आल्हा-खण्ड / परमाल रासो (महाकवि जगनिक - ५२ लड़ाइयों का ऐतिहासिक वीरगाथा महाकाव्य)

नदीबेतवाकासमर । ४६६ ७ सुर्खा जावैं शशाचालपर तुर्की तीतर के अनुहार ॥ भाला बलछी छुरी कटारी लीन्हे चढ़े ढाल तलवार ५८ अंगद पंगद मकुना भौंरा सजिगे श्वेतवरण गजराज ॥ धरी अँबारी तिन हाथिन के बहुतन हौदा रहे बिराज ५६ आदि भयंकर हाथी ऊपर पिरथीराज भये असवार ॥ तीरकमानै अनगिन्ती लै लीन्ही फेरि ढाल तलवार ६० छुरी कटारी भाला वरछी लीन्हे सबै नृपति हथियार ॥ घोड़नाम दलगंजन ऊपर ताहर आगे राजकुमार ६१ ढढ़ी करखा बोलन लागे विप्रन कीन वेद उच्चार ॥ औरि बयरिया डोलन लागीं औरै होनलाग ब्यवहार ६२ मारु मारु कै मौहरि बाजी बाजी हाव हाव करनाल ॥ खर खर खर खर कै रथ दौरे रब्वा चले पवनकी चाल ६३ घोड़ा हींसैं हाथी चिघेरैं बैगा अन्धधुन्ध त्यहिबार ॥ डेढ़ लाख दल पैदल लीन्हे राजा दिल्ली का सरदार ६४ डगमग डगमग धरती डोली देवता झाँकि गये असमान ॥ देवी देवता पृथ्त्री वाले चक्रित भये देखि चौहान ६५ को गति बरणै त्यहि समया कै जा क्षण चला पिथौराजवान ॥ लाली लाली आँखी कीन्हे गजभरि छातीका चौहान ६६ जहाँ हैं फौजैं लखराना की प्यारो पूत कन्नौजी क्यार ॥ मीराताल्हन बनरस वाला सिर्गा घोड़े पर असवार ६७ धनुवाँ तेली है घोड़े पर बारह कुँवर बनौधा केर ॥ चारौराजा गाँजर वाले तिनते कहा कन्नौजी टेर ६८ आई फौजैं पृथीराज की यारो वेगिहोउ हुशियार ॥ इतना सुनिकै कनउन वाले बोले सबै शूरसरदार ६६

८ आल्हखण्ड । ५०० हुकुम लगावो अब तोपन को गोलंदाज होयें तय्यार ॥ लखि अस मर्जी सरदारन की लाखनिहुकुमदीनत्यहिबार७० लै लै थैली बारूदन की सो तोपनमा दई डराय ॥ गोला छूटे दुहुँ तरफा के हाहाकार शब्द गा छाय ७१ लागै गोला ज्यहि हाथी के मानो चोर सेंधि कैजाय ॥ जउने ऊंट के गोला लागै तुरतै गिरै सार अललाय ७२ लागै गोला ज्यहि घोड़ा के मानो मगर कुल्याचै खाय ॥ गोला लागै ज्यहि क्षत्री के धुनकतरूईसरिसउड़िजाय ७३ जउने रथमा गोला लागै बिजली गिरै वृक्ष जस आय ॥ तैसे चूरण करि स्यन्दन को पहियाधुरी देय अलगाय ७४ फूटै गोला जब ठुकरे मा बिथरैं पाँच खेतलों भाय ॥ गोली निकरैं तिन गोलन ते ओलनसरिसजायँतहँछाय ७५ बोलि न पावैं कोउ ठाकुर तहँ चुप्पे भूमि देयँ पौढ़ाय ॥ बड़ी दुर्दशा भै तोपन मा तब फिरि मारु वन्दहैजाय ७६ दुनों गोल आगे को बढ़िगे रहिगा डेढ़ खेत मैदान ॥ भाला वलछी की मारुन मा व्याकुलभये सिपाहीज्वान७७ शुण्डा कटिगे हैं हाथिन के रुण्डन हैगा ऊंच पहार ॥ कङ्का कटि कटि गिरैं बछेड़ा घैहा होन लागि सरदार ७८ गंगा ठाकुर कुड़हरि वाला पूरन पटना का सरदार ॥ देवी मरहटा दक्षिण वाला अंगदनृपतिग्वालियरक्यार७९ हिरसिंह विरसिंह बिरिया वाले इनके साथ करें तलवार ॥ भुरा मुगलिया काबुल वाला सय्यद बनरस का सरदार ८० धौंधू धनुवाँ का मुर्त्ता है औ दतियाके बंशगुपाल ॥ चिंता ठाकुर रुसनी वाला गुरखा नृपति शहरबंगाल ८१

नदीबेतवाकासमर । ५०१ ६ कालनेमि औ परसू, सिंहा, ताहर साथ सबै सरदार ॥ भूरी हथिनी सों लखराना। गरुई हाँक कीन ललकार ८२ कौन बहादुर है दिल्ली का रोंकै बाट हमारी आय ॥ इतना सुनिकै ताहर जरिगे बोले सुनो कनौजीराय, ८३ तुम्हरे घरते संयोगिनि को दिल्ली वाले लये लिवाय ॥ वई बहादुर पृथीराज हैं गाँस्यनिनगरमोहोबाआय ८४ काह हकीकति कनवजिया कै जो अब धरै अगारी पायँ ॥ हुकुम पिथौरा का नाहीं है ताते कूच देउ करवाय ८५ इतना सुनिकै लाखिनि बोले ताहर काह गये बौराय ॥ लैकै बिटिया चेरी घरकै रानी कीन पिथौराराय ८६ एकतो बदला है चेरी का दूसर साथ बनाफर क्यार ॥ कसरि न राखै दिल्ली वाले ठाकुर घोड़े के असवार ८७ इतना कहिकै लाखनि राना मारन लाग ढूँढ़ि सरदार ॥ भूरी हथिनी का चढ़वैया नाती बेनचकवै क्यार ८८ जैसे भेड़िन भेड़हा पैठै जैसे अहिर बिडारै गाय ॥ तैसे पैठ्यो लाखनि राना कोऊ शूर नहीं समुहाय ८६ कायर भागे दुहुँ तरफा ते सायर खूब करैं तलवार ॥ यहु दलगंजन का चढ़वैया ताहर दिल्ली राजकुमार ६० बहुदल मारै रजपूतन का नंदिया बही रक्तकी धार ॥ छूरी मछली के समसोहैं ढालैं कछुवाके अनुहार ६१ बहैं लहाशैं जो मनइन की तिनपर चढ़े गृद्ध विकराल ॥ बार सिवारा समसोहत हैं चहुँदिशिसोहैंश्वानशृगाल९२ बहै अपारा शोणित धारा मज्जन करैं भूत वैताल ॥ को गति बरणै त्यहि समया कै कागन भई टोंट सब लाल ६३

१० आल्हखण्ड।५०२ तीनि सै हाथी के हलका मा अकसर परे कनौजीराय ॥ देखन लागे चौगिर्दा ते कोउनहिंअपनपरौदिखराय ६४ जितने आये चढ़ि कनउज ते ते सब हटे समर ते भाय॥ मीरा सय्यद धनुवाँ तेली दूनों दीन्हेनि समर वराय ६५ सुफना बोला तब लाखनि ते मानो कही कनौजीराय ॥ सबदल हटिगाहै कनउज का इकले आप रहे मड़राय ६६ हुकुम जु पावैं महाराजा का हथिनी देवैं तुरत भगाय ॥ छुवै न पावैं दिल्ली वाले राजन साँच दीन बतलाय ६७ इतना सुनिकै लाखनि बोले सुफना काह गये बौराय ॥ कहा न माना हम जयचंद का हटका मातु हमारी आय ६८ अब जो भागैं समर भूमि ते तौ रजपूती धर्म नशाय ॥ अमर न देही रामचन्द्र कै ना रहिगये कृष्ण यदुराय ६६ जो कोउ जनमाहै दुनिया मा निश्चय मरै एक दिन भाय ॥ जितने जावैं मरि दुनिया ते पैदा होयँ तड़ाका आय १०० यामें संशय कछु नाहीं है गीता पाठकीन अधिकाय ॥ सुनिकै बातें लखराना की नीचे गयो महाउत आय १०१ फूल पियायो त्यहि भूरी को पक्का पौवा भाँग खवाय ॥ गोटा दीन्ह्यो इक अफीम का ऊपर चढ़ा तड़ाकाधाय १०२ बोला महाउत फिरि लाखनिते ओ महराज कनौजीराय ॥ चारों तरफा दल वादल सों क्याहिदिशिहथिनीदेवैंबढ़ाय १०३ सुनी महाउत की बातें जब बोले फेरि कनौजीराय ॥ ऐसी हाथी हैं पिरथी का भारी ध्वजा रहा फहराय १०४ चलौ तड़ाका दिशि याही को सुफना साँच दीन बतलाय ॥ किरपा ह्वैहै नारायण की पैबै विजय समरमें भाय १०५

नदीबेतवाकासमर। ५०३ ११

सुनिकै बातें लखराना की सुफना हाथी दीन बढ़ाय ॥ अक्सर लाखनि के जियरेपर चहुँदिशिफौजरहीमड़राय १०६ साँकरि फेरै भूरीहथिनी सबदल हटत पछारी जाय ॥ मारत मारत लाखनिराना पहुँचे जहाँ पिथौराराय १०७ आदिभयंकर गज के भूरी मस्तक हना तड़ाकाधाय ॥ आदिभयंकर पाछे हटिगा तब पहिचिना पिथौराराय १०८ लैकै माला गल अपने सों सो लाखनिको दीन पहिराय ॥ जैसे लड़का रतीभान के तैसे पूत कन्नौजीराय १०६ घाटि न जानैं हम ताहरते ओ महराना बात बनाय ॥ तुम अब आवो हमरे दलमा मोहवाशहर लेयँ लुटवाय ११० पारस पत्थर को तुम लीन्ह्यो लोहाछुवत स्वान ह्रैजाय ॥ कहा न मानो तुम ऊदन का घटिहा बंश बनाफरराय १११ खुनस जो मनिहैं तुमतेतनको कनउज शहर लेयँ लुटवाय ॥ बेनचकवै के नाती हौ चाकर साथ कन्नौजीराय ११२ तुम्हरी हीनी नीकि न लागै ताते साँच दीन बतलाय ॥ सुनिकै बातें पृथीराज की बोला फेरि कन्नौजीरायं ११३ चढ़िकै आयन ऊदन सँगमा ना अब घाटि करैं महराज ॥ पारस पत्थर कै गिन्ती ना जो मिलिजाय इन्द्रको राज ११४ तबहूँ लाखनि कहि बदलैंना ओ महराज पिथौराराय ॥ बदला लेवे संयोगिनि का ताते गयन यहाँपर आय ११५ सुनिकै बातें लखराना की माहिल बोला बचन उदार ॥ गहौ कमानियाँ अब हाथे सों राजा दिल्ली के सरदार ११६ डारि कमानियाँ गल लाखनिके अबहीं कैदलेउ करवाय ॥ ओठे मुखकी ई बातें ना जैसे कहै कन्नौजीराय ११७

१२ आल्हाखण्ड । ५०४ सुनिकै बातें ये माहिल की राजा लीन कमान उठाय ॥ त्यही समैया त्यहि औसरमा रूपन गये नदीपर आय ११८ पानी देखें रक्त वर्ण सब रूपन गये बहुत चक्राय ॥ ऊंची टिकुरी चढ़ि देखतभे चहुँदिशिरुण्डपैरौंदिखराय ११९ पनी पियायो तहँ घोड़े का झावर गयो तड़ाका आय ॥ जहँना तम्बू था द्यावलिका रूपन अटा तड़ाकाधाय १२० द्वारे ठाढ़ी द्यावलि माता रूपन बोला बचन सुनाय ॥ पनी पियावन हम नदी गे तहँ विपरीतपरा दिखराय १२१ हमरे मनते यह आवति है नदिया जुझे कन्नौजीराय ॥ खबरि मँगावो तुम लाखनिकै हमरे धीर धरा ना जाय १२२ इतना सुनिकै द्यावलि माता आल्हा पास पहुँची जाय ॥ खबरि सुनाई सब आल्हाको रूपनगयो जौनबतलाय १२३ बारह रानिन का इकलौता ऊदन लाये ताहि लिवाय ॥ होय हँसौवा सब दुनिया मा जोमरिगेयकन्नौजीराय १२४ सातलाख सों चढ़ा पिथौरा देवो उदयसिंह पठवाय ॥ इतना सुनिकै आल्हा बोले माता काह गयी बौराय १२५ गाँजर उसरीथी ऊदन की नदिया लड़ें कन्नौजीराय ॥ कछु नहिं जानैं आल्हा ठाकुर माता साँच दीन बतलाय १२६ नाहिं हँसौवा का डर राखैं प्यारो मोर लहुरवाभाय ॥ जो कहुँ जुझिहैं उदयसिंहजी तौहमकाहकरबफिरिमाय १२७ सुनिकै बातें ये आल्हा की द्यावलि उठी तड़ाका धाय ॥ जहँना तम्बूथा ऊदन का माता अटी तहाँपर आय १२८ आवत दीख्यो जब माता को ऊदन गहा दऊपद जाय ॥ आदर करिकै महतारी का उत्तमआसन दीन बिछाय १२६

[Header] नदीबेतवाकासमर। ५०५ १३

धूप दीप अरु अक्षत चन्दन पूजन हेतु लीन मँगवाय ॥ नदी बेतवा का जल लै कै धोये चरण बनाफरराय १३० विधिवत पूजनकरि माताका बोला फेरि लखुरवाभाय ॥ हुकुम जो पावैं महतारी का सो करिलावैं शीशनवाय १३१ सुनिकै बातें ये ऊदन की द्यावलि बोली आँसुबहाय ॥ परे कन्नौजी हैं सँकरे मा रूपन खबरि जनाई आय १३२ जो कछु होई लखराना का देई दोष सबै संसार ॥ त्यहिते जावो तुम नदियाको बेटा उदयसिंह सरदार १३३ मैं समुझावा भल आल्हा का तिन नहिं माना कहा हमार ॥ गाँजर उसरी थी ऊदन की नदियाकनउजका सरदार १३४ तुम्है मुनासिब अब याही है जावो अवशि पूत यहिबार ॥ सुनिकै बातें ये माता की बेंदुल उपरभयो असवार १३५ गयो तड़ाका त्यहि तम्बूमा ज्यहिमा रहें बनाफरराय ॥ खबरि सुनाई सब आल्हा को दोऊहाथजोरि शिरनाय १३६ हुकुम जो पावैं हम दादा को नदिया जायँ तड़ाका धाय ॥ जयचँद तिलका ते बाचा दै लायन रहें कन्नौजीराय १३७ जियत बनाफर उदयसिंह के इनको बार न बाँकाजाय ॥ करें प्रतिज्ञा जो साँची ना तौ सबजावै धर्म नशाय १३८ सुनिकै बातें उदयसिंह की आल्हा चुप्प साधि रहिजाय। चलिभे ऊदन तब तम्बू ते दोऊहाथ जोरि शिरनाय १३६ लौटिकै आवा फिरि लश्करमा डंका तुरत दीन बजवाय ॥ साजि सिपाही सब जल्दी सों ऊदन कूचदीन करवाय १४० नदीबेतवा को उतरत भा यहु रणवाघु बनाफरराय ॥ मीरासय्यद धनुवाँ तेली दोऊ परे तहाँ दिखलाय १४१

१४ आल्हखण्ड । ५०६ छाँड़े मोर्चा भागति आवैं औरौ परे नजरि सब आय ॥ दह्या बापू की ध्वनि लागी कोऊ पाँव घसीटनजाय १४२ बिना हाथ के कोऊ आवै कोऊ रोवै घाव दिखाय ॥ हाय ! गोसइयाँ दीनबन्धुकहि कोऊ सज्जन रहे मनाय १४३ यह गति दीख्यो जब क्षत्रिनकै बोले तुरत बनाफरराय ॥ सय्यद चाचा तुम बतलावो कहाँपर छूटि कनौजीराय १४४ जो कछु हैहै लाखनि जियका सबके मूड़ लेव कटवाय ॥ इतना सुनिकै सय्यद बोले मानो कही बनाफरराय १४५ तीनिसै हाथी के हलकामा अक्सर परे कनौजी जाय ॥ प्राण आपने लय हम भागे मानो कही बनाफरराय १४६ नहीं आसरा लखराना का तुमते साँच दीन बतलाय ॥ सात लाखलों फौजैं लै कै आवा आप पिथौराराय १४७ शब्द पायकै हनै निशाना त्यहिते कौन आसराभाय ॥ सुनिकै बातें ये सय्यद की ऊदन गये सनाकाखाय १४८ धनुवाँ बोला तब सय्यद ते चलिये फेरि समरको भाय ॥ हमका तुमका जयचंदराजा सौंपा रहै कनौजीराय १४९ सम्मुख जाते महाराजा के सय्यद जियत मौत है जाय ॥ इतना सुनिकै सय्यद लौटे मोर्चा गहा तड़ाका आय १५० धनुवाँ आयो फिरि मोर्चा मा औरौ शूर गये सब आय ॥ तीनिसै हाथीके हलका मा पहुँचा तुरत बनाफरराय १५१ सवैया ॥ लाखनि खोज करें बघऊदन नाहिं मिलय कहुँ ठौर ठिकाना। कूदत फाँदत मारत धावत आवत डंक बजाय निशाना॥

नदीबेतवाकासमर । ५०७ १५ शंक नहीं निरशंक फिरै यहु बंक है ठाकुर ठीक बखाना । काह बखान करै ललिते गुणवान जहान यही हम जाना १५२ बड़ा प्रतापी रणमण्डल मा ठाकुर उदयसिंह सरदार ॥ बहु दलमारा पृथीराज का नदिया बही रक्तकी धार १५३ मारत मारत दल बादल के तब लखिपरे वीर चौहान ॥ बिषधर शायक इक हाथेमा इक लोहेकी गहे कमान १५४ तहँईं दीख्यो लखराना को तब मन ठीक लीन ठहराय ॥ शब्द भेद शर हनै पिथौरा कैसे बचै कन्नौजीराय १५५ जो मरिहैं लाखनि राना तौ सब जैहैं कामनशाय ॥ जो सुनि पैहैं तिलका रानी तौ मरिजाएँ जहरकोखाय १५६ नहीं आसरा यह लाखनि का जो अब धरैं पछारी पायँ ॥ शूर शिरोमणि सबविधि साँचे हमरे मित्र कन्नौजीराय १५७ साम दाम अरु दण्ड भेद ये चारों अङ्ग नीतिके आयँ ॥ इनसों लड़िकै सज्जन क्षत्री पावैं विजय समरमें जाय १५८ यहै सोचिकै ऊदन क्षत्री आपन घोड़ दीन दौराय ॥ जहँपर हाथी पृथीराज का ऊदन अटा तड़ाका धाय १५९ हाथ जोरिकै ऊदन बोले ओ महराज पिथौराराय ॥ तुम्हें मुनासिब यह नाहीं है जैसी करो समर में आय १६० ना चढ़ि आये जयचँद राजा ना चढ़िआये राजापरिमाल ॥ राजा राजा का रण सोहै मानो साँच बात नरपाल १६१ लड़िका लाखनि तुम्हरे आगे तिन पर कैसे गहौ कमान ॥ बातें सुनिकै बघऊदन की रहिगा चुप्प साधि चौहान १६२ ऐंड़ लगावा फिरि बेंदुल के हौदा ऊपर पहुँचाजाय ॥

३६ आल्हाखण्ड । ५०८ कलश सुबरण हौदावाला लीन्ह्यो तुरत बनाफराय १६३ स्याबासि स्याबासि कह्यो पिथौरा पाछे हाथी लीन हटाय ॥ तबै कनौजी मन शरमाने ताहर गयो बरोबरि आय १६४ लाखनि ताहर का मुर्चाभा ऊदन और चौंड़िया ज्वान ॥ धाँधू धनुवाँ कै बरणी भै सय्यद भूरूका मैदान १६५ नदी बेतवाके झावर मा बाजै घूमि घूमि तलवार ॥ ऐसी नाहर कनउज वाले वैसी दिल्लीके सरदार १६६ हौदा हौदा यकमिल हैगा अंकुशभिड़ा महौतनक्यार ॥ पैदल पैदलकै बरणी भै औ असवारसाथ असवार १६७ उरई फौजै दल बादल सों बाजैं छपक छपक तलवार ॥ छुरी कटारी भाला बरछी ऊनाचलै विलाइतिक्यार १६८ तीर तमंचा के मंचा भे भाला बरछिनकेर पगार ॥ मरे कटारिन औ छूरिनके नदिया बही रक्तकी धार १६६ मुएडन केरे मुड़ चौराभे औ रुण्डन के लगे पहार ॥ हिरसिंह बिरसिंह बिरियावाले दोऊ लड़ैं तहाँसरदार १७० रहिमत सहिमत द्वउ मारेगे हिरसिंह बिरसिंह के मैदान ॥ धाँधू धनुवाँ के मुर्चामा मुर्चा हारिगये चौहान १७१ लाखनि राना के मुर्चामा मरिगे दतिया कें नरपाल ॥ ताहर ठाकुर के मुर्चा मा बेटा देशराजका लाल १७२ तबलौं आये लाखनिराना तिनते फेरि चली तलवार ॥ चढ़ा कनौजी है भूरी पर यहुदलगंजनपरअसवार १७३ तीनि सिरोही ताहर मारी लाखनि लीन ढालपर वार ॥ क्रोधित ह्वैकै लाखनिराना तुरतै कीन्ह्यो गुर्जप्रहार १७४ चोट लागिगै सो घोड़ा के तुरतै भाग सहित असवार ॥

नदीबेतवाकासमर । ५०६ १७ पाछे भूरी लखराना की आगे दिल्ली राजकुमार १७५ घाट बयालस तेरह घाटी सब दल भाग पिथौरा क्यार ॥ जहँ पर तम्बू पृथीराज का पहुँचाकनउजकासरदार १७६ उतरिकै हथिनी ते भुइँ आवा तम्बू तुरत दीन गड़वाय ॥ यहु महराजा दिल्लीवाला तहँते कूचदीन करवाय १७७ बहुतक घोड़ा पृथीराज के लूटे तहाँ बनाफरराय ॥ बाकी तम्बू जे पिरथी के लाखनिआगिदीनलगवाय १७८ जितनी फौजैं लखराना की चन्दन बाग पहुँचीं आय ॥ दिल्ली पहुँचे दिल्ली वाले धावन गयो बेतवाधाय १७६ आल्हा ठाकुर के तम्बू मा धावन खबरि जनाई जाय ॥ सुनिकै बातैं मुख धावन की आल्हा कूचदीन करवाय १८० बाजत डंका अहतंका के चन्दन बाग पहुँचे आय ॥ यकादिशि तम्बू है आल्हा का दुसरी तरफ कनौजीराय १८१ बाजैं डंका अहतंका के हाहाकार शब्द गा छाय ॥ गा हरिकारा मोहबेवाला बैठे जहाँ चंदेलेराय १८२ खबरि सुनाई सब पिरथी की जाविधि कूचदीन करवाय ॥ जैसे आये चन्दन बगिया दूनों भाय बनाफरराय १८३ करणी वरणी सब लाखनि कै धावन बार बार शिरनाय ॥ सुनी वीरता लखराना की भे मन खुशी चँदेलेराय १८४ ब्रह्मा ठाकुर को बुलवायो औ सबहाल कह्यो समुझाय ॥ तुरत महोबा को सजवावो देखन आवैं कनौजीराय १८५ सुनिकै बातैं ब्रह्मा ठाकुर लीन्ह्यो कोतवाल बुलवाय ॥ कहि समुझायो कोतवाल को मोहबा तुरत देउसजवाय १८६ इतना कहिकै ब्रह्मा चलिभे मल्हना महल पहुँचे जाय ॥

१८ आल्हखण्ड । ५१० कही वीरता लखराना की ब्रह्मा बार बार तहँ गाय १८७ चन्दन बगिया डेरा परिगा पिरथी कूच दीन करवाय ॥ इतना सुनिकै रानी मल्हना तुरतै दीन्ह्यो हुकुम लगाय १८८ सजो मोहोबा चौगिर्दा ते हाटक नये करौ तय्यार ॥ हुकुम पायकै महरानी का मोहबा सजन लाग त्यहिवार १८६ पुती दिवालैं गईं केसरि ते चम्चम् चमकिकरहि जाँयँ ॥ द्वार द्वार में बन्दन वारे घरघर रहे पताका छाय १६० को गति बरणै पुरवासिन कै द्वारे कलश दीन धरवाय ॥ घृतसों पूरित दीपक वारे सुन्दरि गीत रहीं सब गाय १६१ सजीं बाजारें गलियारन मा माली बैठ ठट्ट के ठट्ट ॥ चलैं कदमपर कहूँ कहूँ घोड़ा कहूँ कहूँ चलैं चाल सरपट्ट १६२ ठट्ट लागि गे तम्बोलिन के जाहिर पान मोहोवे क्यार ॥ सतर सराफाकी बैठी है सोहैं भाँति भाँतिके हार १६३ कौन बजाजा कै गति बरणै भाला वरछिन केरि बजार ॥ गमला बिरखन के गलियनमा जिनमा कोटि वृक्षरुहदार १६४ फूले बेला अलबेला कहूँ मेला लाग चमेलिन क्यार ॥ रेला आवै कहूँ नारिन के गावैं गीत मंगलाचार १६५ बारह रानी चंदेले की तिनके महल सजे त्यहिवार ॥ घरे खिलौना हैं ताखन मा पाखनवेलि बूट अधिकार १६६ सोने चांदी के जेवर को रानी करता फिरैं झनकार ॥ को गति बरणै महरानिन कै सोलो कीन तहाँ श्रृंगार १६७ हाट बाट चौहाटा सजिगे बोले तबै रजा परिमाल ॥ चलिकै लइये जगनायक जी बेटा रतीभानको लाल १६८ इतना कहिकै परिमालिक जी पलकी ऊपर भये असवार ॥

[Header] नदीबेतवाकासमर । ५११ १६

अल्हा चढ़िकै हरनागर पर तुरतै भयो तहाँ तैयार १६६ मैने सजिगो परिमालिक का तब फिरि कूचदीन करवाय ॥ जहँ पर तम्बू लखराना का तहँपर गये चंदेलेराय २०० आवत दीख्यो परिमालिक को लाखनि उठे तड़ाका धाय ॥ पकरिकै बाहू लखराना की औछातीमा लीन लगाय २०१ बैठे तम्बू मा परिमालिक आये दुऊ बनाफरराय ॥ मिलाभेंट करि सब काहुन सों सबहिनकूच दीन करवाय २०२ चला कनौजी चढ़ि भूरी पर इन्दल पपिहा पर असवार ॥ घोड़ मनोहर पर देवा चढ़ि बेंदुल उदयसिंह सरदार २०३ हिरसिंह बिरसिंह बिरिया वाले येऊ साथ भये तय्यार ॥ सिंद्धा ठाकुर परहुल वाला गंगा कुड़हरिका सरदार २०४ मीरा सय्यद बनरस वाले औरौ नृपति चले त्यहिबार ॥ ठाढ़ो हाथी पञ्चशब्दा था आल्हा तापर भये सवार २०५ द्यावलि सुनवाँ फुलवा तीनों डोलन उपर भई असवार ॥ डोला चलिभा चितरेखा का मोहवालखनलागिसरदार २०६ जौनौ गलियन जायँ कनौजी तौनी देखें नई वहार ॥ चलैं पिचका क्यहुगलियन मा कहुँकहुँहोयँफुलनकीमार २०७ कहुँ कहुँ ढोलक सारंगी ध्वनि कहुँ कहुँ बाजैं खूब सितार ॥ तबलागमकैं क्यहुगलियनमा होवै नाच पतुरियनक्यार २०८ परे पाँवड़ैहैं द्वारे मा महलन मणी करें उजियार ॥ उड़ैं कबूतर क्यहु महलन ते होवै नाच मुरैलन क्यार २०६ पिंजरा टाँगे ललमुनियन के चकस गड़े बुलबुलन केर ॥ सुवा पहाड़ी कहुँ पिंजरन में कहुँ कहुँ तीतर और बटेर २१० को गति बरणै त्यहि समयाकै चकित लखैं चहुँदिशि हेर ॥

२० आल्हखण्ड । ५१२ चारहु राजा गाँजर वाले बारह कुँवर बनौधाकेर २११ इन के सँगमा लाखनि राना मल्हना द्वार पहुँचे आय ॥ कीनि आरती चन्द्रावलि तहँ भीतरगये कनौजीराय २१२ संग पतोहुन को लै कै फिरि द्यावलिगर्ड तड़ाका धाय ॥ आल्हा ऊदन इन्दल तीनों येऊ फेरि पहुँचेजाय २१३ बड़ी कसमसि भै महलन मा बैठ सबै महा सुखपाय ॥ बारहु रानी परिमालिक की मल्हनामहल गईसबआय २१४ बड़ी खुशाली भै मल्हना के फूले अङ्ग न सकै समाय ॥ बेटी बोली चन्द्रावलि तब मानों साँच लहुरवाभाय २१५ जबते छाँड़्यो नगर मोहोबा जबते मरे बीर मलखान ॥ तबते ईजति ये ताके हैं लुच्चा दिल्ली के चौहान २१६ जोना अवतिउ ऊदन भैया पिरथी लूटि लेत करवाय ॥ धर्म रखैया सब मोहवे के युगयुगजियौबनाफरराय २१७ सुनिकै बातें चन्द्रावलि की ऊदन कहा बहुत समुझाय ॥ काहहकीकति थी पिरथी की मोहबाशहर लेत लुटवाय २१८ मिला भेंट करि सब काहुन सों सबहिन कूच दीन करवाय ॥ जहाँ कचहरी परिमालिक की आल्हा सहित पहुँचेआय २१९ खातिर कीन्ह्यो परिमालिक ने बैठे तहँ कनौजीराय ॥ राजा बोले तब आल्हा ते हमपरदया दीन बिसराय २२० जबै बनाफर तुम मोहबेगे तबहीं चढ़ा पिथौराराय ॥ जूझिग ठाकुर सिरसावाला बिपदा गई मोहोबे आय २२१ इतना सुनिकै आल्हा बोले मानों साँच बचन महराज ॥ सुनी तलाकें जब तुम्हरी हम मानो गिरी उपरते गाज २२२ माहिल भूपतिकी चुगुली सुनि हमरी देश निकासी कीन ॥

[Header] नदीबेतवाकासमर । ५१३ २१

जूझिगे ठाकुर सिरसा वाले तबहूं खबरि आपनहिं लीन २२३ खबरि जो पावत मलखाने की दिल्ली शहर देत फुकवाय ॥ चढ़िकै मारत हम पिरथी का साँची सुनो चँदेलेराय २२४ द्यावलि बिरमा सम माता ना ना जग भायसरिस मलखान ॥ ब्रह्मा ठाकुर के ब्याहे मा हाथी द्वार पछारा ज्वान २२५ पहिलि लड़ाई मै माड़ौगढ़ दूसर नैनागढ़ मैदान ॥ तिसरि लड़ाई मै पथरीगढ़ ब्याहे गये तहाँ मलखान २२६ चौथि लड़ाई मै दिल्ली मा पाँचो नरवर का मैदान ॥ इन्दल ब्याह हरण छठयें मा तहँपर भयो घोर घमसान २२७ सतौं लड़ाई मै बौरीगढ़ आठों बूँदी का मैदान ॥ नव दश बार लड़े रण नाहर तब मरिगये बीर मलखान २२८ भुजा टूटिगै इक आल्हा की हैंगा बली बीर चौहान ॥ स्वप्ना हैगे अब दुनिया मा हमका आजु बीरमलखान २२६ यहु दुख पावा तुम्हरी दिशि ते मानो साँच चँदेलेराय ॥ सवन चिरैया ना घर छोड़ै नानिजरा बणिजकोजाय २३० मोहिं निकारा तब मोहबे ते तुम्हरो काह बिगारा भाय ॥ जेयत मोहोबे हम आइत ना जो ना चढ़त पिथौरा धाय २३१ पाल्यो पोष्यो लरिकाई ते ताते लाज दीन बिसराय ॥ दूध पियायो मल्हना रानी तब यह रुजिया लहु रखा भाय २३२ अस समुझायो मोहिं माता जब तब सब क्रोध दीन बिसराय ॥ सुनिकै बातें ये आल्हा कीं कायल भये चँदेलेराय २३३ तबै बनाफर उदयसिंह जीं बोले हाथ जोरि शिरनाय ॥ सुखसों सोवो अब मोहबे मा करिहै काह पिथौराराय २३४ जो कछु हैगा पाछे परिगा अब आगे का करो विचार ॥

२२ आल्हखण्ड । ५१४ इतना सुनिकै परिमालिकजी लागे करन मंगलाचार २३५ सवैया ॥ मोद अपार बढ़यो त्यहि वार सो यार सँभार रह्यो कछु नाहीं। पैरको भूषण हाथन धारि सो हाथको भूषण पैरन माहीं ॥ हाथ मिलावत धावत आवत गावत गीत डरे गलबारीं। कौन सों मारग ऐसो तहाँ सो जहाँ ललिते सुखपावत नाहीं २३६ बड़ा मोदभा पुर महलन मा टहलन नेक न लागी वार ॥ आल्हा ऊदन लाखनि ठाकुर सबहिनखूबकीनज्यौंवनार २३७ खेत छूटिगा दिननायक सों झण्डा गड़ा निशाको आय ॥ तारागण सब चमकन लागे संतन धुनी दीनपरचाय २३८ परे आलसी खटिया तकितकि घों घों करउ रहे घर्ाय ॥ आशिर्वाद देउँ मुन्शी सुत जीवो प्रागनरायण भाय २३६ रहै समुन्दर में जबलों जल जबलों रहैं चन्द औ सूर ॥ मालिक ललिते के तबलौं तुम यशसों रहौ सदा भरपूर २४० माथ नवावों पितु माता को देवी देव सरिस औतार ॥ सेवा करिकै पितु माताकी सरवन पूत भयो भवपार २४१ औरौ गाथा रघुनाथा की कहिगे बालमीकि बिस्तार ॥ पूरण ब्रह्म आदि पुरुषोत्तम स्वामी रामचन्द्र अवतार २४२ अब बदनामी का डर नाहीं होवो रामचन्द्र भत्तार ॥ शरण तुम्हारी हम ताके हैं दर्शन चहैं नाथ यहिवार २४३ पगड़ी हमरी अब अरुझी है सो सुरझाय-देव रघुनाथ ॥ कितनो पापी कलियुग करि है तबहूँ धरों चरण में माथ २४४ माता भ्राता त्राता ताता नाता एक ठीक रघुनाथ ॥

नदीबेतवाकासमर। ५१५ २३ स्वारथ साथी सब दुनिया है कासों करों जगतमें साथ २४५ सुमिरि भवानी शिवशङ्कर को ह्याँते करों तरँग को अन्त ॥ राम रमा मिलि दर्शन देवैं इच्छा यही भवानीकन्त २४६ इति श्रीलखनऊनिवासि (सी,आई,ई) मुंशीनवलकिशोरात्मजबाबू प्रयागनारायण जीकीआज्ञानुसार उन्नामप्रदेशान्तर्गत पँड़रीकलांनिवासि मिश्र वंशोद्भव बुधकृपाशङ्करसूनु पण्डितललिताप्रसादकृतनदीबे- तवायुद्धवर्णनोनामप्रथमस्तरंगः॥ १ ॥ नदीबेतवाकायुद्धसमाप्त ॥ इति ॥

The provided image is completely blank and does not contain any text to transcribe.

॥श्री गणेशाय नमः॥ अथ आल्हखण्ड ॥ ठाकुरउदयसिंहजीकाहरणवर्णन ॥ सवैया ॥ बज्रसे अंग ओ बानर हय अरु बीरन में बलवान महा । रणमण्डल कोउ न जाय सकै ज्यहि ठौर जबै यहु बीर रहा ॥ सप्त समुन्दर नाँघि अगाध दशकन्धर को पुर जाय दहा । आयहु फेरि जबै लखिते रघुनाथ ते साँच हवाल कहा १ सुमिरन ॥ तुम्हैं बहादुर मैं ध्यावत हौं अञ्जनि पूत वीर हनुमान ॥ तुम्हीं गोसइयाँ दीनबन्धु हौ नितप्रतिकरौं चरणकोध्यान १ सरबरि तुम्हरी का दुनिया मा दूसर कौन बहादुर ज्वान ॥ शरण तुम्हारी मा आयन है साँचे वीर बली हनुमान २ गदा प्रहारी हे असुरारी मारी दुष्ट लङ्किनी नारि ॥ पर्शंत पाँयन मकरी तरिगै लायो पर्वत श्रृंग उखारि ३ बड़े पियारे रघुनन्दन के वन्दन करौं जोरि दोउ हाथ ॥ अक्षत चन्दन धूप दीप सों पूजन करौं मानसी नाथ ४

२ आल्हखण्ड । ५१८ करो मनोरथ पूरण हमरे सबविधि माननीय हनुमान ॥ छूटि सुमिरनी गै हनुमत कै ऊदन हरण सुनो अब ज्वान ५ अथ कथाप्रसंग ॥ 'एक समैया की बातें हैं परिगै पर्व दशहरा आय ॥ सुनवाँ बोली तब ऊदन ते साँची सुनो बनाफरराय १ मोरि लालसा यह डोलति है मज्जन करों बिठूरै जाय ॥ आयसु लैके तुम दादा की देवर मोहिं देउ हनवाय २ यह मन भायगई ऊदन के आल्हा महल पहुँचे जाय ॥ हाथ जोरि अरु बिनती करिकै बोला तहाँ लहुरवाभाय ३ सुनवाँ भौजी की इच्छा है हमको गंग देउ हनवाय ॥ आयसु पावैं जो दादा की तौ हम जायँ बिठूरै धाय ४ इतना सुनिकै आल्हा बोले मानों साँच लहुरवा भाय ॥ देश देश.के राजा अइहैं करिहौं कलह तहाँपर जाय ५ त्यहिते बैठो घर अपने मा ऊदन साँच दीन बतलाय ॥ पर्व दशहरा की फिरि अइहै औरे साल हनायो जाय ६ इतना सुनिकै ऊदन बोले दादा सुनो बनाफरराय ॥ पगिया हमरी कछु अरुझीना जो तहँ रारि मचैवे जाय ७ बाचा हारे हम भौजी ते तुमको गंग देब हनवाय ॥ मोहिं भरोसा है दादा को करिहौ पूर मनोरथ भाय ८ बातें सुनिकै बघऊदन की दीन्ह्यो हुकुम बनाफरराय ॥ 'हुकुम पायकै ऊदन ठाकुर लीन्हीं तुरत फौज सजवाय ६ सजी पालकी तहँ ठाढ़ी थीं सुनवाँ फुलवा भई सवार ॥ घोड़ बेंदुला का चढ़वैया औ जगनायक भयो तयार १० सवालाख दल ऊदन लैके तुरतै कूच दीन करवाय ॥