

गुरु औ साधु सेवा चित लावै । सत्यनाम गहि लोक सिधावै ॥

सत्यनाम सो विनसै नाहीं । त्रिगुण जालते न्यार रहाहीं ॥

(२८)

ज्ञानप्रकाश

त्रिगुण त्यागि चौथा पद भेटे । तब जरा मरणकी संशय मेटे ॥
चौथा पद सत्यनाम अमाना । विरला पाइ करै पद ध्याना ॥
सत्यनाम है सार अनुपा । प्रेम प्रीति गुरु दरस सरूपा ॥
काह भये यह अंगुरीके देखे । जो नहिं शीश दरश प्रभु पेखे ॥
काह भये ठठिया के भेटै । शीश दरश विनु भरम न मेटै ॥
नख सिख सत्पद दरश जबहीं । सो जिव जठर न आवै कबहीं ॥
निश्चै सत्य पर रहै समाई । कर्म भर्म तजि जिव दुरि ताई ॥
सत्यपद जिन एकहि मन लाया । शीश दरश निज निश्चै पाया ॥
सुरति निरति सत्यगुरुपद परसै । षोडश भानु चन्द्र छबि दरशै ॥
सुधापान सिंधासन सारा । हंसन्ह मिलि सुख बड़ा अपारा ॥
पुरुष दरश लोचन छकि जायी । पुरुष वचन शुभ घ्रान अघायी ॥
अन्धकार तहवाँ नहिं होई । सदा अँजोर अमरपुर सोई ॥
दीप असंख्य तहँ गणिन सिराहीं । हंसा निश्चल राज कराहीं ॥
निराकार यम तहाँ न जाई । तिरदेवनकी कौन चलाई ॥
सतगुरु शरण गहहिं जो कोई । ताहि देसको पहुँचे सोई ॥
जब राजा सो तिनुका मूटै । पाप पुण्य कै आशा छूटै ॥
तबहीं सत्यगुरु शब्द मन जूटै । जन्म मरणका संशय छूटै ॥
असुर भक्ष सो रहै निनारा । तजि असंग सत्संग बिचारा ॥
विरले हंस निःसंशय होई । दृढ़ प्रतीति नाम गहे सोई ॥
गुरु कहैं सत्यपुरुष सम जाने । सन्त कहैं गुरु सम करि मानै ॥
होइ निःकपट चरण गुरुआशा । सदगुरु नाम गहै विश्वासा ॥
निराधार सतनाम अधारा । शब्द सुरति जगबंध विचारा ॥
कर्म भर्म सो न्यारा होई । गुरुपद राखै सुरति समोई ॥
बहु विधि ज्ञान गुरुते पावै । यमका फन्दन सोई कटावै ॥
यमके फन्द कटे सुख होई । पशुआ हो नहिं पावै सोई ॥
गुरुका शब्द सुने जो काना । करे विचार बहुत परमाना ॥

बोधसागर

(२९)

काल रूप धरि गुरु कहावै । करि पारख तासो हरिजावै ॥
अन्धविश्वास जगतसो सोवै । जाय नरक पुनि मूलहु खोवै ॥
निरखि परखिकै शरणै जावै । अगम निगम सब सोई जनावै॥
रहै अजाचक नामलौ लाई । जीव दया सन्तन सेवकाई ॥
निजआतमसम सबही जानौ । प्रेम प्रीतिसे सेवा ठानौ ॥
परमारथकी भिक्षा करिये । गुरु साधुन आज्ञा अनुसरिये॥
अभ्यागत आतम सम जाने । साधुनाम सद्गुरु सहिदाने ॥
छंद-गुरुसाधु महिमा अमित अगम अपार पारनहिं कोऊ लहै॥
त्रीदेव दश औतार हरि गुरु साधु पद रज तेऊ चहैं ॥
सनकादिक सुरनरमुनि सिद्धि ज्ञानीसाधु गुरु आतित रहै॥
हरि आपु मुख महिमा प्रकाशें निगम अस्तुति नित कहै ॥
सारखी-अस नर पाँवर अन्धमति, हृदय न करहिं विचार ॥
गुरु सन्तन्ह पद सारतजि, विष वेली प्रतिपार ॥
सोरठा-सुत नारी हित प्रान, गुरु सन्तन्ह सो चातुरी ॥
जब यम बाँधै तान, तब पछितावहि सुगुध नर ॥

धर्मदासवचन-चौपाई

धन सतगुरु धन तुमरी बानी । मोहिअसअधमदीन्हगतिजानी
अब साहब मोहि आपन करहु । मम शिरचरणसरोरुह धरहु ॥
मैं आपन दिन शुभकरि जाना । तोहरे दरश मोक्ष परमाना ॥
अब अस दया करहु दुखभञ्जन । कबहुँमोहिनधरिपाव निरञ्जन॥

जिन्दा वचन

अहो धर्मदास दरश तुम पावो । शब्द गहे होय जिवमुक्तावो ॥
यमफन्दा तब निश्चै छूटै । जब यमरासो तिनका टूटै ॥
अमीअंक परवाना पावै । सुमिरण नामध्यान चितलावै॥
हियते और आस सब छोडे । सद्गुरु चरण नेह चित माडे ॥

(३०)

ज्ञानप्रकाश

नाम कबीर जपो दिनराती । तजहुकर्म भ्रमअरु कुलजाती ॥
प्रतिमा धोखा दूरि बहावो । आतम पूजा नाम चितलाओ॥
पीतर पाथर दूरि बहाऊ । सद्गुरु सन्त सेवा चित लाऊ॥
तब जमरा तोहीं नहिं पाई । नाम प्रताप काल सुरझाई ॥
होइहैं जीव काज तब तोरा । निश्चै वचन मानु दिठ मोरा ॥

धर्मदास वचन

हे साहब मैं तब पग धरऊँ । तुम्हते कछु दुबिया नहिं करऊँ॥
अब मोहि चिन्हि परायम बाजाँ । तुम्हते भयउ मोर मन राजी ॥
मोरे हृदय प्रीति अस आई । तुम्हते होइहै जिव मुक्ताई ॥
तुमहीं सत्यकबीर हो स्वामी । कृपा करहु तुम अन्तर््यामी ॥
हे प्रभु देहु प्रवाना मोहीं । यम तृण तोरि भजौ मैं तोहीं॥
मोरे नहीं अवर सो कामा । निसिदिन सुमिरों सद्गुरु नामा ॥
पीतर पाथर देव बहायी । सद्गुरु भक्ति करब चितलायी ॥
अरपौं शीस सर्वस सब तोहीं । हे प्रभु यमते छोडावहु मोहीं॥
सन्तन्ह सेवा प्रीति सों करिहैं । वचन शिक्षापन निश्चय धरिहैं॥
जो तुम्ह करहु करब हम सोई । हे प्रभु दुतिया कबहुँ नहिं होई॥

जिन्दा वचन

सुनु धर्मनि अब तोहीं मुक्ताओ । निश्चै यमसों तोहिं बचाओ ॥
देइ परवाना हंस उबारो । जनम मरण दुख दारुण टारो ॥
ले प्रवाना जो करै प्रतीती । जिन्दा कहै चले यम जीती ॥
अब मोहि आज्ञा देहु धर्मदासा । हम गवनहि सद्गुरुके पास ॥
सद्गुरु संग आइब तव पाहीं । तब परवाना तोहि मिलाहीं ॥

धर्मदास वचन

हे प्रभु अब तोहिं जाने न देहौं । नहिं आवो तो मैं पछितैहौं ॥
पछताइ पछताइ बहु दुख पैहौं । नहिं आवहुतो प्राण गवैहौं ॥
हाथके रतन खोइ कोइ डारे । सो मूरख निजकाज विगारे ॥

बोधसागर

(३१)

मोरे प्रान पियारे तुम्ह हौ । केहि कारण अनत लेजे हौ ॥

कबीर साहबका तीसरी बार गुप्त हो जाना और धर्मदास साहबकी व्याकुलता

यह कहि धर्मदास पल लाऊँ । जिन्दा गुप्त भये तेहि ठाऊँ ॥
धर्मदास पुढुमी परु हारी । सद्गुरु कहैं बहु कीन्ह गोहारी ॥
मोहिं समको जग आहि अभाग । छुटे नदेह ठगौरी लागा ॥
जिमीभुअँग मणि जाइ हेराई । विकल फिरहिं जित तित बिललाई ॥
उहै हाल सद्गुरु विनु मोरा । कत पल दियेउ मन्द मति मोरा ॥
काह करौं कित दर्शन पाऊँ । बिनु दर्शन मैं प्रान गवाऊँ ॥
कीन्ह विवेक मन धीरज दीन्हा । मन महाँ पकर एक पुनिकीन्हा ॥
करौं महोत्सव संत अवराधौ । तब दर्शन देहिं पुरुष अनादी ॥
साहेब सन्त सनेही आहीं । सन्तन तजि वह अंत न जाहीं ॥
असहिय ठानि भवन चलि गयऊ । सन्त प्रसादको चितवन कियऊ ॥
संत धाम जहाँ लगि गम पावा । तहां तहां विनती नेवति पठावा ॥
छन्द-दिन अवधि वाही जुरन लागे बहु भेष पहुँचे आयहो ॥
दीहुँ जुथथि सेज आश्रम कीन्ह विनती जाइ हो ॥
दे भाव भोजन गमनिरश्वहिं सकल भेष अलेखही ॥
सबहिं निरखहिं सुरति परखहिं हृदय समाह विवेकही ॥
दोहा-पान सुपारी हाथलै, करहिं दण्डवत जाय ॥
भेषन सो चित विलखिके, पूछहिं मन परिचाय ॥
सोरठा-तुम्ह हो सन्त सुजान, निजदासन्ह सुख देतुहौ ॥
सत्य पुरुष सहिदान, सत्य लोक महिमा कहो ॥

बेष मता वर्णन

जोपाई

कोई कहै त्रिदेव अवराधौ । कोई कहै व्रत करि तन साधौ ॥
कोई कहै करु प्रतिमा सेवा । कोई तीरथ कोई जपत प भेवा ॥

(३२)

ज्ञानप्रकाश

कृत्रिमभक्ति जो सबै दृढावै । सत्य सारपद नाहि बतावै ॥
तब अकुलायसंसाथरि जोये । प्रगट नहीं गुप्तहिं हिय रोये ॥
प्रति आश्रमगम्यउठी निरासा । जिततितचितवहिं धर्मनिदासा ॥
पुनि चितवनउत्तरदिशिकीन्हा । मूरति एक भिन्न तहैं चीन्हा ॥
धमदास तहैं बेगि सिधाये । प्रथम रूपको दरशन पाये ॥
धायचरणगहि अति अदरागा । बुन्दपाय चात्रिक जिमि पागा ॥
गुरु पद पायप्रीति चित जागा । होसतगुरु मोहिं कीन्ह सुभागा ॥
धाये चरणनगहिअति अनुरागा । युगपदगहेउ प्रीति चित लागा ॥
करगहि दास उठायेउ स्वामी । सुधा वचन कह अन्तर्यामी ॥

सतगुरु वचन

धर्मदास तुम्ह हंस सुहेला । मोहिं दरश कह कीन्हेउ मेला ॥
इच्छा सफल भइ सुन तोरा । अब तुम्ह दरशन पायउ मोरा ॥

धर्मदास वचन

हे प्रभु जौ दर्शन नहिं पावत । तौ हम निश्चै प्राण गवाँवत ॥
अब प्रभु कीजे कृपा तुरंता । दीजे बीरा अविचल संता ॥
यमसे तितुका बेगि तोराओ । वन्दी छोरि मोहिं सुकताओ ॥

सतगुरु वचन

सुनुधर्मनि जो कहो सो मानो । तजि संशय धीरज चित आनो ॥
करहु जाय सन्तनसनमाना । ता पीछे दैहों परवाना ॥

धर्मदास वचन

हे प्रभु कहो सोई हम माने । करब जाइ सन्तन्ह सनमाने ॥
हे प्रभु जौ कतहुँ अब जाहू । तौ जीवित नहिं पइहौ साहू ॥

सतगुरु वचन

हे धर्मनि सुनहु मम बानी । कतहुँ न जाब सत्य हियजानी ॥
करि प्रमान चितवत चलु पाछे । जौ नटनिरत सुघरता काछे ॥
जाय कीन्ह सन्तन सनमाना । यथा शक्ति पूजा परधाना ॥

बोधसागर

(३३)

विदा कीन्ह सन्तन्ह करजोरी । वरुशाहु जो हमरी भइ खोरी ॥
सब सन्तन निज धाम सिधाये । धर्मदास सद्गुरु पहाँ आये ॥

धर्मदास वचन

कहे धर्मनि सुनु दीनदयाला । आतुर छोड़हु बन्ध कृपाला ॥

सतगुरु वचन

धर्मनि जो चाहहु परवाना । आनहु आरति साज मुजाना ॥

धर्मदास वचन

अहो साहब कस आरतिसाजा । सो भाषहु आतुर जिवकाजा ॥

सतगुरु वचन

धर्मनि चहिये नारियर पाना । मेवा सो अष्ट कह मिष्ठाना ॥
चन्दन चौकसुगन्धि कराओ । कलशा पछौ पञ्च धराओ ॥
गोघृत वसन सकल शुभ चाहू । साजि थार पुनि आरतिबारू ॥
सिंघासन पुनि सेत बनाओ । झारी दल कपूर मेराओ ॥
श्वेत पुहुष केदली पनवारा । आनि वेगि जनि लावहुवारा ॥
रतना कंदइननगर महाँ आहीं । गुड़ मिष्ठान्न तिनहिं कर चाहैं ॥
धावहु वेगि तुरति ले आवहु । आनहु वेगि वार जनि लावहु ॥

धर्मदासजीका रतनासे मिलना

छन्द-पदकंज टेकयो चले विचारत कहाँधौँ रतना अहे ॥
कहँ पूँछि लीजे भवन उनकै निज हिये गुनता रहै ॥
तहँ आय रतना ठाढ़ि भयी मिष्ठान्न ले कर जोरि कै ॥
भो साहु येहु प्रसाद लीजै नाम रतना मोर है ॥
दोहा-धर्मदास रह सकुचि चित, यह तो अचरज बात ॥
हो माता किमि जानेउ, कहहु सोइ विरुयात ॥

रतना वचन

सोरठा-सुनु धर्मनि हम नाहिं, यह लीला सद्गुरु कियो ॥
हम उन सेवक आहि, जिन्ह तोहि शब्द चेताइया ॥

नं. ४ कबीर सागर - ५

(३४)

ज्ञानप्रकाश

धर्मदास वचन-चौपाई

लेहु दाम धन्य हो तुम माता । एक प्रान देखिये दुइ गाता ॥

रतना वचन

अहौ धर्मदास कसमोल बताओ । उन्हको तन मनवेगि सिधाओ ॥
ओरौ बस्तु लेहु अतुराई । गवनहु वेगि सुनहु गुरु भाई ॥
चलिभै धर्मदास पुनि तबहीं । रतना आकर भाष्यो जबहीं ॥
लीन्हवस्तु पुनि सकल सम्हारी । धनी पहाँ सब जाय सवाँरी ॥
लै साहबके सनमुख राखे । साजुथार अस आयसु भाखे ॥

सतगुरु वचन

चौका सवाँरि थार रचि धरेऊ । सब विधान आज्ञा सम करेऊ ॥
साहेबके पुनि चरण पखारा । चरण पखारि आसन बैठारा ॥
आसन बैठिके सुमिरन कीन्हा । नारियर मोरि अंशगहि लीन्हा ॥
सत्य सुकृत कई मालुम कीन्हा । तब त्रिन तोरिपरवाना दीन्हा ॥
लै नारियर प्रसाद मुख माना । धर्मदास चित हर्ष समाना ॥
प्रेम सहित चरणोदक लीन्हा । मुख महाँ डारि मिठाई दीन्हा ॥
सात दण्डवत तत्क्षण कीन्हा । हृदयमाहिं गुरु रूप गहि लीन्हा ॥
दण्डवत सात धनी कई कीन्हा । शब्दसुरतिपुनिचितगहि लीन्हा ॥
सात दण्डवत कीन्हा जबहीं । माथे हाथ दियौ प्रभु तबहीं ॥
धर्मदास चित हर्ष समाना । उपज्यो हिरदै निरभै ज्ञाना ॥
सद्गुरुकी जब सुरति समानी । विनश्योकरम भरम यमखानी ॥
सद्गुरु पद जबहीं अस्थापा । उदित ज्ञान पद रज परतापा ॥

धर्मदास वचन

हे साहेब जो आज्ञा कीजे । प्रतिमा मूर्ति काहु कई दीजे ॥
गुरुते अधिक कौन है देवा । अब हम करब तुम्हारी सेवा ॥

बोधसागर

(३५)

सद्गुरु सम नहि देखौ आना । पूजि शिला मम जन्म सिराना ॥
कबहुँ न कहेसि मुक्ति उपदेशा । तुम्ह मेटेउ मम काल कलेशा ॥

सतगुरु वचन

धर्मदास यह चित गहि धरहु । प्रीति सो साधु सेवा अनुसरहु ॥
पीतर पातर पूजहिँ अन्धा । जो गुरु ज्ञानहीन मति मन्दा ॥
प्रभु कहँ शिलारूप करि देखै । ताकर जीवन जन्म अंलेखै ॥
शिला माहि जो सुरति लगावै । तन धन शिलारूप सो पावै ॥
जहाँ आशा तहाँ बासा होई । ताकहँ मेटि सकै नहिँ कोई ॥
चकित वृषभ ज्ञात बिनु ग्रानी । जित जित भेटे नहिँ पहिचानी ॥
ज्यों कन्या रह पिता अवासा । कौतुक करहिँ पूजहिँ मन आशा ॥
भयेउ वर कन्या कर व्याहा । तब सब तजेउ मिलेउ जब नाहा ॥
बिना खसम कस आस बुझाई । अस प्रतिमाकी पूजा भाई ॥
जबलौँ ज्ञान न हिये समायी । तब लगि धोखा भरम रहे छायी ॥
जब गुरु पूरा मिले मतिसारा । उदै ज्ञान रविछपित होय तारा ॥
जब उजियार होय घर भाई । धोखा भरम तब सहज नसाई ॥
ताते गुरुपद सुरति समाओ । सतगुरु ध्यान अभैपद पाओ ॥
गुरु ते अधिक न कोई ठहरायी । मोक्षपथ नहिँ गुरु बिनु पाई ॥
राम कृष्ण बड तिहुँपुर राजा । तिन गुरु बंदि कीन्ह निज काजा ॥
देवैकृष्णी मुनिवर शुंक शेषा । सबही बन्दै गुरु चरण सुरेशा ॥
तन धरि करहु न गुरु कहँ मेटा । गुरु गमि सबै साहुपद भेटा ॥
मूर्ख जीव कर गुरुहिँ अकेला । बिनु गुरु जगत कालको चेला ॥
गुरु बिनु सार ज्ञान नहिँ पायी । ज्ञान विना नहिँ आपु चिन्हायी ॥
जौँ हिय आपु आप गमि नाहीं । तौँ लगि जीव भव भटका खाहीं ॥
सो गुरु सत्य जो सार चिन्हावै । यम बन्धन ते जिव सुकतावै ॥
धर्मनि तुम्ह मम शब्द बिचारो । सरवमई यक ब्रह्म निहारो ॥

१ वृथा किसी लेखामें नहीं २ नारद ।

(३६)

ज्ञानप्रकाश

बोलत घट महाँ ब्रह्म अखण्डा । रोमहिं रोम गरजे ब्रह्मण्डा ॥
जो बोले सो कबहिं न मरई । गन्दा तन नर सरि गलि जरई ॥
ब्रह्म देह धरि जीव कहावै । पाँच स्वाद रति सो दुख पावै ॥
निज घर डोरी छूटै भाई । जीव रहे यमफन्द अरुझाई ॥
सदगुरु मिले डोरि घर पावै । पाँचन्ह कर परपञ्च नसावै ॥
आपुहि जीव ब्रह्म है भाई । गुरु परिचय बिन लखो न जाई ॥
निः अक्षर लख तत्त्व विदेही । सत्यनाम गहि मिलै सुख तेही ॥
जौं लहि तन महाँ ब्रह्म सुरंगा । तब लगि रहै तन मन बहुरंगा ॥
यंत्री ब्रह्म यंत्र तन आही । यंत्री विनु नहीं यंत्र बजाही ॥
परिचै ब्रह्म दया चित लावै । सदगुरु सेह परम पद पावै ॥
पूजहु सरजिव साधु अमोला । लहहु अभयपद निश्चय लोला ॥
छंद-परसि देखहु श्रेष्ठ वानी शास्त्र सुस्मृति मत घना ॥
जिन्ह साधु सेवा कीन्ह तिन्ह लीन्ह अभैपद सुखसना ॥
योग यज्ञ आरम्भ कीन्हों ते गये पुनि हारि हो ॥
गुरु भक्ति अरु सतसंग कीन्हो ते चले कुल तारि हो ॥
दोहा-महिमा अनित साधु गुरु, समझहु सन्त सुजान ॥
पाहन सेवत भरम वश, बूडे सकल जहान ॥
सोरठा-साहब सन्तन पाहिं, जो सेवै सो भव तरे ॥
करम भरमके माहिं, जाय विगुरचे जीव बहु ॥

धर्मदास बचन-चोपाई

हो साहब तव पद शिर नाऊँ । तब पद परसि परमपद पाऊँ ॥
केहि विधि आपन भाग सराही । तुम बरत गहैं भाग पुनि ताही ॥
कोधो मैं शुभ करम कमाया । जो सदगुरु पद दर्शन पाया ॥

सतगुरु बचन

धर्मनि सुनो आपनी करनी । तुम सुकृत आये जिव तरनी ॥
पुरुष पठाये जीवन काजा । तुम पर कला कीन्ह यमराजा ॥