कबीर सागर (11 भाग संपूर्ण)

१७

जीवधर्मबोध

( १९२५ )

चैतन्यमे जड़ रूप जड़, चित चेत निजु उर आनेऊ । शृंगार साजन लाल कहुँ, कुसु कानिकौ मन मानेऊ ।

इति काम

अथ क्रोधवर्णन-चौपाई

द्वितीये क्रोध महा बलवंता । सोसमस्त शुभ गुनको हन्ता ॥ जाको देखि बुद्धिवर कम्पत । रहै न निकट भाजिहो चंपत ॥ महा काल यह क्रोध उचारा । यह खल प्रकट होय जेहिबारा ॥ धर्मको लेश रंच नहीं रहई । यह अपराधी जप तप दहई ॥ प्रलय करे सतगुनहि विडारा । आप दाहि और न दुहि डारा ॥ वर्षहजार जो सुनि तप कीने । पलमें क्रोध अष्ट करि दीने ॥ नरकवास सुनि बरहि पठाई । कतहुँ न रही ज्ञान गहिराई ॥ तप जप कहाँ क्रोध जब होई । जिवको निश्चय नरक विगोई ॥ सकल धर्मकी धूल उडावै । क्रोधको अंधकार जब आवै ॥ अहंकार क्रोधादि विकारा । तुच्छ जीवमें अधिक निहारा ॥ कीडा एक रहे घासनमें । ऐसो क्रोध ताहिके मनमें ॥ जो कोई ताको परसे जाई । महा-क्रोध ताके उर छाई ॥ क्रोधितहै अस मनहि विचारी । छूवन हार को डारो मारी ॥ कूदे उछलै जो रन चलई । आपको अबल जानिके टलई ॥

इति क्रोध

अथ लोभवर्णन-चौपाई

तृतीये लोभकी कथा बखानी । शुभ गति लहै न लोभी प्रानी ॥ लोभी निशदिन माला फेरा । ताको पार होय नहीं बेरा ॥ सूम है नरक केर अधिकारी । जपतप कियहु न जन्म सुधारी ॥ लोभी जीव जेते जग माहीं । नरक हेत सबही सो आहीं ॥ लोभ ते शुभ करनी नहीं भावै । सोई सब अघकर्म करावै ॥

( १९२६ )

बोधसागर

१८

सो नरपर कलियुग को बासा । तेहि प्रिय कीने बुद्धि विनासा ॥ सोई दुष्ट सब करे अकाजा । प्रीछित धर्म-धुरंधर राजा ॥ ताहूको सो बुद्धि बिगारा । कञ्चनपरकलि आसन धारा ॥ धर्म महम्मद करे बखाना । सोरनको भागी शैताना ॥ गहि कर कञ्चनदृग न लगाये । चूमि ताहि पुनि कह गोहराये ॥ कञ्चनसे जो प्रीति लगाई । सो नहिं भगवत भक्ती पाई ॥ सो लोभी इबलीसको बन्द। निश्चय परे ताहिके फन्द। ॥ पुनि ऐसो इबलीस पुकारा । साधु सूम है मित्र हमारा ॥ सूम साधु जो जप तप करई । लोभ समस्त कृपा संहरई ॥ तैसे पापी दाता जोई । परमशत्रु मेरो है सोई ॥ जो कछु पाप करे सो दाता । दान किये सो सकल निपाता ॥ सो शैतानके वश नहिं परई । दाता कोटि पाप जो करई ॥ दोय वृक्ष द्वै ठौरमें देखा । यक औदारता लोभ है एका ॥ दानवृक्ष वैकुण्ठमें बरनी । गड़ी तासु जड़ ताही धरनी ॥ साष तासु दुनियामें आई । नरहित हेत सो दियो झुकाई ॥ जो कोई पकरे साष सखावत । सो निश्चयविहिशतको जावत ॥ साष सखावत पकरि जो रहई । अघ औगुन सब ताको दहई ॥ नवीन प्रसंशिके बचन सुनावै । सखी अवश्य मेरे ढिग आवै ॥ ऐसहि लोभवृक्षकी लड़ है । घोर नरकमें ताकी जड़ है ॥ साष तासु जगमाह झुकाई । जो कोई गहै नरकमें जाई ॥ शुभ करनी सब तासु नशावै । सूमको दौजरमें पहुँचावै ॥ सब धर्मनको मत है एहा । लोभी करे नरकमें गेहा ॥

अथ मोहवर्णन-चौपाई

चौथे मोह महा दुःखदानी । भव भोगनकी यही निशानी ॥ ता पिता सुहृद परिवारा । सगे सहोदर सह सुत दारा ॥

१९

जीवधर्मबोध

( १९२७ )

प्रथमहि मातु पिताकी मोहा । अंधभो जिमि काई लग लोहा ॥ जिहि औसर घरनी घर आई । मातु पिताकी प्रीति भुलाई ॥ परम प्रीतमा नारी अहई । बाधिन यथा गरासन चहई ॥ मधुर मधुर बोलै सुसकाई । महा ठगिन जिव ज्ञान ठगाई ॥ हने जबहि सो काम कटारी । सरवस छीन लेय सो नारी ॥ ताते प्रकट भये जो पूता । पूत नहीं आयो यमदूता ॥ मधुर बोल बोलै मन हरही । दिन दिन अधिक प्रीतिपितुकरही ॥ पुत्र कि मोहमें जन्म गँवाये । ताते कबहुं न छूटन पाये ॥ ताकी मोह भयो जिव अंधा । चला अंतको यमपुर बंधा ॥ पुत्रसे कहो कौन सुख पाया । झूल गड़े जड़ मूल नशाया ॥ जन्मतही युवती हरि लीनो । युवा भये तब धन वित छीनो ॥ मूयहुपर कपालको फोरा । मा यह सुत धौ वैरी मोरा ॥ शत्रुको सदा मित्र जग जाना । मूढ़ नहीं चेते विन ज्ञाना ॥ मेरो मेरो कर अज्ञानी । ममतामें भूले सब प्रानी ॥ मोर तोर कहि जन्म गँवावै । भक्ति महातम हाथ न आवै ॥ बन्धु मित्र अरु संगे सखागन । सो समस्त है भक्तिके दुश्मन ॥ इन्है पेलिके हरि यश भनिये । प्रीति कबहुँ मति ठगनते ठनिये ॥

छन्द पद्मिनी

दशदिश देख बहु दृष्टि पसार । कोई नहिं तेरो यहि संसार ॥ मातु पिता स्वारथ हितकार । सुतदारादि सकल परिवार ॥ कोई न तेरो उबारनहार । सब मिलि तोहि नरकमें डार ॥ ताते तजो सकलकी प्रीत । यह दुनिया मतलबको मीत ॥ जिहि औसर स्वारथ ना होय । तेरो संग करे नहिं कोय ॥ बुद्धि विचारि विलोक विलोक । यह जग जान महाठग होय ॥ ठगसे प्रीति किये धन खोय । लहे अमरफलको विष जोय ॥

( १९२८ )

बोधसागर

२०

क्यों नहीं चिन्तामनि चित्चीत । यह दुनिया मतलबकी मीत ॥ जठर अग्निते तेहि जो बचाय । काहे ताको दियो भुलाय ॥ महा दुःख जब घरे आय । संकटमें सो करे सहाय ॥ भजु तेहि जन्म सुफल है जाय । परमहंसकी पदवी पाय ॥ ताकी कृपा चलो यमजीत । यह दुनिया मतलबकी मीत ॥

इति मोह

अथ भयवर्णन चौपाई

पंचम भय बटमार बड़ेरा । जो गहि जीव नरकमें गेरा ॥ भयवश तपी न जपतपकरहीं । भयते कायर घरमें मरही ॥ भय करि शूरा करे न करनी । भय करि सती न अग्निमें जरनी ॥ भय कीने शुभ कर्म न होई । भय करि शुभगति लहै न कोई ॥ भयकरि विद्याबुद्धि की हानी । भय भ्रम करि भमें चहुँखानी ॥ पांच वर्षका वय ध्रुव पाया । तप कारन सो वनाहँ सिधाया ॥ मिले ताहि नारद ऋषिराया । विविधि भांतिसे भय दिखलाया ॥ कानन महाभयावन कहेऊ । ध्रुवके हृदय न भय कछु गहेऊ ॥ बनमें जाय गूढ़ तप ठानी । रंच न सो मनमें भय मानी ॥ तपकरि हरिहि लियो प्रकटाई । धन्य धन्य ध्रुव धन्य कहाई ॥ जिनको हृदया भयते पूरा । तिनमें कबहुँ न साहस जूरा ॥ दोहा—पंचप्रकृति आकाशकी, कीने कछुक बखान । एकते एक महाप्रबल, सकल नरककी खान ॥

इति भय

चौपाई

पंच प्रकृत आकाश बखानो । पंच बहुरि बागूको जानो ॥ पंच अग्नि जलकी है पांचो । धरती पंच प्रकृति उर जांचो ॥ यही जीवको बंधन करही । इनहींते देही थित धरही ॥

२१

जीवधर्मबोध

( ११२९ )

तेहि सर्वथा अभाव जो कीजै । तब कैसे निज देह धरिजै ॥ पै अभाव कीजै गुरु द्वारे । तब जिव अपनो काज सँवारे ॥ पुत्र अकाशको बायू होऊ । पिता समान शून्य है सोऊ ॥ बायू बेटा अग्नि बखानी । सो तद्रूप तातके जानी ॥ तासुत जल जलते यह धरनी । ये सब सन्न एक सम उरनी ॥ शून्य अकाश शून्य तिहु गुन है । तम अरु अहंकार सब सुन है ॥ पुत्र पिता परपिता सहीते । सर्व सुन कहु सार न चीते ॥ शून्यको रचित देह यह अहई । शून्य सर्वथा ताको कहई ॥ शून्यकि कृपा सूत्र सब जानो । शून्य सर्वसंसारहि मानो ॥ तन मन धन सब शून्य बताओ । नाम रूप गुन शून्य कहाओ ॥ सो तन मन धन गुरुको दीना । नाम तासु बदले गहि लीना ॥ शून्य जो दीना शून्यहि लीना । कहो कहा कारज निज कीना ॥ शून्यहि दीन जो सूत्रहि पाया । तेहि व्योहार हाथ क्या आया ॥ है परंतु कारण तह एका । तामैं लहो भिन्न कछु लेखा ॥ निश्चय नामहु शून्य विचारी । तामैं है कारज यक भारी ॥ नाम डोरि हटु गहि जो कोई । शून्य पार पथ पावै सोई ॥ शून्यकि पारपंथ जब पावत । बहुरि शून्यमें सो नहि आवत ॥ शून्य रूप भवसागर धारा । अंड पिंड सब शून्य सँवारा ॥ अमकरि शून्यमें खल प्रकाशो । जस मृगजल मरुथलमें भासे ॥ फेन बुदबुदा वारि तरंगा । वायु प्रसंग बनावहु ढंगा ॥ जेहि औसर वायू नहि चलही । गलके सकल मिले तोह जलही ॥ जल विकार सब जलहै जैसे । माया ब्रह्म जीव यक तैसे ॥ अम करि नाम धरे बहु डोरा । एकब्रह्म तजि कतहु न औरा ॥ जेहि औसर जिव सोलखि पावै । एकै माह अनेक समावै ॥ दृश्य अनेक जो एक समई । पिंड अंडकी थाह सो पाई ॥ थाह पाय जब जीव थिरोना । तब जान्यौ हो चारु चिरोना ॥

नं. ११ बोधसागर - ६

( १९३० )

बोधसागर

२२

मैं हो आदि मध्य अरु अन्ता । मोहि फुराफुर वेद बदन्ता ॥ पक्की तत्त्व देह जब पावै । तबनिजुघरजिव बहुरिके आवै ॥ पक्की तत्त्व प्रकृत पच्चीसा । स्वसंवेदकी विधि जो दीसा ॥ ताको गह कच्चीको त्यागे । ऐसे योग युक्तिमें लागे ॥ तनकी कृपा योग अष्टंगा । ताको तज भज मनको अंगा ॥ मन अष्टांग योग उरधारो । स्वसंवेद जाको निरधारो ॥ तनकी कृपाकाज नहीं सरही । मन करनी जिवपार उतरही ॥ मनको रचित सकल संसारा । हो निवृत्त जिव मनके द्वारा ॥ तन मन यद्यपि मिथ्या दोई । मन करनी अति उत्तम होई ॥ तन है जाय आपनी बसमें । जेहि औसरआवै मन कसमें ॥ तन मन दोनों बश है जाई । तब निज रूप नजरमें आई ॥ ऐसे साधु जो जगमें आही । हरि ब्रह्म शिव ध्यावै ताही ॥ ताकी गतिको सके बखानी । लखे न शारद वेद अरु बानी ॥

मौनीजि वचन विचार माला

दोहा—स्वसंवेद नहीं कहि सके, लक्षण सन्त महन्त । परसंवेद कहे कष्ट, संग प्रताप कहंत ॥

चौपाई

जिनकी गति अगम अगाधू । बानी वेद पारसो साधू ॥ स्वसंवेद गुण तासु न कहई । तिनको भेद जीव किमि लहई ॥ समदृष्टि सो साधू ऐसे । सोई ब्रह्म रूप मैं पैसे ॥ काहू नहीं सो दुःख दुःखावै । जिनकी दृष्टिमें साहेब आवै ॥ को हिन्दू को मुसलमाना । को ब्रह्म केहि श्रद्ध बखाना ॥ कौन यहूदी कौन नसारा । एकै ब्रह्मको सकल पसारा ॥ रह्यौ चराचरमें सो पूरी । जाहि लखे हो सब दुःख दूरी ॥ आप आप लख ब्रह्म सनेही । जहाँ तहाँ देखो नेरी देही ॥

२३

जीवधर्मबोध

(१९३१)

मोहितजिऔर कतहु कोइनाही । अमकरि भिन्न भाव दरसाही ॥ मेरो मन अरु तन सब मेरो । तनमें मन मनमें प्रभु डेरो ॥ लखे अलखगति झगरा टूटा । जीव काल बंधनते छूटा ॥ अपनी देह सकल जग जानी । ताते सबहीको सनमानी ॥ काहूको नहीं करे निरादर । सब कोइ ओढ़े मेरी चादर ॥ स्वर्ग नरक मृत आपै आपा । जैसो कर्म तहां ले थापा ॥ सबदिल महल वहां प्रभुको है । आपै आप सर्वमें सोहै ॥ काहूको अनभल नहीं ताका । निजु अनभल ताते परिपाका ॥ औरको अनभल ताके जोई । अनभल अवश्य ताहिको होई ॥ एक मोगल क्रमकरे जो बनियां । तेहिदिग रह यक वैललदनियां ॥ मोगल परोसी धोबी रहई । लादनको एक गदहा गहई ॥ जिमि औसर खर करे पुकारा । मोगल दुखित होय तेहिबारा ॥ प्रभुसे नीति अस विनय उचरई । यहि धोबीको गदहा मरई ॥ यकदिन ऐसे कारन भयऊ । वैल मोगलको तब मरि गैऊ ॥ तिहि औसर मोगल गहि रोषा । परमेश्वरहि लगावै दोषा ॥ केते काल खुदाई कीना । गदहा बैल अजौ नहीं चीन्हा ॥ ऐसेहि सकल जीव अज्ञानी । प्रभु कह दोष लगावहि प्रानी ॥ सो नहीं दोष लगावन योगा । सबजिवनिजु२क्रमफल भोगा ॥ परभल किये भला हो अपना । निश्चय यह प्रमाण करिथपना ॥ जो काहूको कछु दुःख देई । सो दुःख अवश्य आप शिरलेई ॥ जो सबला अबला दुःखदानी । सो दुख अपने सिरपर आनी ॥ मांसरुधिर जिन जाको चाखा । परगल काटि आपसुख राखा ॥ औरकोशिरनहिनिजु शिरकाटा । अपनो तनकर बारह बाटा ॥ कोटिन यतन करे किन कोई । बदला अमिट छुटै नहीं सोई ॥

( १९३२ )

बोधसागर

२४

सत्यकबीर वचन-शब्द

अपनो कर्म न मेटो जाई । कर्मको लिखा मिटै घौँ कैसे जो युगकोटि सिराई ॥ गुरु वशिष्ठ सुनि लगन सोधाई सूर्य मंत्र यकदीना । जो सीता रघुनाथ विवाही पलयक संचन कीना ॥ तीन लोकका करता कहिये बालि बध्यौ बरि पाई । एक समय ऐसी बनि आई उनहू औसर याई ॥ नारदसुनिको बदन बिगान्यौ कीन्है कपिको रूप । शिशुपालकी भुजा उखारी आप भये हरि टूँटा ॥ पारवतीको बांझ न कहिये ईश न कही भिखारी । कहै कबीर करताकी बातें कर्मकि बात है न्यारी ॥

चौपाई

मेरो कर्म मोहि दुःख देता । जाने बिना भये वश प्रेता ॥ बदला भोगे आदि भवानी । बदला हरि हर अयशि आनी ॥ बदलाके कारन जिव झारी । भोगे दुःख भये संसारी ॥ दिल दुःखाव मति काहू कैंरो । सब तन अपने तन सम हेरो ॥ सबको दुःख सुख एक समाना । एकै रूप रूप सब जाना ॥ एकै रूप अनेक बरन है । एकै इन्द्री एकै तन है ॥ मनु सतरूपा वेदमें कहेऊ । सोई सकल रूप निजु गहेऊ ॥ चौरासी लख योनि उपानी । एकै अंग न और बखानी ॥ सबमें रमा सो अकथ अनूपा । सबको जानो मनु सतरूपा ॥ मनु सतरूपा आपै साहेब । देखि परे जगमें नाना ढब ॥ आदि पिता सबजग जिन हेरा । सो समदृष्टी सन्त बडेरा ॥ निर्वासनिक आदि ओंकारा । हिरनगर्भ वासना जो धारा ॥ भई वासना जगको कारन । दोय स्वरूप कीन तब धारन ॥

२५

जीवधर्मबोध

( १९३३ )

हिरण्यगर्भ चित्ताह जो चाली । एक चना कीना द्वे दाली ॥ नारि पुरुष मिलि द्वन्द्व मचाया । ताते रचना राम रचाया ॥ स्वामी एक एक भे दासा । करे एक दूजाकी आसा ॥ वासना जब निवृत्त है जाई । स्वामी सेवक तब मिलिजाई ॥ जैसे प्रथम भयो द्वे ढंगा । तैसे दोनों होय करंगा ॥ सकल वासना लियौ बटोरी । द्वन्द्व खेल तब कतहु न हेरी ॥ मन इन्द्री कछु रहा न बाकी । निश दिन होय ब्रह्मकी झांकी ॥ जस प्रथमै रह अंडकि गोली । तस है बहुरि वचनको बोली ॥ तन मन इन्द्रीकी गम नाहीं । परम रूप रमि अलख कहाहीं ॥ लखै न कोई अलख गुरु देवा । जाने बिना करे सब सेवा ॥ जब जान्यौ तब सेवा नाहीं । मैं तू तह तब कछु न रहाहीं ॥ मोहिमें तूमें तोहि समाना । एक भयौ नहि दुतिया जाना ॥ सकल वासना मनते हरई । पारब्रह्म जब दाया करई ॥ ब्रह्मके खोजी साधो भाई । कैसे ब्रह्म की खोज बताई ॥ भजनानन्दी संत सुजाना । ब्रह्म सर्वमय पूरण जाना ॥ जाना तौ पै मिले न ताही । बिना मिले कछु सुख है नाहीं ॥ जैसे नारि पुरुष बर होई । एक दूसरो जाने सोई ॥ जानेते कछु सुख नहि सरसे । नारि पुरुष जबलों नहि परसे ॥ अरश परशते सुख सरसाना । तब मनहीमनमें सुखसमाना ॥ कहे कहा सो कहो न जाई । निज सखियनते सैन बुझाई ॥ सखीकि सैन सखी कोई बूझे । पियामिलनको सुखजेहि सूझे ॥ और कोई जो पूछे जाई । चुप है रहै तबै मुसकाई ॥ ब्रह्मको सुख जो कोई लहई । गूँगा होय न सो कछु कहई ॥ लून पूतली निज मनठाना । सागर थाह लेनको जाना ॥ जलमें पैठत जल है जाई । ताकी खबर कहै को आई ॥

( १९३४ )

बोधसागर

२६

कीट पतंगसे पूछे बाता । दीपक गिरे कौन सुख आता ॥ तेहि पतंग अस वचन सुनावो । तुमहि दीप ढिग चलि सुख पावो ॥ कीट तबहि दीपक नियराया । पुनि पतंग ढिग सो चलि आया ॥ आय पतंगसे वचन सुनाई । मैं कछु ज्योति स्वाद नहीं पाई ॥ तेहि पतंग बोला चिछाई । तैं किमि ज्योतिके सुखको पाई ॥ अरे मूढ संसारी कीडा । तोहि न व्यापी तन मन पीडा ॥ सुख पतंग आसिक सो जाना । दीपकमें जो धाय समाना ॥ तू तो फिरा देखिके आगी । जाने कहा मूढ दुरभागी ॥ शीश काटि निज करमें लीजै । ब्रह्मके सुखमें तब चित्त भीजै ॥ चले जक्त सब देखी देखा । सार असार करे को लेखा ॥ भेड़ा चाल सकल संसारा । नर पामरको यह व्यवहारा ॥ सबकोई कह यह मेरो धर्मा । मेरो गुरु कहा यह कर्मा ॥ सबते हमरो धर्म बडारा । सो बुधवंत जो करे विचारा ॥ चले अंधके पीछे अंधा । बिना विचार करे सोई धंधा ॥ यक शृगाल तेहि औसर बोला । ततछन तासुजाति सुह खोला ॥ वायस एक जो बोल उचारी । सबहि जातिगण तबहि पुकारी ॥ कीटके पीछे कीट जो चाला । तैसे जक्त धर्म प्रतिपाला ॥ यक धोबी यक गदहा राखा । सोढर नाम तासुको भाखा ॥ घाटके ऊपर धोबी गयऊ । ताहि ठौर सोढर मरिगयऊ ॥ ताते धोबीको दुःख होई । सोढर सोढर कहिके रोई ॥ घाटके ऊपर धोबिन आई । रुदन करत धोबीको पाई ॥ पुनि धोबिन निजघर फिर आई । सोढर कहिके रुदन कराई ॥ राजाकी रानी तेहि बेरी । धोबी गृह पठयो निज चेरी ॥ रुदन करत धोबिनिहि निहारा । सोढर सोढर करे पुकारा ॥ चेरी पुनि तहैंते फिरि आई । सोऊ रुदन करे बिलखाई ॥

२७

जीवधर्मबोध

(१९३५)

बांदी विलपत देखा रानी । रुदन बिलाप सोऊ तब ठानी ॥ राजा जब निज महलमें आया । रुदन करत रानीको पाया ॥ रानी रोवै सोढर कहि ताहा । सुनि सो रुदन रोवै नरनाहा ॥ राजा रुदनकरन जब लागा । नग्र नारि नर धीरज त्यागा ॥ सकल नग्रमें परा खँभारा । नृप मंत्री तब तहँ पग धारा ॥ मंत्री नृपते बचन उचारी । कारन कहा रुदन भो भारी ॥ तब नरनाथ बचन अस कहेऊ । दुखी सकल सोढर मरि गएऊ ॥ सोढर कौन सो मन्त्री बूझा । तब नृप कहौ मोहि नहिं सूझा ॥ रानी को मैं रोवत देखा । कीन्हौ मैं पुनि सोई लेखा ॥ रानीते जब पूछा जाई । सोढर कौन सो देहु बताई ॥ रानी कहे न जाने सोढर । मैं रोई बांदीके औढर ॥ जब पूछै बांदीसे जाई । सोढर कौन कहा बतलाई ॥ बूषली बोले मैं नहिं जानी । धोबिन देखि रुदन मैं ठानी ॥ धोबिन कह मोर धोबी रोई । सो लखि सोग मोहिको होई ॥ धोबीसे जब पूछा जाई । सोढर गढ़ा नाम बताई ॥ ऐसेही अंधा संसारा । देखा देखी कर्म पसारा ॥ जिनके हृदये माह बिचारा । सो नहिं लीकलीक पग धारा ॥ दोहा-लीक लीक गाड़ी चले, लीके चले कपूत ॥ तीन लीकमें नहिं चले, सूरा सन्त सपूत ॥

चौपाई

जगमें कतहुँ न तुर्क न हिंदू । सकल देखिये नाद अरु बिंदू ॥ जेते नाद बिंदु मय बंदा । सबही कर्मके फंदमें फंदा ॥ जैसो कर्म करे जो कोई । तैसोई फल पावै सोई ॥ कर्म कुरूप स्वरूप सँवारा । कर्महि ऊँच नीच गति डारा ॥ कर्महि दुःखसुख जीव भोगावै । कर्महि सकल योनि भरमावै ॥

( १९३६ )

बोधसागर

२८

अष्ट कर्म विधि जैन बखाना । बहुरि मिमांसा कर्मप्रधाना ॥ सत्यकवीर कहै पुनि ऐसे । सब जिव कर्म फन्दमें पैसे ॥

सत्यकवीर वचन-कर्मखंडकी रमैनी

कर्महि धरती पवन अकाशा । कर्महि चंद सूर परकाशा ॥ कर्महि ब्रह्मा विष्णु महेशा । कर्महि ते भये गौरि गणेशा ॥

सात वार पंद्रह तिथि साजा । नौग्रह ऊपर कर्म विराजा ॥ कर्महि राम कृष्ण औतारा । कर्महि कंस रावन संसारा ॥

सार्वी-कवीर कर्म रख सागरबंध्यौ, सौ योजन मरजाद ॥ बिन अक्षर कोइ ना छुटै, सो अक्षर अगम अगाध ॥

रमैनी

सो सागर भवसागर धारा । नहिं कछु सूझै वार न पारा ॥ तहँवा बावन अक्षर लेखा । कर्मरेख सबहिन पर देखा ॥

कर्मरेख बांधा सब कोई । खानी बानी देख बिलोई ॥

वेद कतेव कर्मही गाया । कर्महिको निह कर्म बताया ॥

सतगुरु मिले तो भेद बतावे । कर्म अकर्ममध्य देखलावे ॥

कर्मरेख तहँवा लगि राखा । जहँलगि वेद व्यास कछु भाषा ॥

सार्वी-कवीर कर्मफांस छूटे नहीं, केतो करे उपाय ॥

सतगुरु मिले तो ऊबरे, नातो परलय जाय ॥

कवीर बहु बंधनते बांधिया, एक विचारा जीव ॥

जीव विचारा क्या करे, जो न छुडावे पीव ॥

रमैनी

सूरा होय सो सन्मुख जूझै । भोंदू शब्द भेद नहिं बूझै ॥

दुखिया होय रैन दिन रोवे । भोगी भोग करे सुख सोवे ॥

दुःख सुख भोग सोग समजाने । भली बुरी कछु मन नहिं आने ॥

भली बुरीको करे सो त्याग । निश्चै पावै पद वैराग ॥

२९

जीवधर्मबोध

(१९३७)

साखी-आसन साधे आपमें, आपा डारे खोय । कहैं कबीर सो योगी, सहजे निर्मल होय ॥

कुण्डलिया

मानुष है नहिं कोई सुवा, सुवा सो डंगर ढोर । चौरासी भर्मत फिरे, टूटै न कर्मकी डोर ॥ टूटै न कर्मकी डोर, भोर बुधि जहाँ तहैं भटके । लहे न ज्ञान अन्नप, रूप भवमें पुनि पटके ॥ पुनि पुनि पटके काल, कर्म बेरी पग भारी । वचन कह यक मृग चोट, जहां लख कोट शिकारी ॥

चौपाई

कृपा करे गुरु धनी दयाला । जीवहि खच लोक ले चाला ॥ ताकी कृपा योग जब होना । लगे मही तब कालको टोना ॥ कृपा योग जबलों नहिं लोई । कृपा कौनविधि तापर होई ॥

सत्यकबीर वचन

धर्मदास तोहि लाख दोहाई । सार शब्द बाहर नहिं जाई ॥ सारशब्द बाहर जो परि है । बिचलै पीढी हंस नहिं तरि है ॥ युगन युगन तुम सेवा कीनी । ता पीछे हम इहां पगदीनी ॥ कोटिन जन्म भक्ति जब कीन्हा । सारशब्द तबही पै चीन्हा ॥ अंकुरी जिव होय जो कोई । सारशब्द अधिकारी सोई ॥ सत्यकबीर प्रमाण बखाना । ऐसो कठिन है पद निर्वाना ॥ पै दुतिये विधि कह्यो बहोरी । जापर सदगुरु कृपा न थोरी ॥ धर्मदास प्रति ऐसे कहेऊ । मांगु जो कछु तेरो चित चहेऊ ॥ धर्मदास तब वचन उचारा । तारो मोहि सहित परिवारा ॥ पिता पितामह सरखा समेता । सबहि पारकर कृपानिकेता ॥

( १९३८ )

बोधसागर

३०

तेहि अवसर सतगुरु विहसाना । का मांगे कछु मांग न जाना ॥ तारो सकल सृष्टिको भाई । तुम तो आप रहे अरुगाई ॥ यामें नहिं कछु दोष तुम्हारा । कालपुरुष तुमरी मति मारा ॥ ऐसो समरथ सत्य कबीरा । पलमें सब क्रम कागज चीरा ॥ कोटिन जन्म जो परा भुलेषा । करे जो कृपा चुकावै लेखा ॥ जहँ तहँ देख आप सदगुरु है । नहिं कहँ असुर नहीं कहँ सुर है ॥ असुर भाव जब सुरको आया । ता छन ताको असुर बनाया ॥ सुरते असुर असुर सुर होई । नारिते पुरुष पुरुष तिय सोई ॥ नीचते ऊंच ऊंचते नीचा । उत्तम मध्यम योनिमें खींचा ॥ ताते देखो दृष्टि पसारी । सकलधर्म प्रभु आप बिहारी ॥ मेरे मतसों सब धर्मनमें । खेले खेल सकल कर्मनमें ॥ जो कोइ चीन्है लाल बिहारी । दुबिधा सकल दूरकरि डारी ॥

सत्यकबीर वचन

राम रहीम करीमा केशव हरि हजरतहैं सोई । गहना एकै दृढ है गहना दुतिया और न कोई ॥

चौपाई

सब धर्मनमें आपै खेले । एक दूसरेसे नहिं मेले ॥ भर्मत सारी सृष्टि भुलानी । होय चहुँदिश ऐंचातानी ॥ झूठ सांच जब लेख सविवेका । झूठको तज गहु सत्तको टेका ॥ यह संसार सकल भ्रम छाही । भ्रमकरि सर्व सत्य दरशाही ॥ एक अनेक अनेक भो एका । ज्ञानते होय सो एक अनेका ॥ यथा कांचके मंदिर माहीं । कोटिन मणि मानिक रहजाहीं ॥ झाड़ फतूस अनेकन टांगा । तामें यक भ्रम दीपक जागा ॥ भ्रम दीपक जब तहां प्रकासा । कोटिन दीप मंदिरहि भाषा ॥ यक प्रतिबिम्ब अनेकन देखो । वार न पार लेख कह लेखो ॥

३१

जीवधर्मबोध

( १९३९ )

यक भ्रम दीप जो दियो बुझाई । सकलो भास नाश है जाई ॥ ऐसे एकते भयौ अनेका । बहुरि अनेक एकही एका ॥ यहि विधिसकलजक्त यहलागा । जस भ्रम दीप कांचगृह जागा ॥ ज्ञान उदयते रहै न कोई । यथा नखतगण जलमें जोई ॥ जल सूखे नहीं दरसै तारे । कोई नहीं देखजात किहि द्वारे ॥ ऐसेहि सकल जक्त यह थापा । सबमें शोभित आपै आपा ॥ ब्रह्म सब देसी लख ऐसे । यथास्फटिकमणि देखी तैसे ॥ यही स्फटिक मणिकेर सुभाऊ । जहँजसमतितसगति दरसाऊ ॥ जौन रंग तेहि सन्मुख आना । गहै स्फटिक मणि सोई बाना ॥ कर्मरंग जाट्टंग सघट्टा । देखफटिक मणिमें सोई ठट्टा ॥ राता पीता आदिक रंगा । होयस्फटिकमणि को सोई ढंगा ॥ सर्वांगी अस ब्रह्म बखाना । कर्म बनाव अनेक विधाना ॥ जहँ जसकर्म तहां तस भासू । सो निरलेप है स्वतह प्रकासू ॥ कर्मडोरि जबलों नहीं तोरे । अपनो रूप न पावै भोरे ॥ कर्मबंधते अलग जो होई । परम सोहावन उज्जल सोई ॥ कर्मसूतमें बंधा जो रहई । नाना रंग ढंग गुन गहई ॥ जेते धर्म जक्तके मांही । सबमें सोई ब्रह्म दरसाही ॥ जो दरसै सो सब भ्रम भासा । नहीं दरसै तेहि कौन प्रकाशा ॥ जो नहीं कहन सुननमें आवै । ताको कथा कौन कहि गावै ॥ मन बानीकी गम जहँ नाही । पुनि मनबानी किमि कहताही ॥ नैनते सकल जक्त दरसाई । पै निज रूप न सो लखिपाई ॥ देखे आंख सुने सब काना । रसना रसिक गंध गह ब्राना ॥ त्वचा स्पर्श तेहीको अहई । सबइंद्री निज निज कर्म गहई ॥ आंखिन रशनाको गुन जाना । स्वाद भेद नहीं सो पहिचाना ॥ कान न कबहु रूपको देखे । नाक न कबहु स्पर्शको लेखे ॥

( १९४० )

बोधसागर

३२

इंद्री निज निज कर्मही योगा । निजनिज भोग और नहिं भोगा ॥ सो इन्द्री जेहि ब्रह्म लखाही । कोई इन इन्द्रिनमें नाहीं ॥ जाते आत्मको पहिचाना । ताकी है कछु और ठेकाना ॥ मौन दशा ताते गह साधू । यह सब दीखै भर्म उपाधू ॥ विन जाने जो मौन गहाई । सो नहिं साधु मूर्ख कहलाई ॥ जो कछु कहो कहत नहिं बनई । जो चुप रहौ रहत नहिं बनई ॥ आपै आप खेल सब खेले । भर्म कूपमें मोहि कयों ठेले ॥ रसै बसै सब माह समावै । अर्श पै अपनौ तखत बतावै ॥ जो जाने सो कैसे कहई । नहिं जाने बहु बानी बहई ॥ सबही धर्म जक्तमें तेरो । कहो तो दोष देय सब मेरो ॥

सत्यकबीर वचन

काल दयाल हमै है भाई । छोड़ो दुबिधा काल पराई ॥ सबही धर्म ताहि सतगुरुके । चीन्हे बिनाकाल नहिं सुरके ॥ स्वसंवेदमें कहा बखानी । ताहि बूझि सुख पावै ज्ञानी ॥ काल पुरुष सतपुरुष समायौ । सत्य पुरुषकी देह जो पायौ ॥ सत्यपुरुष दीनों निज देही । कालपुरुष गहि लीनो येही ॥ विषयभोग सब कालकी अंगा । देखहु स्वसंवेद परसंगा ॥ विषयवासना जिहि जिवजागी । सबको धर्मराय है भागी ॥ निविकार अरु विनय विहीना । सकल वासना त्याग जोकीना ॥ सो समस्त सतपुरुष सनेही । सत्यपुरुष पुर पहुँचे येही ॥ इन्द्रीभोग विषय जो ध्यावै । धर्मरायके धाम समावै ॥ सदा रहै सो कालके फंदा । सो नहिं सत्यपुरुषको बंदा ॥ रस प्रीतिसे भक्ति जो करही । विषयविहायनाम निति रहही ॥ कालहिमें दयाल प्रकटाई । गहि करतासु लोक ले जाई ॥ सत्य पुरुषको भक्त कहावै । विषय विकार तेजो मनलावै ॥

३३

जीवधर्मबोध

( १९४१ )

प्रेमभक्ति जामें नहीं कोई । नहीं संतनकी सेवा होई ॥ सो सतपुरुषकि भक्तिसे गिरता । काल पुरुषके बंधन परता ॥

छंद—सत्यपुरुष जो निज बपुवरकह काल पुरुषको दीन्हेऊ । ताही पुरुषमें काल पुरुष कालमें तेहि चीन्हेऊ ॥ अंतरो बाहर दोऊ ठाहरमें निरखि भल लीन्हेऊ ॥ मोरे मते सतपुरुष सबही दूर दुविधा कीन्हेऊ ॥

चौपाई

जाहि धर्ममें जो जिव रहई । जब नखशिखसुकर्म सब गहई ॥ तब सांचा सतगुरु समुहै है । परम धर्मको मार्ग पैहै ॥ जबलों नहीं अति उत्तम करनी । परमपंथ तबलों नहीं धरनी ॥ हो यथा एक गोलाकारा । चहुँदिश ताके घेर सँवारा ॥ मध्यमें बिन्दु घेरके आही । घेरते बिन्दुको लीक जो जाही ॥ सो लकीर सब होहि बराबर । जौँ नहीं इंग बिझ्न मारगधर ॥ तेसे यह मृतलोक बखानो । सब धर्मनको थोक बखानो ॥ गोलाकार जान यह धरनी । ब्रह्मबिन्दु सतगुरुको वरनी ॥ लीक समान धर्म सब जगको । गह सब ब्रह्मबिन्दु मारगको ॥ जौ सुकर्म सब उत्तम होई । पहुँचे ब्रह्मबिन्दुको सोई ॥ टेढ़े टेढ़े चले जो कोई । ब्रह्मबिन्दु पहुँचे नहीं सोई ॥ इमि सब धर्मनके आचारी । टेढ़ चाल जब तज एक बारी ॥ ब्रह्मबिन्दुको तब सो पाई । ठाढ होहि तापर पुनि जाई ॥ सीधे खड़े होहि तेहि ऊपर । तब चहुँओर निहारेहि भूपर ॥ सब धर्मनकी दशा निहारी । केहि कर्मन अरुझे नरनारी ॥ ब्रह्मबिन्दुपर पहुँचे जो कोई । सीधे ठाढ न तापर होई ॥ शुद्ध रूप तेहि दृष्टि न आवै । फेरि फेरि भव भटका खावै ॥ बिन्दुपै सीधे खड़े भे आई । शुद्ध स्वरूप ताहि दरशाई ॥

( १९४२ )

बोधसागर

३४

शुद्ध स्वरूप जीव जब हेरी । करे न सो भवसागर फेरी ॥ गोलाकार स्वरूप बनावो । तामें सकल खेल दृशावो ॥

ब्रह्मविन्दु है आदि पुकारा । करखग आदिकसबधर्म पुकारा॥ निज निजमत जो आछे पाला । तौ सब ब्रह्मविन्दुको चाला ॥ टट्टा टेदे मारग जाहीं । ब्रह्मविन्दु पहुँचे सो नाहीं ॥ सस्सा विन्दुपे पहुँचे जाई । सीधे खड़े भये तहँ आई ॥ पूरन ज्ञानदृष्टि तिन पायौ । परम रूप रमि भवनहि आयौ॥ नन्नाहू लह विन्दु ठेकाना । ठाढ़ होनगति सो नहिं जाना॥ टेदे जायके ठाढ भयञ्ज । ताते शुद्ध स्वरूप न लहेञ्ज ॥ गोलाकार जो कथा बखानी । यह संसार सकल है पानी ॥ पानीमें जिव गोता मारा । बूड़ि जाय पुनि शीश निकारा॥ बूढे उछलै पार न पावै । लख चौरासी माह समावै ॥ जिमि शिशुमारचक यह फिरता । यकपलभरिनहिं ताको थिरता ॥ जो लग्नादिक चक्रमें आही । सबही ताके संग भ्रमाही ॥ भ्रमनकरे निशिदिन सब सोई । तिनको थिरता कबहुँ न होई ॥ ऐसहि गुरु संग सब चेले । भवसागरमें वाजी खेले ॥ उत्तर दक्षिणको जो छोरा । तहँ जो पहुँचहो थिर तेहिठौरा ॥

३५

जीवधर्मबोध

( १९४३ )

जो कोई पहुंचे तेहि खूटा । ध्रुव तारा सम भ्रमनते छूटा ॥ ज्ञानी पहुंचे कुतुबके किले । अटल होहि सो बहुरिन हिले ॥ सतगुरु किला जो ऐसे पैहै । बहुरि न सो भवमें भरमैहै ॥ यह दृष्टांत जो कोई बूझे । निश्चय परम पंथ तेहि सूझे ॥ सकल धर्मको एकै साई । सब पाले निज पुत्रकि नाई ॥ एक सोनार गढै सब गहना । जैसो कर्मरूप तस लहना ॥ सोन रूपको तार बनावै । गढ़िगुढ़ि ठोकि ठांकि सुधरावै ॥ ठोंकि ठांकि जब सीधा करई । यंत्रमें तबहि तारसों धरई ॥ खैंच तार धरि यंत्रके माही । इंग बिंग तब सब मिट जाही ॥ ऐसहि सर्व धर्म जग करो । टेढ बिंग व्यौहार जो हेरो ॥ धर्म कबीर धरहि जेहि बारी । खोट कर्म तब दूर पवारी ॥ तार समान सकल मत मंत्री । धर्मकबीर सोनारको यंत्री ॥ दोय प्रकार वासना अहई । भली बुरी जाको सब कहई ॥ दोनों भवसागरमें डारा । कहा करे यह जीव बेचारा ॥ अर्थ अरु धर्मकाम अरु मोखा । चारों त्यागे साधु सो चोखा ॥ चारते पार और जो होई । सतगुरु भेद बतावै सोई ॥

सत्यकबीर वचन

सारखी-तीरथ गयेते एक फल, संत मिले फल चार । सतगुरु मिले अनेकफल, कहै कबीर विचार ॥

चौपाई

कर्मको फल नर पावै कैसे । भोजन रस तन व्यापै जैसे ॥ जैसे भोजन जो को खाई । ताहीको गुन तामें आई ॥ आकशमात कर्म फल पावत । दुःखसुखसबजिवकोप्रकटावत ॥ जस बासना कर्म कर तैसा । तेहि अनुसार धर्म गह ऐसा ॥ सब निज निज वासना गहाई । ता तोषनकी करे उपाई ॥

( १९४४ )

बोधसागर

३६

नवी मलेशस्थानको यक रह । प्रभुप्रति विनतीकरि ऐसे कह ॥ हे प्रभु मोहि तियरति बलथोरा । यह बरदेव होय सो जोरा ॥ तेहि नम वानी कीन पुकारा । रति कारन कर मांसु अहारा ॥ मांसु खान लागा तब सोई । जान्यो प्रभुकी आज्ञा होई ॥ जस मनोरथ तैसी प्रभु आज्ञा । सत्य कहो करिके परितिज्ञा ॥ जस वासना जीव उर खोले । ताको यतन अकाशते बोले ॥ तथा फिरिशते स्वपना सुथरे । तस कलाम अछाको उतरे ॥ मिश्रसे जबहि यहूदी चाले । जब उजाड़में आय निराले ॥ मांसु खान कह प्रभु प्रतिटेरी । दियौ लगाय बटेरकी ढेरी ॥ खातहि खात मृत्यु तेहि डाला । कर्मको फल पायौ ततकाला ॥ जिन जिन मांसु खानको रोये । बचन एक प्रान सब खोये ॥ बीस वर्षके ऊपर जोई । सब मरि गयौ बचा नहिं कोई ॥ ज्ञान बिनाको प्रभु पहिचाना । ताको धर्म न कोई जाना ॥ जैसो धर्म धरे जो कोई । तैसी गति निश्चय लह सोई ॥ कोई स्वर्ग नर्कको भोगा । कोई अधर मृत्यु पुर लोगा ॥ जीव वासना प्रेरि लेआवै । ताही गतिमति स्थित करावै ॥ तीनों पुर पसरा यमजाला । कोइ बचै जेहि राख दयाला ॥

सत्यकबीर बचन

तीनों लोकमें लागी आग । कहैं कबीर कहैं जैहो भाग ॥

चौपाई

उभयवासनां ते जिव अटका । छूटै न आवा गौन को खटका ॥ कालहि रचै कालही पोषे । कालहि सब रचनाको सोषे ॥ कालको कृत कालही खैहै । कोई विरला गुरुगमबचजैहै ॥

कुंडलिया

निर्वाकार आतम सदा, वंधाकर्मकी डोर । मरकट नटके हाथ जिमि, फिरताखोरिन खोर ॥